Je 50:5 - Sơ̆p Hlabơar Nơ̆r 'Bok Kei-Dei

⁵ Lu sư jet chă trong năm tơ pơlei Siôn, Lu sư tơwih anăp tơklă tơ pơlei noh: ‘Bĕ bơ̆n yak, truh tơ noh wă pơkă hăm Kră Yang. Hăm tơdrong pơgơ̆p ling-lang ưh kơ đei layơ hiơt.’ ”

Je 50:5 Referans Kwoze

Je 32:40

Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Êsai 35:8

Tơ noh gô đei minh pôm trong glung tih. Minh pôm trong đe krao trong 'Lơ̆ng Rơgoh. Bơngai 'mê̆-'mach ưh kơ gơh năm trong noh. Mă-lei 'măn lu bơngai kiơ̆ Kră Yang năm trong noh. Mă khan đơ̆ng kơ hlôh kơwao kư̆m huay kơ jrok.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Bl 17:7

Inh pơgơ̆p pơkă hăm ih păng lu ioi adrĕch adrung ih truh tơ dôm jơhnơr noh pơgơ̆p pơkă ling-lang, Inh boih Kră Yang 'Bok Kei-Dei ih păng lu adrĕch adrung ih.

II Kor 8:5

Nhôn ngêh kơ lu sư pơm 'blep kơ đon nhôn tơchĕng đĕch, lu sư pơm hloh kơ đon nhôn tơchĕng dơ̆ng; lu sư pơyơ̆r ăn akâu lu sư kơ Kră Yang wă tơgŭm nhôn hai, lu sư pơm thoi 'Bok Kei-Dei lăp đon dêh.

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.

Horiso 84:7

Lu sư yak năm tơ anăp lu sư rai pran kơtang dêh, Dĭng truh 'bơ̆t anăp Kră Yang 'Bok Kei-Dei tơ Siôn.

I Pot 19:14

Êli tơl: “Jơhngơ̆m inh oei adrin dêh yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi Ih pơlôch lu bơngai khan lê̆ adrol hăm đao gưm pă minh 'nu inh oei arih, dang ei lu sư kư̆m oei chă wă pơlôch inh.

I Pot 19:10

Sư tơl: “Jơhngơ̆m inh oei adrin yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi ih, păng iŏk đao gưm pơlôch lu bơngai khan lê̆ adrol mă Ih yua. Pă minh 'nu inh oei arih, na dang ei lu sư kư̆m oei chă wă pơlôch inh.”

II Sam 23:5

Kră Yang 'Bok Kei-Dei sĭt gô tuh ăn tơdrong pŭn hiôk kơ adrĕch adrung inh thoi noh! Yua kơ Sư đei pơjing boih hăm inh tơdrong pơgơ̆p khŏm khŏm. Tơdrong đei pơkă tôm, ưh kơ đei tơplih dôm tơdrong inh hơpơi, sư gô ăn tơdrong noh bluh chăt.

Je 3:18

Truh tơ năr noh adrĕch Juđa gô pơgơ̆p hơdai hăm adrĕch Isơrael, lu sư gô yak hơdai weh đơ̆ng teh đak gah yă-nơ̆m na brŏk tơ dêh mă Inh đei ăn boih kơ 'bok yă lu iĕm jang sa.”

Je 31:6

Gô đei năr lu bơngai gak tơ kơpal kông Êphraim ôr krao: Iung bĕ bơ̆n tŏk tơ kông Siôn, năm kơkuh kơ Kră Yang, 'Bok Kei-Dei lu bơ̆n!’ ”

Je 31:21

“Pơdơ̆ng bĕ jrăng tơmo wă kơnăl; pơdơ̆ng bĕ gơ'bang wă tơ'bôh trong: Lăng bĕ kơ trong tih, trong noh boih mă lu iĕm yak kiơ̆. Wih brŏk bĕ, ơ bơngai Isơrael, brŏk hơlơ̆k bĕ tơ lu pơlei iĕm!

Êsêkiên 16:61

Kơplah ih sơng iŏk lu mŏ oh ih, ih gô 'blŏk kơ trong gơlong ih năm păng ih gô mơlâu; Inh gô ăn lu sư jing lu kon drŏ-kăn ih, mă khan lu sư ưh kơ đei lăm tơdrong pơgơ̆p Inh hăm ih.

Êsêkiên 37:22

Inh gô akŭm lu sư jing minh adrĕch adrung lăm char noh, tơ kơpal groi kông Isơrael. Lu sư đei minh 'nu pơtao pơgơ̆r đĕch. Lu sư ưh pă đei 'bar adrĕch adrung păng ưh pă klah 'bar tŏ dêh char pơtao dơ̆ng.

Hôsia 1:11

Kon sâu Juđa păng kon sâu Isơrael gô pơgơ̆p băl; păng gô pơjing pôk minh 'nu pơm yŏng pơgơ̆r đĭ-đăng lu sư đơ̆ng noh lu sư gô rai lơ lăm teh đak noh, yua kơ năr Jêsreel noh năr tih tơpă.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Hôsia 6:1

Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.