Je 50:4 - Sơ̆p Hlabơar Nơ̆r 'Bok Kei-Dei

⁴ Kră Yang khan: “Lăm lu năr noh, lăm kơplah noh, bơngai Isơrael păng bơngai Juđa năm hơdai, yak rah nhơ̆m rah, Chơchă Kră Yang, 'Bok Kei-Dei lu sư.

Je 50:4 Referans Kwoze

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Hôsia 1:11

Kon sâu Juđa păng kon sâu Isơrael gô pơgơ̆p băl; păng gô pơjing pôk minh 'nu pơm yŏng pơgơ̆r đĭ-đăng lu sư đơ̆ng noh lu sư gô rai lơ lăm teh đak noh, yua kơ năr Jêsreel noh năr tih tơpă.

Je 31:31

Kră Yang khan: “Khei 'năr gô truh, kơplah noh Inh gô pơgơ̆p 'nao hăm lu bơngai Isơrael păng lu adrĕch Juđa.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Jôel 2:12

Mă-lei Kră Yang khan: “Dang ei iĕm athei wih brŏk tơ Inh, hăm đĭ jơhngơ̆m lu iĕm, hăm tơdrong ơ̆t por, hăm tơdrong ơh sơ'ngon nhơ̆m hmoi.

Êsêkiên 39:25

Na, Kră Yang khan thoi âu: Âu Inh gô ăn kơ lu adrĕch Jakôp wih brŏk; hiôk-hian păng 'mêm mơnat kơ đĭ-đăng lu adrĕch Isơrael, păng gô gar anăn 'lơ̆ng rơgoh Inh.

Je 33:15

“Lăm lu 'năr noh păng kơplah ei kơnh, Inh gô ăn đei minh pôm dơng tơpăt sĭt chăt đơ̆ng adrĕch Đawit. 'Bok noh gô pơm tơdrong tơpăt hơnơ̆ng lăm teh đak.

Êsai 63:4

Lăm jơhngơ̆m Inh pơkă bơih kơ năr wă pơm 'mong, păng sơnăm mă Inh dŏng pơklaih truh bơih.

Êsai 55:6

Chă bĕ Kră Yang kơplah bơ̆n oei gơh tơ'bơ̆p; krao khan bĕ kơplah Sư oei jê̆!

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Êsai 14:1

Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Horiso 105:4

Chă bĕ Kră Yang păng tơdrong pran kơtang Sư chơchă bĕ muh măt Sư ling-lang.

Ya 4:9

Iĕm athei nhơ̆m hmoi ơh kơdih tơdrong yoch đêl iĕm pơm, hmoi ơh kơdih tơdrong đêl iĕm hiĕk 'nă, hmoi ơh kơdih tơdrong đêl iĕm hiôk chơt, pơhaih sơ'ngon kơdih kơ 'Bok Kei-Dei, na Sư mơnat.

Je 41:6

Ismael, kon drŏ-nglo Nethania, đơ̆ng Mispa năm sơng lu sư, yak rah nhơ̆m rah. Wă tơ'bơ̆p lu sư pơma tơm: “Bĕ bơ̆n năm tơ'bơ̆p Gêđalia, kon drŏ-nglo Ahikam.”

Êsêkiên 16:61

Kơplah ih sơng iŏk lu mŏ oh ih, ih gô 'blŏk kơ trong gơlong ih năm păng ih gô mơlâu; Inh gô ăn lu sư jing lu kon drŏ-kăn ih, mă khan lu sư ưh kơ đei lăm tơdrong pơgơ̆p Inh hăm ih.

Hôsia 6:1

Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.

II Ho 7:14

Tơdah kon pơlei pơla Inh, đe krao lu sư kon Inh, drap bon kơkuh, krao khan, chơchă Inh păng tơbral achăng lê̆ trong kơnê̆ lei Inh oei kơpal plĕnh ti gô mơ̆ng, mơnat ăn huay pă jô̆ yoch lu sư păng ăn teh lu sư thoi đêl.

Hôsia 11:10

Sư gô grĕnh thoi dăm-brang, na lu bơngai Isơrael gô kiơ̆ rŏng Kră Yang, mưh Sư arum, na kon sâu Sư đơ̆ng gah bơmơ̆t gô truh hli tơtơ̆.