Je 50:32 - Sơ̆p Hlabơar Nơ̆r 'Bok Kei-Dei

³² Dêh char pơang gô kơtơih păng pơ̆k, Ưh kơ đei bơngai bu tơiung sư, Inh gô iŏk ŭnh soh lu pơlei sư, Ŭnh gô sa đĭ-đăng tơmam tăp dăr kơ sư.”

Je 50:32 Referans Kwoze

Je 49:27

Inh gô iŏk ŭnh soh dur pơlei Đamas, Ŭnh gô sa truh tơ hnam kơjăp pơtao Ben Hadat.

Je 21:14

Kră Yang khan: “Inh gô phak lu iĕm kiơ̆ thoi tơdrong yoch lu iĕm đei pơm. Inh gô prah ŭnh tơ hnam pơtao iĕm ŭnh gô sa pơđĭ tơmam tăp dă.”

Tơdrông Tơ'bôh 18:8

Yua kơ sư khan thoi noh na lăm minh năr hloi dôm tơdrong pơmat truh hloi kơ sư, tơdrong lôch, tơdrong nhơ̆m hmoi, tơdrong pơngot rơwĕt, tơdrong truh ŭnh sa pơlei pơla sư. 'Bok Kei-Dei Yang tih tên grên gô phak thoi noh tơpă.”

Am 2:5

Inh gô ăn ŭnh truh tơ dêh Juđa, sư gô sa pơđĭ dôm kơđông kơjăp Jêrusalem.

Am 2:2

Inh gô ăn ŭnh truh tơ dêh Môap, sư gô sa lu kơđông kơjăp Kêriôt. Kon pơlei Môap gô lôch, kơplah đe ôr tơjrông tơjrang păng hlôm keng.

Am 1:14

Inh gô iŏk ŭnh soh dur pơlei Raba, sư gô sa lê̆ kơđông kơjăp lu sư, đe ôr tơkĕch lăm năr tơblah wang, thoi phŭt huơ̆r lăm năr hơbŭt hơbang.

Am 1:12

Inh gô ăn ŭnh truh tơ pơlei Têman, sư gô sa pơđĭ lu kơđông kơjăp Bôsra.

Am 1:10

Inh gô ăn ŭnh truh tơ kơpal dur pơlei Tirơ, sư gô sa pơrăm dôm kơđông kơjăp sư.

Am 1:7

Inh gô ăn ŭnh truh tơ kơpal dur pơlei Gasa, ŭnh gô sa pơrăm lu kơđông sư kơjăp.

Am 1:4

Inh gô ăn ŭnh truh tơ lăm hnam Hasael, wă soh pơrăm kơđông kơjăp Ben Hadat.

Da 5:20

Mă-lei yua kơ jơhngơ̆m sư pơang kơdih akâu, arăng kơ̆l na jing pơang, na sư hiong boih tang-dŏ pơtao păng đe ưh pă ư-ang kơ sư.

Je 51:64

Păng athei khan: Dêh char Babilôn gô huŏng môch thoi noh! Ưh pă đei layơ đông dơ̆ng, yua kơ Inh ăn tơdrong truh pơrăm sư, lu kon pơlei gô pơ̆k huŏng.’ ” Nơ̆r Jêrêmi pơma tôch 'bơ̆t dâu.

Je 51:26

Ưh kơ đei bu iŏk minh pôm tơmo tih đơ̆ng ih wă pơm jrăng mum hnam, dah tuh pơm hơnă, Ih gô jing juơ tơtŭng ling-lang hlŏng hloi. Noh Kră Yang khan.

Tơdrông Pơđơk 18:12

Đei jơhngơ̆m pơang adrol kơ tơdrong răm truh; Tơdrong iŏk đon ala, ba tơdrong đe pơyom.

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.

Horiso 119:78

Thŭ lu pơang mơlâu, Yua kơ lu sư yua tơdrong hơlĕnh pơdăr wă pơrăm inh; Mă-lei inh gô tơchĕng lu nơ̆r Ih bơtho khan.

Am 5:2

Ơ bơngai adruh hơlai Isơrael pơ̆k huŏng boih, ưh pă kĕ iung dơ̆ng, sư noh đe klơ̆m lê̆ boih tơ teh, ưh kơ đei bu tơiung sư.