Je 5:28 - Sơ̆p Hlabơar Nơ̆r 'Bok Kei-Dei

²⁸ Lu sư bek plên, bơbling bơblang. Lu sư pơm kơnê̆ dêh ưh kơ tôch ôh; lu sư sek tơlang ưh kơ dŏng lu kon mơti, lu sư ưh kơ sek tơpăt ôh kơ lu bơngai dơnuh hin.”

Je 5:28 Referans Kwoze

Sa 7:10

'nĕ pơjuă pơđep lu yă adro po, dah lu mơti mơtuei, dah lu tơmoi nai 'nao oei, dah lu bơngai dơnuh hoh păng rim 'nu mă bu bu kư̆m 'nĕ pơm đon kơnê̆ hăm lu 'nhŏng oh bơ̆n kơdih.’

Êsai 1:23

Lu yŏng pơgơ̆r iĕm tă kơ blơ̆ blĕch ngăl, pơm buăl hăm lu bơngai tơtông, rim 'nu lu sư tă kơ 'maih chă pơgâm sa tơmam, 'maih druh kiơ̆ mŭk tơmam đe ăn, ưh kơ dŏng tơgŭm lu bơngai mơti, pă 'maih lăng dŏng tơgŭm lu drŏ-kăn adro.

Both 32:15

Jêsurunb wă rai bek mơdrŏng pran, wă iŏk jơ̆ng đă plơ̆ akâu sư bek lơluĭnh boih na lu sư achăng lê̆ Kră Yang 'Bok Kei-Dei Tơ'ngla mă pơjing lu sư, păng pơjăm lê̆ Tơmo Tih mă dŏng pơklaih.

Horiso 73:12

Lu bơngai kơnê̆ thoi noh, Lu sư oei hiôk-hian rai mơdrŏng dêh.

Je 7:6

Tơdah iĕm huay kơ pơjuă pơđep lu bơngai tơmoi, lu bơngai mơti, lu drŏ-kăn adro păng huay kơ pơlôch tuh pham lăm anih âu păng kư̆m huay kơ kiơ̆ kơkuh kơ yang nai wă pơrăm kơ iĕm kơdih,

I Kor 5:1

Nhôn kơtơ̆ng ang minh 'nu bơngai lăm lu iĕm pơm kư̆ kă dêh pơm hloh kơ đe, mă lu bơngai ưh kơ lui kư̆m ưh kơ lah mah pơm thoi noh mơ̆n; na bơngai noh đe khan sư oei kơ duch sư đêl akăn 'bă sư.

Am 4:1

Mơ̆ng bĕ ơ lu rơmo akăn dêh Basan, oei tơ kông Samari, iĕm pơjuă lu bơngai dơnuh, pơgŏ pơđep lu bơngai hoh kơ đei, khan kơ lu klo iĕm: Chĕp ba sik tơ âu, lu nhôn huch!

Je 12:1

Ơ Kră Yang, Ih jơ̆ 'lơ̆ng tơpăt mưh inh roi tơdrong inh kơ Ih. Mă-lei inh oei wă pơma hăm Ih trŏ tơdrong tơpăt Ih: Liơ trong lu bơngai kơnê̆ oei hiôk-hian, liơ tơdrong jang lu bơngai hơlĕnh pơdăr oei mơdrŏng?

Je 2:33

Liơ lu iĕm hrăn chă trong wă chă lu bơngai iĕm hưch! Dĭng mah lu iĕm bơtho lu bơngai drŏ-kăn kơnê̆ kiơ̆ trong iĕm.

Horiso 119:70

Jơhngơ̆m lu sư hơ'bơ̆l thoi rơmă đĭ pă mơn. Mă-lei inh hiôk lăm khôi juăt Ih.

Horiso 72:4

Sư gô sek dŏng lu bơngai dơnuh hin lăm kon pơlei. Dŏng pơklaih lu kon lu bơngai kơ'bah kơ'bôch păng pơrăm lu bơngai pơjuă pơđep đe

Jop 12:6

Bơsŭn lu bơngai tơgar jing mơdrŏng, Lu bơngai che bơle kơ Kră Yang 'Bok Kei-Dei oei hiôk hơđơ̆ng lăm ti lu sư Kră Yang 'Bok Kei-Dei ăn đei mŭk tơmam rơkah rơkai.

Je 22:3

'Nâu nơ̆r Kră Yang khan: Pơm bĕ dôm tơdrong tơpăt hơnơ̆ng tơdrong trŏ; pơklaih bĕ lu bơngai mă đe rôp đơ̆ng ti lu bơngai pơjuă pơđep. Lê̆ kơ rôp pơgŏ păng kư̆m 'nĕ pơm kơnê̆ kơ lu bơngai tơmoi, lu kon mơti 'bă păng lu yă adro 'Nĕ kơ pơlôch tuh pham kơ lu bơngai ưh kơ yoch tơ anih âu.

Horiso 73:4

Lu sư ưh kơ đei jĭ pơmat. Akâu jăn lu sư oei pran hiôk,

Tơdrông Pơđơk 15:25

Kră Yang gô teh tơhuŏng hnam lu bơngai pơang; Mă-lei sư gô bơwei hơdral teh lu drŏ-kăn adro.