Je 5:24 - Sơ̆p Hlabơar Nơ̆r 'Bok Kei-Dei

²⁴ Lu sư ưh kơ đei khan ôh lăm jơhngơ̆m lu sư: ‘Lu bơ̆n athei hli yom kơ Kră Yang 'Bok Kei-Dei bơ̆n, Tơ'ngla mă ăn đak 'mi trŏ kơ bơyan sư. Bơyan 'mi păng bơyan puih, Ăn kơ bơ̆n kư̆m oei bơwei năr giĕng lăm bơyan kĕch yuă.’

Je 5:24 Referans Kwoze

Horiso 147:8

Sư gom plĕnh hăm hơmơ̆l. Ăn đak 'mi kơ teh. Ăn 'nhĕt 'nhot chăt kơpal groi.

Jôel 2:23

Ơ lu kon pơlei Siôn, chơt hiôk bĕ 'nă hal bĕ lăm Kră Yang 'Bok Kei-Dei lu iĕm, yua kơ Sư ăn tơdrong tơpăt jur thoi 'mi jruh lăm bơyan, ăn 'mi hrôih lăm bơyan blŭng-a păng ăn 'mi klui lăm bơyan tuch-luch thoi adrol sơ̆.

Bl 8:22

Kơplah teh oei đei, na bơyan rei jơmŭl păng bơyan kĕch, tơngiĕt păng tŏ, bơyan hngach păng bơyan phang, 'năr păng kơmăng ưh kơ đei layơ hiong đĭ.”

Jang 14:17

Mă-lei 'Bok Kei-Dei ăn kơ iĕm dôm tơdrong Sư mơnat wă kơ iĕm băt kơ Sư oei arih. Sư ăn kơ iĕm đak 'mi đơ̆ng plĕnh, trŏ kơ bơyan đei 'ba lơ, đei tơmam sŏng sa mah rơkah rơkai. Păng Sư ăn kơ iĕm đei jơhngơ̆m chơt hiôk.”

Mathiơ 5:45

thoi noh na iĕm gơh jing kon 'Bok Kei-Dei 'Bă bơ̆n tơ plĕnh ti, yua kơ Sư kư̆m 'mêm kơ lu bơngai noh, na Sư ăn măt 'năr pơchrang hơdah kơ đĭ-đăng bơngai, mă bơngai 'lơ̆ng mă bơngai kơnê̆. Sư ăn đak 'mi lei-lăi mơ̆n ưh kơ 'mêm kơ bu wă pơdê bu ôh.

Je 14:22

Hăm đei lu yang kiơ gơh pơm đak 'mi ăn kơ kon bơngai? Đơ̆ng plĕnh hăm gơh tơjur kơdih đak 'mi tơ teh? Ơ Kră Yang 'Bok Kei-Dei lu nhôn, Ih đĕch gơh pơm. Thoi noh lu nhôn oei chang gô Ih, Yua kơ Ih boih pơjing kơ dôm tơdrong noh.

Tơdrông Tơ'bôh 11:6

Bre sư gơh chĭt đak 'mi đơ̆ng plĕnh kuă ăn 'mi kơplah bre sư oei chă năm pơtruh kơ đe nơ̆r 'Bok Kei-Dei. Bre sư kư̆m gơh sơkat kơ đak jing pham păng bre sư kư̆m gơh pơm kơ bơngai mă ưh kơ chu jĭ pơmat-tat gô mơ̆ng kơ bre sư wă.

Ya 5:7

Ơ 'nhŏng oh, iĕm băt kơ thoi noh boih, na mă đe pơm kơnê̆ kơ iĕm, iĕm thĕng đĕch hŏ, truh tơ năr Kră Yang jur dơ̆ng. Pơtih gia thoi lu bơngai jang mir 'ba, lu sư băt tơpă gô đei 'ba na lu sư adrin jang truh kơ bơyan 'ba đum.

Sa 10:1

Apinh bĕ đak 'mi đơ̆ng Kră Yang kơplah bơyan 'mi wă tôch, na Kră Yang gô ăn kơmlat păng tơjur đak 'mi rơkah rơkai, wă ăn kơ rim 'nu bơngai đei hla 'nhot sa đơ̆ng mir.

Am 4:7

Inh kư̆m ưh kơ ăn đak 'mi jur tơ lu iĕm lăm pêng khei adrol kơ bơyan kĕch yuă inh ăn boih 'mi tơ pơlei tih 'nâu mă-lei ưh kơ ăn 'mi tơ pơlei tih nai. Chŭn âu đei 'mi boih, mă-lei mir to ưh kơ đei 'mi na jô kro đĭ.

Hôsia 6:1

Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.

Je 50:5

Lu sư jet chă trong năm tơ pơlei Siôn, Lu sư tơwih anăp tơklă tơ pơlei noh: ‘Bĕ bơ̆n yak, truh tơ noh wă pơkă hăm Kră Yang. Hăm tơdrong pơgơ̆p ling-lang ưh kơ đei layơ hiơt.’ ”

Je 5:22

Kră Yang khan: “Hăm trŏ lu iĕm athei hli kơ Inh hă? Hăm trŏ lu iĕm athei tơtơ̆ tơrơ 'bơ̆t anăp Inh? Inh boih Tơ'ngla iŏk chuơh bơ̆ găn hơdral đak dơsĭ, Pơm bơnơ̆ hơdral ling-lang, Đak dơsĭ ưh kơ kĕ lĕch ro hlôi, Poh-yă tih tŭn kư̆m ưh kơ kĕ pơchah. Mă khan lu sư blŭng kư̆m ưh kơ kĕ klĕch hlôi.

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Jop 38:37

Bu gơh yua tơdrong hơgei na jô̆ lu hơmơ̆l? Dah hăm đei bu gơh gơling tuh ge đak đơ̆ng plĕnh

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

Both 28:12

Kră Yang gô pơih anih 'mong tơmam gĭt đơ̆ng plĕnh, ăn đak 'mi jur tơ teh trŏ bơyan păng ăn pŭn hiôk dôm tơdrong jang đơ̆ng tơpang ti iĕm pơm. Iĕm gô ăn kơ lơ teh đak tŏk iŏk, mă-lei gah iĕm ưh kơ đei tŏk iŏk đơ̆ng bơngai bu.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Jop 5:10

Sư ăn đak 'mi jur tơ teh. Đak 'mi hơiuh kơ mir na.

Horiso 65:9

Ih wei-lăng teh păng ruh kơ teh hơiuh. Pơm ăn kơ sư đei mơ̆r; glung Kră Yang 'Bok Kei-Dei 'bĕnh kơ đak. Yua kơ Ih pơjing boih teh, chăt Ih ăn 'ba hơ'bo kơ kon bơngai.

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 3:3

Thoi noh na Inh pơgăn lê̆ đak 'mi, đak 'mi kư̆m pă đei lăm bơyan rei pơtăm. Lei ră ih ưh kơ đei mơlâu pơm 'mơng thoi drŏ-kăn ngôi kư̆ kă.

Jop 29:23

Lu sư chang gô inh nhen thoi chang gô đak 'mi, Lu sư bơngai ha 'bơ̆r jrŏng đak 'mi klui.

Je 10:13

Mưh Sư ăn grơ̆m, lu tu đak re jơwa lăm plĕnh. Sư ăn tŭk hơyuh đak tŏk đơ̆ng tôch kơ teh đak. Sư ăn kơmlat đơ̆ng lăm hơmơ̆l 'mi, păng kial lĕch đơ̆ng anih hnam Sư.