Je 5:17 - Sơ̆p Hlabơar Nơ̆r 'Bok Kei-Dei

¹⁷ Lu sư gô luăn sa phe 'ba lu iĕm, luăn sa lu kon drŏ-nglo drŏ-kăn iĕm, lu sư gô 'buh sa triu păng rơmo lu iĕm. Gô phĕ sa plei hơmu păng plei hơra lu iĕm. Lu sư gô iŏk đao koh pơrăm lu pơlei tih kơjăp mă lu iĕm gơnang hơđơ̆ng.”

Je 5:17 Referans Kwoze

Both 28:33

Minh adrĕch adrung mă iĕm tam lah băt gô iŏk sa tơmam đơ̆ng mir chŭn păng đơ̆ng tơdrong jang iĕm gleh hrat; đe gô pơjuă pơđep păng pơjuă bơhlơ̆r iĕm ling-lang rim năr.

Lêwi 26:16

Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.

Jêphania 3:6

“Inh đei pơlôch boih lu adrĕch adrung, hnam thôt 'bơ̆t mum pơlei tih lu sư jing juơ tơtŭng. Inh pơm ăn kơchơ lu sư jing juơ rơhiăng, dĭng mah pă đei bu yak năm trong 'nei, pơlei sư pơrăm pơlôch đĭ, ưh pă đei minh 'nu bu păng kư̆m pă đei oei tơ noh.

Hôsia 8:14

Lu bơngai Isơrael hiơt boih kơ Tơ'ngla pơjing lu sư, păng đei pơdơ̆ng lu hnam pơtao, Juđa kư̆m đei thim lơ pơlei tih đei dur kơjăp, mă-lei Inh gô ăn ŭnh truh sa tơ pơlei tih, păng ŭnh 'noh soh chhông sa lu kơđông kơjăp lu sư.

Êsêkiên 36:4

na, ơ lu kông groi Isơrael, mơ̆ng bĕ nơ̆r Kră Yang mơsêh mơyang: Kră Yang khan thoi âu kơ lu kông groi, lu thŭng thong păng teh dơnă, lu glung, lu anih pơchah pơchek, lu pơlei đĭ răm mă đĭ đe tơgar iŏk đe pơjăm đơ̆ng lu dêh char mă oei oei jum dăr kơ char ih noh.

Nhom 2:2

Kră Yang pơrăm boih, ưh pă đei mơnat, đĭ-đăng anih Jakôp oei. Đơ̆ng tơdrong Sư hil teh pơchah kơđông kơjăp kon adruh Juđa; Sư teh tơjruh tơ teh, pơm kơ lu teh đak sư hăm lu kră pơgơ̆r lăm char sư mơlâu.

Je 50:17

Isơrael boih khŭl triu jrok, Đei dăm-brang druh rôp. Adrol sơ̆ pơtao Asiri hek sa lu sư boih; Đơ̆ng rŏng Nebukatnessar, pơtao Babilôn, kăp rĕn kơting sư.”

Je 50:7

Đe bu tơ'bơ̆p lu sư rôp 'buh sa; Lu bơngai ayăt kơ lu sư khan. ‘Lu nhôn ưh kơ pơm yoch ôh, Lu sư pơm yoch boih hăm Kră Yang, Sư boih mă tơmăn 'nhĕt tơpă. Păng tơm tơdrong 'bok yă lu sư gơnang, Sư boih Kră Yang.’

Je 8:16

Đơ̆ng tơring Đan, đe kơtơ̆ng aseh hmoi; wă kơtơ̆ng aseh ôr, đĭ-đăng jơ̆p kơ teh đak pơpơ̆; Lu sư truh wă pơrăm teh hăm lu tơmam lăm noh, lu pơlei tih hăm lu bơngai oei lăm pơlei noh.”

Je 4:26

Inh 'bôh mir chŭn teh mơ̆r jing char glă. Đĭ-đăng pơlei jing rơ̆m rĕk. 'Bơ̆t anăp Kră Yang đơ̆ng tơdrong Sư hil mĭl.

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Je 1:15

'Nâu Kră Yang khan: “Inh gô krao lu adrĕch adrung đơ̆ng dêh char gah yă-nơ̆m,” Lu sư gô truh, rim 'nu lu sư kư̆m gô pơdơ̆ng anih pơtao lu sư tơ 'măng jang pơlei Jêrusalem; wă pơrăm dur tăp dăr kơ pơlei păng pơrăm đĭ lu pơlei lăm char Juđa.

Êsai 65:22

Lu sư ưh kơ đei man hnam ăn kơ lu bơngai nai oei thoi sơ̆; ưh kơ đei pơtăm hơmu ăn kơ bơngai nai sa thoi sơ̆; sơnăm kon pơlei Inh arih gô nhen thoi dôm sơnăm 'long arih, lu bơngai mă Inh rơih iŏk gô đei yua đơ̆ng tơdrong jang lu sư kơdih.

Êsai 62:9

Mă-lei lu bơngai yuă kĕch 'ba mi bơih lu sư gô đei sŏng sa 'ba mi noh, păng hơri bơnê ư-ang kơ Kră Yang, păng lu bơngai phĕ plei hơmu gô huch sik hơmu sư tơ lăm cham hnam 'lơ̆ng rơgoh Inh.”

Êsai 62:8

Kră Yang đei yơ̆r ti gah 'ma Sư păng kơkŏng ti mơsêh Sư pơkăm khan: “Inh ưh pă đei ăn bơih 'ba mi ih kơ lu bơngai ayăt kơ ih sŏng sa dơ̆ng, lu bơngai tơmoi gô ưh pă et sik hơmu 'nao ih. Sik mă đơ̆ng ih jang gleh hrat.

Je 5:18

Kră Yang khan: “Mă khan lei lăm noh Inh kư̆m huay kơ pơlôch pơrăm đĭ lu iĕm ôh.

Je 8:13

Kră Yang khan: “Tơpă Inh gô iŏk lê̆ đĭ mir pơgar lu sư, tơm hơmu ưh pă đei plei; tơm hơra kư̆m ưh pă plei; hla lu sư gô kro hơlŭng, Dôm tơmam mă Inh đei ăn kơ lu sư boih, Inh gô pơdrâu iŏk đơ̆ng ti lu sư!”

Je 25:37

Hơdrong triu hiôk-hian kư̆m pơrăm đĭ, đơ̆ng tơdrong Kră Yang hil mĭl.

Nhom 2:12

Lu sư chă khan hăm mĕ lu sư thoi âu: Chă tơmam sa păng sik hơmu tơ yơ? Kơplah lu hơ'lơ̆p sư rơmơ̆n pơngot thoi đe rơka tơ rok trong pơlei tih, Păng 'bơ̆t lu sư kơtĕch jơhngơ̆m 'bơ̆t kơtơh mĕ lu sư kơdih.

Hôsia 2:12

Inh gô pơrăm lê̆ lu tơm 'long hơra păng tơm 'long hơmu sư, noh sư khan: 'Nâu tơdrong apah đơ̆ng lu pơyô inh ăn kơ inh. Inh gô ăn kơ lu 'long sa plei gô jing thoi bri, păng lu sem bri gô sa.

Malachi 1:4

Tơdah bơngai Eđôm khan thoi âu: “Lu bơ̆n đe pơrăm đĭ boih, mă-lei lu bơ̆n gô brŏk pơjing dơ̆ng dôm lu anih đêl đe pơrăm,” thoi noh Kră Yang Tih Hloh khan: “Lu sư gô pơdơ̆ng ming, mă-lei Inh gô tơlơ̆ lê̆, dĭng mah đe krao anăn lu sư dêh char kơnê̆ păng jing kon pơlei pơla mă Kră Yang hil areh ling-lang.”

Jôel 2:3

Ŭnh sa tơ anăp lu sư, đei ŭnh sa tơ rŏng lu sư, đei pla ŭnh sa pơgoh. Adrol kơ sư teh đak âu thoi pơgar Êđen, truh đơ̆ng rŏng kơ sư weh teh đak noh jing juơ juŏ, păng ưh kơ đei kiơ gơh klĕnh đơ̆ng lu sư ôh.