Je 49:11 - Sơ̆p Hlabơar Nơ̆r 'Bok Kei-Dei

¹¹ Lê̆ bĕ lu kon mơti iĕm kơ inh; Inh gô wei rong lu sư; Lu drŏ-kăn adro kư̆m gơh lui gơnang kơ inh.’ ”

Je 49:11 Referans Kwoze

Horiso 68:5

Kră Yang 'Bok Kei-Dei oei tơ anih rơgoh. Sư jing 'Bă kơ lu mơti, Păng jing Tơ'ngla wei lu drŏ-kăn adro.

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.

Hôsia 14:3

Lu bơngai Asiri ưh kơ gơh pơklaih lu nhôn ôh; lu nhôn ưh pă hao aseh tơblah dơ̆ng, ưh pă khan dơ̆ng yang lu nhôn! Mă man hăm ti lu nhôn noh, yua kơ Ih đĕch mơnat kơ lu kon mơti.

I Tim 5:5

Bơngai adro tơpă ưh kơ đei bu wă 'me sư na sư lui kơ 'Bok Kei-Dei gô tơgŭm sư. Sư krao khan kơ 'Bok Kei-Dei ling-lang apinh Sư tơgŭm.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Jôna 4:11

Na Inh ưh kơ 'mêm kơ pơlei Niniwe ôh hă, lăm noh đei hloh kơ minh-hrĕng 'bar-jĭt rơbâu kơ̆l kon bơngai ưh kơ băt ti gah 'ma liơ dah ti gah 'ngiĕo liơ păng kư̆m đei lơ sem dơrong hai?

Horiso 146:9

Kră Yang wei-lăng lu bơngai tơmoi. Dŏng tơiung lu mơti păng adro po; Mă-lei Sư pơrăm lê̆ trong lu bơngai pơm kơnê̆.

Horiso 82:3

Athei sek mă tơpăt lu bơngai rơdu tơrăn păng mơti mĕ 'bă; Athei sek tơpăt kơ lu bơngai pơmat-tat păng lu hoh kơ đei.

Both 10:18

Sư tơgŭm lu bơngai mơti păng bơngai adro po, 'mêm mơnat kơ bơngai tơmoi, ăn tơmam sa păng hơbĕn ao kơ lu sư.

Sa 7:10

'nĕ pơjuă pơđep lu yă adro po, dah lu mơti mơtuei, dah lu tơmoi nai 'nao oei, dah lu bơngai dơnuh hoh păng rim 'nu mă bu bu kư̆m 'nĕ pơm đon kơnê̆ hăm lu 'nhŏng oh bơ̆n kơdih.’