Je 48:3 - Sơ̆p Hlabơar Nơ̆r 'Bok Kei-Dei

³ Mơ̆ng bĕ nơ̆r đe ôr đơ̆ng pơlei Hôrônaim: ‘Tơdrong đe pơrăm tih jing juơ rơhiăng!’

Je 48:3 Referans Kwoze

Êsai 15:5

Jơhngơ̆m inh hmoi ơh kơ Môap. Lu kon pơlei sư kơdâu ôn tơ pơlei Soar păng truh tơ pơlei Êglat Sêlisia, lu sư tŏk năm tơ pơlei Luhit, nhơ̆m rah yak rah rok trong pơlei Hôrônaim, lu sư hmoi ơh sơ'ngon yua kơ tơdrong đe pơrăm đĭ.

Je 48:34

Hmoi ôr đơ̆ng pơlei Hesbôn kơtơ̆ng truh tơ pơlei Êlêaleh păng pơlei Jahas, đơ̆ng pơlei Soar dĭng truh tơ pơlei Hôrônaim păng pơlei Êglat Sêlisia. Mă đak glung Nimrim kư̆m hrơ̆ boih.”

Je 48:5

Rok trong suăn tŏk tơ pơlei Luhit, lu sư tŏk nhơ̆m hmoi rah; jur tơ krang năm tơ pơlei Hôrônaim, kơtơ̆ng đe nhơ̆m hmoi kơ tơdrong pơrăm.

Je 47:2

'Nâu Kră Yang khan: Đak tŏk đơ̆ng gah yă-nơ̆m, jing thoi đak krong ro, lơ̆p jơ̆p kơ dêh char păng đĭ-đăng tơmam lăm teh, lơ̆p lu pơlei păng lơ̆p đĭ kon pơlei oei lăm noh, kon pơlei gô ôr krao, đĭ kon pơlei lăm dêh char gô nhơ̆m hmoi,

Êsai 22:4

Thoi noh na inh khan: “Iĕm 'nĕ lăng tơ inh, lê̆ inh nhơ̆m ơh ol, 'nĕ chă pơlung inh yua kơ tơdrong pơrăm lu kon pơlei inh!

Êsai 15:8

Jơwa re lu sư nhơ̆m hmoi, kơtơ̆ng jơ̆p kơ hơdral dêh Môap, nơ̆r lu sư nhơ̆m hmoi kơtơ̆ng truh tơ pơlei Êglaim, păng tơdrong ơh sơ'ngon oei truh tơ pơlei Bêr Êlim.

Êsai 15:2

Lu bơngai Dibôn tŏk tơ groi; lu sư năm tŏk tơ anih kơjung kơkuh kơ yang wă hmoi; kon pơlei Môap nhơ̆m hmoi ơh yua kơ kông Nêbô păng pơlei Mêdêba, lu sư yuă sŏk 'ngôch ngăl, sŏk kang lu sư hơkôih đĭ.

Je 20:16

Ăn kơ bơngai noh thoi lu pơlei Kră Yang pơrăm boih ưh pă đei mơnat! Ăn kơ sư kơtơ̆ng tơdrong nhơ̆m hmoi gah pơgê hrôih, 'năr dơ̆ng kơtơ̆ng đe ôr krao tơdrong tơblah.

Je 48:4

Char Môap đe gô pơrăm. Đe kơtơ̆ng nơ̆r hmoi ôr tơ pơlei Soar!

Je 51:54

“Mơ̆ng bĕ! Đei nơ̆r ôr hmoi đơ̆ng dêh char Babilôn! Nơ̆r jơwa re đe pơrăm tih dêh đơ̆ng char Kalđê.