Je 47:3 - Sơ̆p Hlabơar Nơ̆r 'Bok Kei-Dei

³ Lăp kơtơ̆ng jơ̆ng aseh kơdâu re mơdrâp mơdrăp, Gre aseh lu ayăt jơwa ơ-ŭr ơ-ăr, Jơ̆ng gre aseh re dơdĭng dơdăng. Mĕ 'bă pă wêr kon sâu lu sư, lu sư jơ̆ng ti lu sư tơtơ̆ tơtuei tơtuônh.

Je 47:3 Referans Kwoze

Je 8:16

Đơ̆ng tơring Đan, đe kơtơ̆ng aseh hmoi; wă kơtơ̆ng aseh ôr, đĭ-đăng jơ̆p kơ teh đak pơpơ̆; Lu sư truh wă pơrăm teh hăm lu tơmam lăm noh, lu pơlei tih hăm lu bơngai oei lăm pơlei noh.”

Lu 5:22

Re jơwa kơchôp aseh, mơdrâp mơdrăp, Lu aseh hrơ̆t kơdâu hăt hot tơ jơ̆p-jang anih.

Na 2:4

Lu gre aseh yak mơđưk mơđak rok trong tih, hrơ̆t hơlơ̆k hơle rok trong să lăm pơlei, ŭnh gre lu sư nhơk thoi đe tơ̆k ŭnh hơchô̆ păng kơdâu kuăng thoi kơmlat.

Je 46:9

Drong tơ anăp bĕ, ơ aseh! Puh mă tĕnh bĕ ơ lu bơngai hao gre aseh! Lu linh năm tơblah yak năm tơ anăp: Lu linh char Êthiôpi păng lu linh char Phut chĕp khêl. Lu linh char Liđi prah hră đam.

Tơdrông Tơ'bôh 9:9

Ao lu sư hrŭk thoi ao mam đe hrŭk; lu sư tơtuh pơnăr jơwa dang aseh lơ dui gre năm tơblah.

Je 50:42

Lu sư chĕp hră, tơju, khĕnh dêh ưh kơ đei băt mơnat. Jơwa re lu sư thoi đak dơsĭ poh-yă; lu sư hao aseh. Lu sư hơmet lê̆ thoi linh năm tơblah wă tơblah hăm ih. Ơ kon adruh Babilôn.

Êsêkiên 23:24

Lu sư đơ̆ng gah yă-nơ̆m chĕp ba gre aseh tơblah, gre chơ tơmam, hăm lu linh lơ năm blah ih. Lu sư yua khêl, yơ̆l môk kơlăm năm blah ih đơ̆ng rim tơring. Inh gô pơjao ăn kơ lu sư tơdrong gơh sek tơlang păng lu sư gô sek tơlang ih kiơ̆ kơ khôi juăt lu sư.

Na 2:8

Na, Niniwe sơ̆ thoi đak dơnâu. Mă-lei dang ei lu sư hrơ̆ đĭ boih. Đei đe krao ôr thoi âu: Dơ̆ng bĕ, dơ̆ng bĕ Mă-lei ưh kơ đei bu wih tơ rŏng.

Êsai 5:28

'Brơ̆m hră lu sư suĕng dêh, hră lu sư hơ'năk lê̆ bơih, kơchôp aseh lu sư thoi tơmo tơneh. Jơ̆ng gre thoi phŭt huơ̆r.