Je 46:19 - Sơ̆p Hlabơar Nơ̆r 'Bok Kei-Dei

¹⁹ Hơmet bĕ lu tơmam yua năm pơm bơnă. Ơ lu bơngai oei lăm dêh char Êyiptơ, Yua kơ pơlei Memphis gô jing juơ; đe gô soh pơrăm, ưh pă đei bơngai oei.

Je 46:19 Referans Kwoze

Êsai 20:4

Kŭm thoi noh mơ̆n pơtao Asiri gô chông ba kon pơlei Êyiptơ păng Kus pơm bơnă đơ̆ng hơ'lơ̆p truh tơ kră năm akâu hoh păng yak jơ̆ng hoh pơdah pơtâu hoh thoi noh wă kơ teh đak Êyiptơ mơlâu.

Je 48:18

Ơ kon pơlei Dibôn; Jur bĕ đơ̆ng anih ư-ang ih, na hơ-oei tơ teh hrĕng kro. Bơngai pơrăm char Môap gô truh wă pơrăm ih, pơrăm kơđông kơjăp ih.

Êsêkiên 30:13

Kră Yang khan: “Inh gô pơrăm lu rup yang păng pơrăm pơđĭ pơgoh lu rup yang đơ̆ng pơlei Nôp. Lăm char Êyiptơ ưh pă đei yŏng pơgơ̆r dơ̆ng; Inh gô ăn tơdrong hli krưp kơ lu bơngai lăm char Êyiptơ.

Je 44:1

'Nâu nơ̆r Kră Yang khan kơ Jêrêmi gah lu bơngai Juđa oei lăm teh đak Êyiptơ, tơ pơlei Mikdôl, pơlei Tahpanhes, pơlei Memphis păng tơring char Patrôs.

Jêphania 2:5

Răm-'băm tơpă kơ pơlei mă oei jê̆ đak dơsĭ, wă khan lu adrĕch Kêrêthit! Ơ Kanaan jơ̆ teh đak Philistin, nơ̆r Kră Yang kư̆m pơma blah lu iĕm; “Inh gô pơlôch pơgoh đĭ lu iĕm dĭng pă đei.”

Je 34:22

Kră Yang khan: “'Nâu Inh gô chông lu sư brŏk hơlơ̆k blah pơlei âu; lu sư gô soh pơlei 'nâu, Inh gô ăn đĭ-đăng lu pơlei lăm char Juđa jing juơ, ưh kơ đei bơngai oei.”

Je 26:9

“Liơ ih pơ̆n yua anăn Kră Yang pơma lê̆ adrol khan: Hnam akŭm âu gô thoi Silô, pơlei âu gô juơ ưh kơ đei bơngai oei?” Na đĭ-đăng kon pơlei akŭm wang Jêrêmi lăm hnam Kră Yang.

Êsai 19:13

Lu kră pơlei Sôan kơtul ngăl, lu kră pơlei Nôp huŏng lăm tơdrong đe hơlĕnh, lu bơngai pơm kră lăm tơring đơ̆ng adrĕch pha pơm kơ đe Êyiptơ jrok trong.

Je 46:14

Roi tơbăt bĕ lăm dêh char Êyiptơ, khan bĕ kơ pơlei Mikdôl, pơlei Memphis păng Tahpanhes: ‘Hơmet kơchăng bĕ kơ tơdrong tơblah, đao gưm koh pơlôch puăn pah wang tăp kơ iĕm.’

Êsêkiên 29:11

Ưh pă đei tơpang jơ̆ng bu yak rok noh, kư̆m pă đei jơ̆ng sem bri yak năm trong noh, kư̆m ưh pă đei kon pơlei oei tơ noh dơ̆ng, lăm puăn-jĭt sơnăm.

Êsêkiên 29:12

Lăm puăn-jĭt sơnăm Inh gô pơm kơ char Êyiptơ jing juơ rơhiăng lăm tŏk-bŏk lu char juơ rơhiăng păng lu pơlei sư pơchah răm tŏk-bŏk lăm pơlei mă pơchah răm Inh gô pơm kơ kon pơlei Êyiptơ tơklah tơklang tơ lăm jơ̆p kơ dêh char.

Hôsia 9:6

Tơdah lu sư kơdâu ôn đơ̆ng đe pơrăm, char Êyiptơ gô rôp akŭm pơđĭ lu sư, păng pơlei Memphis gô 'bŭ lê̆ lu sư. Lu tơmam gĭt pơm păng hu lu sư gô gom lê̆ hăm jơla bơmrôm, lu jơla gô chăt lăm bơsŭn lu sư.