Je 45:5 - Sơ̆p Hlabơar Nơ̆r 'Bok Kei-Dei

⁵ Lei na, ih oei chă tơdrong plơ̆ng dah kiơ? 'Nĕ kơ chơchă, âu Inh gô ăn tơdrong răm truh kơ đĭ kon bơngai; mă-lei ih, Inh gô ăn kơ ih arih, tơ rim anih ayơ mă ih năm, Kră Yang khan thoi noh.’

Je 45:5 Referans Kwoze

Je 39:18

Inh gô pơklaih ih tơpă, ih huay kơ pơ̆k lôch kơ đao gưm; mă-lei ih gô arih yua kơ ih gơnang kơ Inh Kră Yang khan:”

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”

Je 21:9

Bơngai bu mă oei oei lăm pơlei âu sư gô lôch kơ đao gưm, lôch kơ pơngot rơwĕt, lôch kơ jĭ hơbuh, mă-lei bu kơdâu lĕch yơ̆r ti tơkan tơ bơngai Kalđê mă oei wang iĕm gô arih, kư̆m gô pơklaih akâu sư kơdih.

Rom 12:16

Bơ̆n athei kiơ̆ kơ jơhngơ̆m đon bôl buăl lăp đon, 'nĕ pơang akâu bơ̆n kơ sư; mă loi bơ̆n athei tơbôl hăm lu bơngai dơnuh, pơma dơnuh pơlung sư mă hiôk.

Je 25:26

Ăn đĭ kơ pơtao gah yă-nơ̆m, oei jê̆ dah ataih, ăn kơ đĭ-đăng dêh char kơpal teh. Đơ̆ng noh ăn kơ Pơtao Sêsach kư̆m huch sik lăm kơchŏk noh.

Jêphania 3:8

Thoi noh, Kră Yang khan: “Lu iĕm athei gô Inh dĭng truh tơ năr Inh gô iung blah rôp; yua kơ Inh wă iŏk akŭm pơpôi đĭ lu kon pơlei păng akŭm đĭ lu dêh char Inh, Inh wă tuh tơdrong hil păng tơdrong blĕk Inh tơ lu sư, yua kơ đơ̆ng ŭnh Inh gar gô luăn sa đĭ teh âu.

Je 38:2

“'Nâu Kră Yang khan: ‘Bơngai bu oei lăm pơlei âu gô lôch kơ đao gưm, pơngot rơwĕt dah lôch hơbuh. Mă-lei bơngai bu lĕch yơ̆r ti kơ lu bơngai Kalđê gô arih, sư gô pơklaih tơdrong arih sư.’ ”

II Pot 5:26

Mă-lei, Êlisê khan dơ̆ng: “'Bơ̆t bơngai 'noh jur đơ̆ng gre aseh năm tơkan sơng ih hei, bơhngol inh ưh kơ oei hăm ih tơ noh hă? Dang ei hăm trŏ kơ jơ gơh iŏk jên hu, hơbĕn ao, mir ôliwơ, mir hơmu, rơmo, triu, đĭch đam drŏ-nglo drŏ-kăn đe dah ưh?

Bl 6:12

Âu, Kră Yang 'Bok Kei-Dei lăng lăm teh đak, 'bôh tơdrong yoch răm, yua kơ đĭ-đăng kon bơngai pơm ăn kơ trong sư kơdih kơpal teh âu răm đĭ.

Êsai 66:16

Kră Yang gô iŏk ŭnh păng đao gưm wă phak lu bơngai pơm yoch. Đei lơ bơngai Kră Yang pơlôch.

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

I Pot 3:11

Kră Yang 'Bok Kei-Dei khan kơ sư: “Yua kơ ih apinh tơdrong 'nâu, ưh kơ apinh kơ ih tơdrong arih sot, tơdrong mơdrŏng tih kư̆m ưh kơ apinh tơdrong kĕ jei blah pơrăm lu bơngai ayăt kơ ih, mă-lei ih apinh tơdrong hlôh wao gơh hơgei wă kơ gơh sek tơlang trŏ.

Horiso 131:1

Ơ Kră Yang, jơhngơ̆m inh huay kơ pơư kơdih, măt inh kư̆m huay kơ pơang. Inh kư̆m ưh kơ chơchă tơdrong tih krưp, dah tơdrong hloh kơ ai hnang.

Je 25:31

Đe gô kơtơ̆ng nơ̆r tơjrông tơjrang tơ tôch kơ teh, yua kơ Kră Yang gô sek đĭ kơ adrĕch adrung, Sư wă phak đĭ-đăng kon bơngai, Sư pơjao ăn lu bơngai kơnê̆ lôch kơ đao gưm.’ ” 'Noh Kră Yang khan.

Je 25:15

Kră Yang 'Bok Kei-Dei Isơrael khan kơ inh: “Iŏk bĕ kơchŏk 'bĕnh kơ sik Inh mĭl đơ̆ng ti Inh, pơhuch bĕ đĭ-đăng kơ adrĕch adrung mă Inh wơh ih năm tơ yơ athei huch sik noh.

Je 25:16

Lu sư gô huch, suai wơnh yak nơnăm mơngưt mơngat, yua kơ đao gưm mă Inh đei ăn truh tơ lăm lu sư.”