Je 45:3 - Sơ̆p Hlabơar Nơ̆r 'Bok Kei-Dei

³ Ih khan boih ‘răm-'băm kơ inh, yua kơ Kră Yang pơthim ăn kơ inh tơdrong sơ'ngon, tơdrong ơh inh; inh lap dêh yua kơ tơtok tơtăm pă đei pơdơh.’

Je 45:3 Referans Kwoze

Galati 6:9

Mă-lei bơ̆n athei chu kơ Sư khŏm khŏm wă kơ bơ̆n gơh pơm đon 'lơ̆ng. Thoi noh dah bơ̆n huay kơ achăng lê̆ Sư na mưh trŏ kơ năr 'Bok Kei-Dei pơkă ning-mônh Sư gô ăn kơ bơ̆n tơdrong apah na bơ̆n oei hơdai hăm Sư ling-lang. Kư̆m thoi bơ̆n pơtăm găr, dah bơ̆n ưh kơ hŭt lê̆ tơdrong jang bơ̆n, lei trŏ bơyan plei, bơ̆n đei phĕ iŏk tơpă.

II Kor 4:16

Thoi noh nhôn wă jang ling-lang ưh kơ lê̆ ôh, mă khan sĕch akar nhôn rai hŏnh, mă-lei jơhngơ̆m nhôn lăm to dang lĕ kơ ming 'nao rim năr.

II Kor 4:1

Nhôn jang tơdrong tih rŏ âu yua kơ 'Bok Kei-Dei mơnat đĕch. Thoi noh na nhôn wă jang ling-lang ưh kơ lê̆ ôh.

II Tes 3:13

Ơ lu 'nhŏng oh, mă iĕm jang gleh, tơdah tơdrong 'lơ̆ng trŏ, iĕm 'nĕ kơ achăng hŏ.

Nhom 3:32

Mă khan Sư đei pơm kơ inh ơh sơ'ngon gô đei tơdrong 'mêm mơnat tih 'bĕnh blai.

Nhom 1:22

Ăn kơ tơdrong yoch lu sư gô pơdah 'bơ̆t anăp Ih! Ăn bĕ tơdrong yoch truh 'bơ̆t anăp Ih păng pơm bĕ kơ lu sư thoi Ih đei pơm kơ inh; Yua kơ tơdrong inh pơm yoch, Păng inh ôr krao dêh boih, na jơhngơ̆m inh đê̆ rơdu rơmơ̆n.

Nhom 1:13

Sư đei tơjur boih ŭnh đơ̆ng kơpal, mơ̆t lăm tơring inh na kĕ jei. Sư đei dăng boih hơnhuăl ala jơ̆ng inh, pơm kơ inh kơdŭn tơ rŏng. Sư đei pơm boih kơ inh rơdu rơmơ̆n, rim năr rai hiong hiach.

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Je 8:18

Tơdrong chơt hiôk inh pă đei boih, a tơdrong pơmat pơm kơ inh, jơhngơ̆m inh đĭ rơdu rơmơ̆n.

Tơdrông Pơđơk 24:10

Tơdah ih rơdu klai lăm năr đei tơdrong gleh, Noh tơdrong pran kơtang ih iĕ dêh.

Horiso 120:5

Răm-'băm dêh kơ inh oei lăm Mêsĕk. Păng oei tơ lăm kơđông Kêđa.

Horiso 69:3

Inh ôr đĭ lap, hơlŏng inh đĭ kro; Măt inh đĭ rơgah yua kơ chang gô Kră Yang 'Bok Kei-Dei.

Horiso 42:7

Anih jrŭ krao anih jrŭ, kiơ̆ jơwa đơ̆ng chơkơi đak Ih. Lu đak poh-yă păng đak tih Ih lơ̆p inh boih.

Horiso 27:13

Ngeh tơpă Inh gô 'bôh tơdrong pŭn hiôk đơ̆ng Kră Yang tơ lăm teh đak lu bơngai arih.

Horiso 6:6

Jơhngơ̆m inh đĭ boih, yua kơ inh ôr krao, Rim măng inh nhơ̆m, dĭng giơng mah hơiuh.

Jop 23:2

Mă truh năr 'nâu, tơdrong hơdrĭ inh oei đei ơh sơ'ngon, Ti kơtĭt kơpal inh oei trăp mă khan inh krao ôr.

Je 45:2

Ơ Baruk! Kră Yang 'Bok Kei-Dei khan kơ ih thoi âu:

Horiso 6:7

Măt inh hrŏ yua kơ sơ'ngon, Sư jing rơgah yua kơ lu ayăt kơ inh.