Je 44:29 - Sơ̆p Hlabơar Nơ̆r 'Bok Kei-Dei

²⁹ Kră Yang khan: “'Nâu boih tơdra Inh wă phak iĕm lăm anih 'nâu, wă kơ lu iĕm băt Inh sĭt tơpă gô ăn tơdrong răm truh tơ lu iĕm.”

Je 44:29 Referans Kwoze

Tơdrông Pơđơk 19:21

Jơhngơ̆m kon bơngai đei lơ tơdă wă pơm, Mă-lei đei tơdrong Kră Yang wă gô jing.

Je 44:30

Kră Yang khan: “Inh gô jao Pharaôn Hôphra, pơtao đe Êyiptơ, lăm ti lu bơngai ayăt kơ sư păng lu bơngai chă wă pơlôch sư, thoi Inh đei jao boih Sêđekia, pơtao đe Juđa, lăm ti Nebukatnessar pơtao Babilôn, bơngai mă ayăt kơ sư păng wă pơlôch sư.”

Êsai 40:8

'Nhĕt kro, pơkao hơlŭng: Mă-lei nơ̆r Kră Yang 'Bok Kei-Dei lu bơ̆n oei kơjăp ling-lang!”

I Sam 2:34

Tơdrong âu gô truh kơ 'bar 'nu kon drŏ-nglo ih Hopni păng Phinêhas wă tơbăt kơ ih; dôm tơdrong gô trŏ thoi Inh đei khan bre sư gô lôch lăm minh năr.

Êsai 7:11

“Apinh bĕ Kră Yang 'Bok Kei-Dei ih, tơ'bôh kơ ih tơdra, tơ anih jrŭ dơnâu ŭnh sŭng dah tơ kơpal plei 'lơ̆ng tơ plĕnh ti.”

Êsai 7:14

Yua kơ noh bơih Kră Yang gô tơ'bôh kơ lu iĕm tơdra: Minh 'nu adruh gô anăp tơpŭ kơ minh 'nu kon drŏ-nglo, đe anăn kon sư noh Êmanuel.

Êsai 8:18

Âu, inh hăm lu kon mă Kră Yang Sư ăn bơih kơ inh noh tơdra wă pơsĭt lăm Isơrael đơ̆ng Kră Yang Tih Hloh. Tơ'ngla oei kơpal kông Siôn.

Êsai 31:2

Mă-lei Kră Yang gơh hơgei! Sư bơih Tơ'ngla ăn tơdrong pơrăm truh. Kră Yang nơ̆r Sư pơma ưh kơ tơplih. Sư gô iung blah lu adrĕch adrung bơngai pơm kơnê̆, păng blah lu bơngai tơgŭm lu bơngai pơm kơnê̆.

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”