Je 44:25 - Sơ̆p Hlabơar Nơ̆r 'Bok Kei-Dei

²⁵ 'Nâu Kră Yang Tih Hloh, 'Bok Kei-Dei Isơrael, khan: Lu iĕm păng akăn lu iĕm đei pơm tơpă kiơ̆ thoi 'bơ̆r iĕm khan: ‘Wă pơm pơkeh dôm tơdrong mă đêl pơkă boih: Soh nhang păng pơyơ̆r sik ăn kơ yang Drŏ-kăn pơtao kơpal plĕnh.’ Lei pơm pơkeh bĕ dôm nơ̆r mă lu iĕm pơkă. Wei mă 'blep bĕ đêl nơ̆r iĕm pơkă.

Je 44:25 Referans Kwoze

Mathiơ 14:9

Lăp pơtao Hêrôt kơtơ̆ng thoi noh sư sơ'ngon dêh. Mă-lei đêl nơ̆r sư pơkă hơdrol mah hiap akâu sư kơdih 'bơ̆t anăp lu bơngai et sa, na sư ưh kơ gơh lê̆ ôh, sư hơloh athei lu linh sư năm chơ̆ng kơ̆l Yôhan tơ hnam phak na ăn kơ adruh noh.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Êsêkiên 20:39

Gah lu iĕm, ơ adrĕch Isơrael, Kră Yang khan thoi âu: Rim 'nu kơ lu iĕm năm kơkuh bĕ kơ rup yang! Mă-lei đơ̆ng rŏng kơ noh, lu iĕm gô mơ̆ng kiơ̆ Inh, ưh pă pơ'mê̆ kơ anăn Inh dơ̆ng hăm tơmam soi kơkuh kơ rup yang.

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Jop 34:22

Ưh kơ đei măng mu găm măng klăm hơ'bơ̆l ayơ ăn kơ bơngai pơm kơnê̆ gơh ôn akâu.

Je 32:29

Lu bơngai Kalđê oei wang blah pơlei tih âu, gô iŏk ŭnh soh pơđĭ hnam anih dĭng truh tơ bơbŭng hnam mă đe pơyơ̆r tơmam 'bâu phu ăn kơ yang Baal păng đe đei soi pơyơ̆r tơmam huch boih kơ lu yang nai hai, lu sư pơm yoch hăm Inh wă tơblĕk Inh.