Je 44:17 - Sơ̆p Hlabơar Nơ̆r 'Bok Kei-Dei

¹⁷ Mă-lei lu nhôn gô pơm keh dôm nơ̆r lu nhôn pơkă boih, lu nhôn gô soh nhang 'bâu phu kơ Pơtao Drŏ-kăn kơpal Plĕnh păng tuh sik pơyơ̆r ăn kơ sư, thoi lu nhôn đei pơm boih, lu 'bok yă lu nhôn, lu pơtao nhôn, lu yŏng pơgơ̆r lu nhôn lăm lu pơlei lăm dêh char Juđa păng tơ rok trong lăm pơlei tih Jêrusalem; kơplah noh lu nhôn đei tơmam sa phĭ rơkah rơkai, jang sa hiôk-hian ưh kơ đei tơdrong kiơ truh.

Je 44:17 Referans Kwoze

Je 7:18

Lu hơ'lơ̆p dônh 'long ŭnh, 'bă tơkuh ŭnh, lu drŏ-kăn jrâu tơpŭng pơm 'bĕng pơyơ̆r kơ pơtao Drŏ-kăn tơ Plĕnh ti; păng lu sư kư̆m tuh pơyơ̆r tơmam huch kơ lu yang nai, pơm wă Inh klai.

Ne 9:34

Lu pơtao nhôn lu kră pơgơ̆r, lu 'bok soi păng lu 'bok nhôn, ưh kơ bơwei khôi juăt Ih, kư̆m ưh kơ wă mơ̆ng nơ̆r Ih tơtă păng tơbăt, Ih phak bơtho lu nhôn.

Êsêkiên 20:8

Mă-lei lu sư oei blah Inh, ưh kơ wă mơ̆ng Inh, ưh kơ hŭt lê̆ rup yang kơnê̆ krưp mă măt lu sư 'maih lăng; kư̆m ưh kơ hŭt lê̆ lu rup yang Êyiptơ. Yua kơ thoi noh Inh khan Inh gô tuh tơdrong Inh hil tơ lu sư, wă kơ hrăp tơdrong Inh blĕk kơ lu sư tơ lăm char Êyiptơ.

Both 23:23

Mưh 'bơ̆r iĕm hlôi pơkă pơkăm boih hăm Kră Yang 'Bok Kei-Dei iĕm, na iĕm athei pơm pơkeh đơ̆ng 'bơ̆r iĕm pơma noh.

Le 16:3

Lu bơngai Isơrael khan kơ bre sư: Ô! Kơtrơ̆m lu nhôn jah lôch lăm tơpang ti Kră Yang tơ dêh Êyiptơ đĕch, kơplah oei jê̆ gŏ 'nhĕm păng sŏng sa phĭ! Mă-lei măr iĕm chông ba lu nhôn năm tơ tơmăn glă 'nâu wă kơ lu nhôn lôch đĭ kơ pơngot.

Philip 3:19

Lu sư pơm thoi noh, ning-mônh 'Bok Kei-Dei phak pơmat lu sư dêh. Lu sư 'mêm kơ klak lu sư, rŏ kơ klak yŏng na pơm thoi noh. Lu sư chă pơang kơ đe kiơ̆ tơdrong mă đe mơlâu. Đon lu sư tơchĕng ling-lang gah tơdrong ala teh.

Je 44:25

'Nâu Kră Yang Tih Hloh, 'Bok Kei-Dei Isơrael, khan: Lu iĕm păng akăn lu iĕm đei pơm tơpă kiơ̆ thoi 'bơ̆r iĕm khan: ‘Wă pơm pơkeh dôm tơdrong mă đêl pơkă boih: Soh nhang păng pơyơ̆r sik ăn kơ yang Drŏ-kăn pơtao kơpal plĕnh.’ Lei pơm pơkeh bĕ dôm nơ̆r mă lu iĕm pơkă. Wei mă 'blep bĕ đêl nơ̆r iĕm pơkă.

Je 44:21

“Tơdrong lu iĕm, 'bok yă iĕm, lu pơtao, lu 'bok yŏng pơgơ̆r iĕm păng kon pơlei lăm deh char, soh boih nhang 'bâu phu lăm rim pơlei char Juđa păng tơ rok trong pơlei Jêrusalem, Kră Yang ưh kơ 'blŏk ưh kơ tơchĕng hă?

Je 19:13

Đĭ-đăng hnam lăm pơlei Jêrusalem păng hnam pơtao Juđa, đĭ-đăng lu hnam ayơ mă tơ kơpal bơbŭng hnam noh đei soh tơmam 'bâu phu kơ lu sơnglŏng tơ kơpal plĕnh păng kư̆m đei tuh ăn tơmam huch sa pơyơ̆r kơ lu yang nai, kư̆m 'mê̆-'mach thoi Tôphet.”

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

Lu 11:36

Kon drŏ-kăn sư tơl, “Ơ 'bă, tơdah ih đei krao khan pơkă pơkăm boih hăm Kră Yang, apinh ih pơm bĕ kơ kon kiơ̆ thoi đơ̆ng nơ̆r ih pơkă pơkăm noh, yua kơ Kră Yang đei iung kơting ăn kơ lu bơngai ayăt kơ ih 'noh kon pơlei Ammôn.”

Jo 30:12

Tơdah klo sư băt boih, lei dôm tơdrong đêl sư pơkă păng tơdrong đêl sư pơkăm noh kư̆m huay pă đei jô̆ boih; lei na dôm tơdrong đêl sư pơkă pơkăm Kră Yang kư̆m mơnat ăn huay pă jô̆ yo kơ tơdrong noh.

I Pet 1:18

Iĕm băt boih 'Bok Kei-Dei huai iŏk iĕm bơngai kư̆ kă, bơngai ưh kơ yua, iĕm juăt kơ pơm rok lu yă 'bok iĕm sơ̆. Mă-lei Sư ưh kơ huai iŏk iĕm hăm tơmam hiong răm thoi lĕ kơ hu maih ôh.

Markôs 6:26

Lăp pơtao Hêrôt kơtơ̆ng thoi noh sư sơ'ngon dêh. Mă-lei đêl nơ̆r sư pơkă hơdrol mah hiap akâu sư kơdih 'bơ̆t anăp lu bơngai et sa, sư ưh pă gơh lê̆ yua kơ sư pơkă kơ adruh ei boih.

Je 44:9

Lu iĕm đĭ hiơt boih hă tơdrong yoch kơnê̆ lu 'bok yă iĕm, tơdrong kơnê̆ lu pơtao Juđa păng tơdrong kơnê̆ lu akăn lu sư, tơdrong yoch kơnê̆ lu iĕm păng akăn lu iĕm đei pơm lăm dêh Juđa păng tơ rok trong lăm pơlei Jêrusalem?

Êsai 48:5

Na Inh pơma dôm tơdrong 'noh kơ lu iĕm đơ̆ng sơ̆, bơtho lu iĕm dôm tơdrong 'noh adrol kơ sư tam mă truh, kơnh hli kơ iĕm khan: 'Noh jĭ rup yang đơ̆ng inh pơm, rup yang inh traih, rup yang inh tuh hling đơ̆ng inh athei đei dôm tơdrong 'noh.

Horiso 106:6

Lu nhôn păng 'bok lu nhôn pơm yoch boih; Lu nhôn đei yoch glăi pơm kơnê̆ tơpă.

Horiso 12:4

Lu bơngai noh khan: “Yua kơ đơ̆ng hơpiĕt gô jei bơ̆n; 'Bơ̆r lu bơ̆n kơdih: Bu pơm yŏng bơ̆n?”

II Pot 22:17

Yua kơ lu bơngai Juđa achăng lê̆ Inh bơih, soh 'long 'bâu phu ăn kơ yang nai, tơblĕk, pơm kơ Inh areh yua kơ đơ̆ng tơdrong jang đêl tơpang ti lu sư pơm, noh bơih tơdrong Inh hil mĭl gô tuh 'bơ̆t anih 'nâu, inh ưh kơ layơ păt hơngăm.

Jo 30:2

Tơdah đei minh 'nu bơngai drŏ-nglo wă pơkă pơkăm hăm Kră Yang tơdrong kiơ sư athei pơm mă keh nơ̆r đêl pơkăm noh.

II Ho 28:23

Sư kơkuh pơyơ̆r tơmam soi ăn kơ lu yang pơlei Đamas, kon pơlei mă blah sư; sư tơchĕng khan: “Yua kơ lu yang pơtao Asiri dŏng tơgŭm lu sư boih, na inh gô soi sơmah kơ lu yang noh, wă kơ lu yang noh kư̆m dŏng tơgŭm inh.” Mă tơpă lu yang noh rai pơrăm sư păng lu bơngai Isơrael.

Je 1:16

Inh gô sek tơlang kon pơlei Inh, yua kơ đơ̆ng tơdrong kơnê̆ lu sư pơm, lu sư achăng lê̆ Inh, soh 'long 'bâu phu ăn kơ yang nai păng kơkuh kơ yang mă đơ̆ng ti lu sư pơm kơdih.

Je 11:12

Kơplah noh jơ̆p-jang pơlei lăm dêh char Juđa păng đĭ-đăng kơ lu bơngai mă oei lăm pơlei Jêrusalem gô tŏk năm krao kơkuh kơ lu yang mă lu sư oei soh 'long 'bâu phu, mă-lei yang noh ưh kơ gơh pơklaih lu sư ôh, kơplah lu sư đei tơdrong răm truh.

Je 18:15

Mă-lei kon pơlei Inh hiơt kơ Inh; Soh 'long 'bâu phu kơ rup yang kư̆ kă. Sơ̆ lu sư kiơ̆ trong so, mă-lei pơ̆k huŏng yua kơ rup yang, Na weh kiơ̆ trong nai, lu trong tam mă hơmet.

Êsêkiên 8:16

Na, Kră Yang Sư ba inh mơ̆t tơ cham hnam Kră Yang; păng tơ noh trong mơ̆t tơ hnam kơkuh kơ Kră Yang, tŏk-bŏk kơdeng 'măng păng chơnang soi, inh 'bôh đei dang 'bar-jĭt pơđăm 'nu bơngai drŏ-nglo, rŏng tơwih kơ hnam Kră Yang păng muh măt lu sư tơwih gah hơlĕch, drap kơkuh kơ măt 'năr đơ̆ng hơlĕch.

Êsêkiên 20:32

Lu iĕm khan: Lu nhôn wă gô kơkuh kơ 'long păng tơmo, kiơ̆ thoi adrĕch adrung lu dêh char âu. Tơdrong lu iĕm tơchĕng lăm đon tơdrong noh ưh kơ đei truh ôh,

Êsêkiên 23:41

Ih ngôi kơpal giơng 'lơ̆ng rŏ, dan minh tŏ gơ'bang 'bơ̆t anăp đei đak pơgang 'bâu phu Inh noh.

Habakuk 1:16

Yua kơ thoi noh, sư soi sơmah kơ hơnhuăl sư păng soh nhang pơgang 'bâu phu kơ jal sư, yua kơ đơ̆ng jal noh na lu sư đei phĭ bek 'lơ̆ng sŏng sa rơkah rơkai.

Je 7:17

Ih ưh kơ 'bôh ôh hă tơdrong lu sư pơm tơ pơlei Juđa păng tơ rok trong pơlei tih Jêrusalem?