Je 44:15 - Sơ̆p Hlabơar Nơ̆r 'Bok Kei-Dei

¹⁵ Lei na đĭ-đăng lu drŏ-nglo băt boih kơ akăn lu sư soh nhang 'bâu phu ăn kơ yang nai, đĭ-đăng lu drŏ-kăn oei tơ noh akŭm băl minh tơpôl lơ păng đĭ lu bơngai mă oei lăm dêh char Êyiptơ, tơring char Patrôs, tơl nơ̆r Jêrêmi khan:

Je 44:15 Referans Kwoze

Tơdrông Pơđơk 11:21

Ăn kơ ih băt, lu bơngai kơnê̆ ưh kơ lê̆ jor ôh kơ phak; Mă-lei adrĕch lu bơngai 'lơ̆ng tơpăt gô klaih.

Mathiơ 7:13

“Iĕm athei adrin mơ̆t trong 'măng iĕ mă năm tơ anih arih ling-lang. Trong 'măng tih mơ̆t 'bônh ră, mă-lei năm tơ dơnâu ŭnh 'Bok Kei-Dei phak, kư̆m lơ bơngai năm trong noh.

Ne 13:26

Ưh kơ trŏ kơ Sôlômôn, pơtao Isơrael, đei pơm yoch kơ tơdrong noh hă? Đei lơ adrĕch adrung kon bơngai ưh kơ đei minh 'nu pơtao ayơ nhen thoi sư; sư bơngai mă Kră Yang 'Bok Kei-Dei 'mêm, na Kră Yang 'Bok Kei-Dei pôk ăn kơ sư jing pơm pơtao kơ bơngai Isơrael. Mă-lei lu drŏ-kăn tơmoi adrĕch nai pơdrŭt pơhlŭ sư pơm yoch!

Bl 19:4

Kơplah linh jang 'lơ̆ng tam mă 'bĭch, na lu bơngai drŏ-nglo lăm pơlei Sôđôm, đơ̆ng 'lơ̆p truh tơ kră, wă khan đĭ pơlei kư̆m năm wang tăp dăr kơ hnam Lot.

Êsai 1:5

Lơliơ lu iĕm wă kơ oei teh hơnơ̆ng? Yua kơ kiơ lu iĕm oei 'maih blah plơ̆ ling-lang? Rim kơ̆l lu iĕm đĭ rơka, jơhngơ̆m lu iĕm đĭ jĭ bơih.

Êsai 48:5

Na Inh pơma dôm tơdrong 'noh kơ lu iĕm đơ̆ng sơ̆, bơtho lu iĕm dôm tơdrong 'noh adrol kơ sư tam mă truh, kơnh hli kơ iĕm khan: 'Noh jĭ rup yang đơ̆ng inh pơm, rup yang inh traih, rup yang inh tuh hling đơ̆ng inh athei đei dôm tơdrong 'noh.

Je 44:19

Lu drŏ-kăn khan: “Kơplah lu nhôn soh nhang 'bâu phu kơ pơtao Drŏ-kăn kơpal plĕnh tuh pơyơ̆r sik ăn kơ sư, lei na klo lu nhôn ưh kơ lăp ôh hă, lei liơ lu nhôn pơ̆n man 'bĕng pơtŏ pơm thoi rup yang pơtao Drŏ-kăn kơpal plĕnh na pơyơ̆r sik tơmam huch ăn kơ yang pơtao Drŏ-kăn tơ plĕnh?”

Je 44:24

Jêrêmi khan dơ̆ng kơ kon pơlei kư̆m đei lu bơngai drŏ-kăn: “Ơ đĭ-đăng lu bơngai Juđa hrei âu oei lăm dêh char Êyiptơ, mơ̆ng bĕ nơ̆r Kră Yang.

Êsêkiên 29:14

Inh gô chông lu bơngai bơnă Êyiptơ wih păng năm ba lu sư wih tơ char Patrôs jing teh mă lu sư kơdih sơ̆ mă-lei tơ noh lu sư pơjing char pơtao pơgơ̆r iĕ.

Êsêkiên 30:14

Inh gô pơm ăn kơ tơring Phatrôs jing răm pă đei; ăn ŭnh sa tơ pơlei Sôan păng phak pơlei Thêbes.

Both 13:7

yang lu adrĕch adrung oei jum dăr kơ iĕm, jê̆ dah ataih, đơ̆ng dêh âu truh tơ tôch dêh to,

Je 44:1

'Nâu nơ̆r Kră Yang khan kơ Jêrêmi gah lu bơngai Juđa oei lăm teh đak Êyiptơ, tơ pơlei Mikdôl, pơlei Tahpanhes, pơlei Memphis păng tơring char Patrôs.