Je 44:14 - Sơ̆p Hlabơar Nơ̆r 'Bok Kei-Dei

¹⁴ lăm lu bơngai Juđa oei arih mă năm oei tơ dêh char Êyiptơ ưh gơh klaih gơh hlot, wă brŏk wih dơ̆ng tơ char Juđa, anih mă lu sư hơpơi 'maih wih brŏk oei. Lu sư ưh kơ gơh wih brŏk, lăp lu kơdâu klĕnh đĕch klaih klăi.”

Je 44:14 Referans Kwoze

Rom 9:27

Gah tơdrong lu bơngai Isơrael, Êsai sư khan thoi âu: “Mă lu bơngai Isơrael lơlap lơlang dang pơlao chuơh dơsĭ, hui bơngai klaih đơ̆ng tơdrong yoch,

Je 42:17

Đĭ-đăng lu bơngai mă wă năm tơ Êyiptơ oei tơ noh, gô lôch kơ đao gưm, pơngot rơwĕt, lôch hơbuh. Ưh kơ đei bu arih; kư̆m ưh kơ đei bu klaih đơ̆ng tơdrong răm mă Inh ăn.’ ”

Êsai 10:20

Lăm năr noh, dôm lu bơngai Isơrael mă oei oei. Dôm lu bơngai lăm adrĕch Jakôp oei klaih, gô ưh pă gơnang kơ bơngai mă pơrăm lu sư. Mă-lei gô gơnang sĭt kơ Kră Yang, Tơ'ngla 'Lơ̆ng Rơgoh Isơrael.

Êsai 4:2

Lăm năr noh tơ'biĕng Kră Yang gô bluh 'lơ̆ng păng trŏ kơ ư-ang, plei đơ̆ng teh gô jing 'lơ̆ng chơt hiôk kơ lu bơngai Isơrael mă oei arih.

Hêbrơ 2:3

Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.

Rom 2:3

Iĕm jô̆ kơ đe pơm yoch, iĕm kư̆m pơm yoch mơ̆n, iĕm tơchĕng iĕm pơm yoch 'Bok Kei-Dei ưh kơ phak ôh hă, na iĕm jô̆ kơ đe pơm yoch?

Mathiơ 23:33

Iĕm pơm thoi lĕ kơ klăn tih 'bih tur makkang, ning-mônh 'Bok Kei-Dei phak iĕm lăm dơnâu ŭnh tơpă.

Je 42:22

Na dang ei lu iĕm athei băt lu iĕm gô lôch kơ đao gưm, lôch kơ pơngot rơwĕt, lôch hơbuh, tơ lăm anih dêh char mă lu iĕm 'maih năm oei noh.

Je 22:10

'Nĕ hmoi kơ pơtao lôch păng kư̆m 'nĕ pă nhơ̆m hmach kơ sư, jah nhơ̆m hmoi bĕ kơ pơtao mă đe rôp pơm bơnă đơ̆ng iĕm, yua kơ sư ưh pă wih brŏk tơ iĕm dơ̆ng. Ưh pă wă 'bôh dêh char sư âu dơ̆ng.

Êsêkiên 6:8

Mă-lei, kơplah lu iĕm tơklah tơklang jơ̆p kơ teh đak, Inh oei đei ăn mơ'nah oei arih, klaih đơ̆ng đao hơlă lu teh đak blah iĕm.

Je 44:26

Mă-lei, ơ đĭ-đăng bơngai Juđa hrei âu oei oei lăm dêh char Êyiptơ, mơ̆ng bĕ nơ̆r Kră Yang, khan: ‘'Nâu Inh yua anăn mơsêh tih Inh na pơkă, lăm dêh char Êyiptơ gô ưh pă đei minh 'nu bơngai Juđa ayơ mă gơh ha 'bơ̆r krao apinh anăn Inh dơ̆ng: Sĭt tơpă thoi Kră Yang arih!’

Êsêkiên 20:38

Inh gô pơrăm lu bơngai đơ̆ng lăm lu iĕm, bơngai mă blah Inh; Inh kư̆m gô chông tơlĕch lu sư đơ̆ng teh đak đe mă lu sư oei, mă-lei lu sư ưh kơ gơh mơ̆t lăm teh đak Isơrael. Thoi noh lu iĕm gô băt Inh boih Kră Yang.