Je 42:1 - Sơ̆p Hlabơar Nơ̆r 'Bok Kei-Dei

¹ Đĭ-đăng lu yŏng linh 'bih Jôhanan, kon drŏ-nglo Karea, Jêsania, kon drŏ-nglo Hôsaia păng đĭ-đăng lu kon pơlei, đơ̆ng bơngai pơm tih truh tơ bơngai pơm iĕm,

Je 42:1 Referans Kwoze

Je 41:11

Jôhanan, kon drŏ-nglo Karea hăm đĭ-đăng lu yŏng linh kiơ̆ sư kơtơ̆ng đĭ tơdrong kơnê̆ Ismael kon drŏ-nglo Nethania pơm boih.

Je 40:13

Jôhanan kon drŏ-nglo Karea păng đĭ-đăng lu yŏng pơgơ̆r linh mă oei tơ rim pơlei năm tơ'bơ̆p Gêđalia tơ pơlei Mispa,

Je 6:13

“Iŏk đơ̆ng bơngai kơhlôh truh tơ bơngai hơgei, tă kơ chă lơi ngăl. Đơ̆ng lu bơngai khan lê̆ adrol truh tơ lu 'bok soi kư̆m sa pơgâm.

Je 44:12

Inh gô pơrăm lu kon pơlei bơngai Juđa oei oei, mă năm boih tơ char Êyiptơ păng oei tơ noh; lu sư gô lôch đĭ tơ noh lu sư gô lôch kơ đao gưm pơngot rơwĕt tih, lăm dêh Êyiptơ. Lu pơm tih pơm iĕ gô lôch đĭ kơ đao gưm pơngot rơwĕt; pơm kơ đe blei hiap, che bơle hiĕk achơ̆, đe lăng 'brơ̆ krưp.

Je 42:8

Sư krao Jôhanan kon drŏ-nglo Karea hăm đĭ-đăng lu yŏng linh mă oei hơdai hăm sư păng đĭ-đăng kon pơlei đơ̆ng pơm tih truh tơ pơm iĕ.

Je 40:8

Lu sư năm tơ'bơ̆p Gêđalia tơ pơlei Mispa, đei Ismael kon drŏ-nglo Nethania, Jôhanan păng Jônathan lu kon drŏ-nglo Karea, Sêraia kon drŏ-nglo Tanhumet, lu kon drŏ-nglo Êphai kon pơlei bơngai Nêtophai, Jêsania bơngai Maakat păng đĭ-đăng lu linh năm hơdai sư.

Jang 8:10

Đĭ-đăng lu kon pơlei pơla mă bơngai tih, bơngai iĕ năm mơ̆ng Simôn ngăl. Lu sư khan: “'Bok Kei-Dei ăn kơ Simôn pơm tơdrong mơsêh mơyang hơgei tơpă.”

Je 8:10

Thoi noh Inh gô ăn kơ đe nai iŏk akăn lu sư, chŭn mir lu sư kư̆m ăn kơ đe nai jang. Iŏk đơ̆ng lu bơngai pơm iĕ truh tơ lu bơngai pơm tih, tă kơ chă lơi kơdih ngăl. Đơ̆ng lu 'bok khan lê̆ adrol truh tơ lu 'bok soi, rim 'nu kơ lu sư tă kơ sa pơgâm ngăl.

Mathiơ 15:8

‘Lu bơngai âu ư-ang kơ Inh păng 'bơ̆r đĕch, jơhngơ̆m klơm klak sư ataih đơ̆ng Inh.

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Êsêkiên 11:1

Yang Bơhngol hơtŏk inh tơ kơpal păng 'nhăk ba inh tơ 'măng jang hnam Kră Yang gah hơlĕch. 'Bơ̆t trong mơ̆t tơ 'măng jang noh đei 'bar-jĭt pơđăm 'nu drŏ-nglo; lăm lu sư inh 'bôh Jaasania kon drŏ-nglo Asur, păng Phêlatia kon drŏ-nglo Bênaia, kră pơgơ̆r kon pơlei.

Êsêkiên 8:11

'Bơ̆t anăp rup inh 'bôh thoi đei tơpơh-jĭt 'nu kră pơlei adrĕch Isơrael oei dơ̆ng hơdai hăm Jaasania kon drŏ-nglo Saphan. Rim 'nu lu sư chĕp get pơgang 'bâu phu 'nhui pơgang 'bâu phu đông jơ̆p-jang.

Je 42:20

lu iĕm pơrơ̆ng pơprơ̆n wơh inh năm krao chă Kră Yang 'Bok Kei-Dei lu iĕm, khan: Krao apinh bĕ Kră Yang bơ̆n tơgŭm nhôn păng roi ăn kơ lu nhôn băt Kră Yang bơtho khan lu nhôn liơ; lu nhôn gô pơm kiơ̆.

Je 41:16

Jôhanan, kon drŏ-nglo Karea, hơdai hăm lu yŏng linh năm hơdai sư, dŏng chông ba lu khŭl kon pơlei Mispa đơ̆ng ti Ismael, kon drŏ-nglo Nethania, đang kơ Ismael, pơlôch Gêđalia kon drŏ-nglo Ahikam; sư rôp ba lu linh, lu drŏ-kăn, lu hơ'lơ̆p lu bơngai jang lăm hnam pơtao, Jôhanan chông ba lu sư lĕch đơ̆ng pơlei Gibeôn.

Êsai 48:1

Mơ̆ng bĕ nơ̆r 'nâu ơ adrĕch Jakôp mă đe krao anăn Isơrael, lĕch đơ̆ng tơm 'bok Juđa, lu bơngai pơkă hăm anăn Kră Yang, krao chă Kră Yang 'Bok Kei-Dei Isơrael. Mă-lei lăm jơhngơ̆m ưh kơ đei tơpăt păng ưh kơ kiơ̆ tơpă.

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

II Pot 25:23

Kơplah lu đe yŏng linh anăn lu sư Ismael, kon drŏ-nglo Nêthania, Jôhanan, kon drŏ-nglo 'bok Karêat, Sêraja, kon drŏ-nglo Tanhumet oei tơ pơlei Nêtôpat păng Jaasania kon drŏ-nglo Makathit păng lu linh đe ei kơtơ̆ng pơtao đe Babilôn, jao kơ Gêđalia pơm 'bok tih pơgơ̆r, na lu sư năm tơ Gêđalia tơ Pơlei Mispa.

Je 37:3

Pơtao Sêđekia wơh Jêhukal kon drŏ-nglo Sêlemia păng Sephania 'bok soi kon drŏ-nglo Maaseia, năm tơ Jêrêmi bơngai khan lê̆ adrol păng khan: “Apinh ih krao apinh Kră Yang 'Bok Kei-Dei bơ̆n tơgŭm lu nhôn.”

Je 41:18

Lu sư hli kơ bơngai Kalđê; yua kơ Ismael, kon drŏ-nglo Nethania, pơlôch boih Gêđalia, kon drŏ-nglo Ahikam, bơngai mă pơtao Babilôn pôk sư pơm yŏng pơgơ̆r dêh char.

Je 43:2

Asaria kon drŏ-nglo Hôsaia păng Jôhanan kon drŏ-nglo Karea păng đĭ-đăng lu bơngai drŏ-nglo pơang khan kơ Jêrêmi: “Ih hơlĕnh! Kră Yang 'Bok Kei-Dei lu nhôn ưh kơ đei layơ athei ih năm roi ăn kơ lu nhôn. ‘Lu iĕm 'nĕ kơ năm jur oei tơ dêh char Êyiptơ.’