Je 40:3 - Sơ̆p Hlabơar Nơ̆r 'Bok Kei-Dei

³ Na Kră Yang pơm tơpă thoi sư đei khan boih, yua kơ lu iĕm pơm yoch sơngah kơ Kră Yang păng kuă kơ kiơ̆ nơ̆r Sư. Lei na tơdrong 'nâu truh tơ lu iĕm.

Je 40:3 Referans Kwoze

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Je 50:7

Đe bu tơ'bơ̆p lu sư rôp 'buh sa; Lu bơngai ayăt kơ lu sư khan. ‘Lu nhôn ưh kơ pơm yoch ôh, Lu sư pơm yoch boih hăm Kră Yang, Sư boih mă tơmăn 'nhĕt tơpă. Păng tơm tơdrong 'bok yă lu sư gơnang, Sư boih Kră Yang.’

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Ne 9:33

Lăm dôm tơdrong truh kơ lu nhôn, Ih oei tơpăt hơnơ̆ng đĕch; yua kơ Ih pơm trŏ tơpă, gah lu nhôn pơm tơdrong kơnê̆.

Ne 9:28

Mă-lei tơdah lu sư hiôk-hian, wơ̆t pơm tơdrong kơnê̆ dơ̆ng 'bơ̆t anăp Ih; yua kơ thoi noh Ih achăng lê̆ jao lu sư lăm tơpang ti lu đe ayăt wei-lăng pơgơ̆r lu sư. Mă-lei lu sư ôr krao Ih dơ̆ng, na Ih đơ̆ng kơpal plĕnh mơ̆ng lu sư, kiơ̆ thoi Ih 'mêm, đơ̆ng noh dŏng pơklaih lu sư đei lơ 'măng, kiơ̆ thoi tơdrong 'mêm Ih tih dêh.

Both 29:25

Nơ̆r đe tơl: Yua kơ kon pơlei âu sơngah kơ tơdrong pơgơ̆p Kră Yang 'Bok Kei-Dei lu 'bok lu sư, pơm boih hăm lu sư, kơplah Sư chông ba lĕch hlôi đơ̆ng dêh Êyiptơ;

Je 44:23

Noh yua kơ đơ̆ng lu iĕm soh nhang kơ yang nai, pơm kơnê̆ blah Kră Yang, yua kơ đơ̆ng lu iĕm ưh kơ wă mơ̆ng kiơ̆ nơ̆r Kră Yang, ưh kơ kiơ̆ khôi juăt, tơdrong juăt păng ưh kơ wă chu kiơ̆ nơ̆r Sư bơtho khan, lei na đei tơdrong gleh truh kơ lu iĕm, thoi năr 'nâu.”

Je 11:17

Kră Yang Tih Hloh boih Tơ'ngla mă pơtăm iĕm, na sư kư̆m đei khan wă pơrăm lu iĕm, yua kơ tơdrong kơnê̆ adrĕch Isơrael păng adrĕch Juđa pơm, bơhle tơblĕk Inh soh 'long 'bâu phu kơ yang Baal.

Je 22:8

Đei kon pơlei đơ̆ng lơ teh đak gô năm rok trong pơlei âu, tơpinh băl: ‘Liơ Kră Yang pơm kơ pơlei tih âu mah thoi noh?’

Je 39:16

“Ih năm khan bĕ kơ Êbet Mêlek, bơngai Êthiôpi: Kră Yang Tih Hloh 'Bok Kei-Dei Isơrael, khan: 'Nâu Inh gô pơrăm ưh kơ trŏ ăn pŭn hiôk ôh kơ pơlei âu kiơ̆ thoi nơ̆r Inh đei pơkă boih. Kơplah ei kơnh ih gô 'bôh tơm măt.’ ”

Nhom 2:17

Kră Yang pơm boih dôm đêl sư pơkă, Pơm keh boih mă sư kơdih đei khan lê̆; thoi sư đei pơkă lê̆ đunh boih. Sư tơhuŏng lê̆ iĕm ưh pă đei mơnat boih, Đei ăn boih kơ lu ayăt chơt hiôk, yua kơ iĕm, pơm ăn hơke lu ayăt tưk kơjung.