Biblia Todo Logo
Bib sou entènèt

- Piblisite -




Je 4:7 - Sơ̆p Hlabơar Nơ̆r 'Bok Kei-Dei

7 Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Gade chapit la Kopi




Je 4:7
33 Referans Kwoze  

Lei na dăm-brang lĕch đơ̆ng bri năm châu sa lu sư, kŏ-so đơ̆ng char glă gô kăp pơlôch lu sư, djrang oei răp tơ 'nguaih kơ pơlei ti wă châu hek sa lu đe bu mă lĕch tơ 'nguaih pơlei, yua kơ tơdrong yoch lu sư lơ dêh, tơdrong kơnê̆ lu sư lơlap.


Dăm-brang ôr grĕnh, hơnganh bruh tơ sư. Pơm ăn kơ teh đak sư jing juơ. Lu pơlei tih sư đe soh pơrăm ưh pă đei bơngai oei.


Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;


Dêh char lu iĕm jing juơ, lu pơlei tih iĕm ŭnh sa đĭ, lu bơngai tơmoi tơgar iŏk teh choh iĕm 'bơ̆t anăp lu iĕm, teh lu iĕm jing juơ rơhiăng thoi lĕ bơngai tơmoi pơrăm tơgar iŏk bơih.


Sem brem mă adrol noh hơbŏ thoi dăm-brang păng đei pơnăr sem kring; inh lăng pơnhen dĭng truh tơ pơnăr sư tơbuch, na đe dui hơtŏk sư đơ̆ng teh, sư iung dang dơ̆ng năm 'bar pah jơ̆ng thoi kon bơngai bơ̆n păng kư̆m ăn kơ sư đei jơhngơ̆m kon bơngai.


Isơrael boih khŭl triu jrok, Đei dăm-brang druh rôp. Adrol sơ̆ pơtao Asiri hek sa lu sư boih; Đơ̆ng rŏng Nebukatnessar, pơtao Babilôn, kăp rĕn kơting sư.”


'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.


'Nâu, thoi dăm-brang đơ̆ng bri brah Krong Jôrđăn năm mơ̆t lăm tơmăn 'nhĕt hơdrih 'lơ̆ng, Inh gô puh hloi lu bơngai Êđôm, Inh gô ăn yŏng pơgơ̆r sư kiơ̆ kơ Inh rơih iŏk, Bu thoi Inh? Bu pơ̆n athei Inh? Bơngai wei triu bu pơ̆n blah Inh?


Kră Yang khan: “'Nâu Inh gô chông lu sư brŏk hơlơ̆k blah pơlei âu; lu sư gô soh pơlei 'nâu, Inh gô ăn đĭ-đăng lu pơlei lăm char Juđa jing juơ, ưh kơ đei bơngai oei.”


'Nâu Kră Yang khan: “Ih khan gah anih 'nâu: ‘Anih noh juơ ưh kơ đei bơngai oei, kư̆m ưh kơ đei kon sem bri.’ Lăm đĭ-đăng pơlei tih char Juđa păng trong tih pơlei Jêrusalem, dang ei jing anih rơ̆m rĕk, ưh kơ đei bơngai oei păng kư̆m ưh kơ đei sem brem trŏ tơpă.


“Liơ ih pơ̆n yua anăn Kră Yang pơma lê̆ adrol khan: Hnam akŭm âu gô thoi Silô, pơlei âu gô juơ ưh kơ đei bơngai oei?” Na đĭ-đăng kon pơlei akŭm wang Jêrêmi lăm hnam Kră Yang.


Thoi dăm-brang sư lĕch boih đơ̆ng anih sư. Teh đak lu sư gô jing juơ, yua kơ đao gưm han tơpă pơm kơ lu sư. Păng yua kơ tơdrong Kră Yang hil mĭl.


Kră Yang Tih Hloh khan 'bơ̆t đon inh: “Sĭt tơpă gô đei lơ hnam gô lê̆ jing juơ, lu hnam tih kơjung păng 'lơ̆ng mă-lei ưh kơ đei bu oei lăm noh!


Lăm chăl Jêhôiakim pơgơ̆r, Nebukatnessar, pơtao đe Babilôn, blah iŏk dêh char Juđa, Jêhôiakim chu jang kơ sư lăm pêng sơnăm, đơ̆ng noh sư tơplih đon tơchĕng sư iung blah pơtao đe Babilôn dơ̆ng.


Yua kơ Kră Yang 'Bok Kei-Dei đei ăn boih kơ sư đei pơgơ̆r tih, na đĭ-đăng kon pơlei pơla jơ̆p kơ dêh char, đĭ khŭl bơngai rim kơ adrĕch tă kơ hli yom ngăl 'bơ̆t anăp sư păng hli yom kơ sư, sư pơlôch bu pơlôch, sư wă kơ bu arih, lê̆ arih. Wă pôk bu kơjung, dah tơjur bu kơđeh mơ̆ng kơ sư wă.


'Nâu, thoi dăm-brang lĕch dơng bri kơdrơ̆ng đak Krong Jôrđăn, drong blah anih tơmăn 'nhĕt 'lơ̆ng. Pă 'biơ̆, Inh gô puh lu bơngai Kalđê lĕch đơ̆ng dêh char. Ưh kơ tam băt Inh gô pôk bơngai pơm yŏng pơgơ̆r lu sư kiơ̆ thoi Inh lăp đon. Hăm đei bu thoi Inh, bu kĕ blah Inh? Bơngai wei triu ayơ pơ̆n blah Inh?


“Tơdah khŭl bơngai ayơ, dêh char ayơ ưh kơ chu bơ̆jang kơ Nebukatnessar, pơtao Babilôn păng ưh kơ wă 'băk 'long ăt pơtao Babilôn tơ ako sư,” Kră Yang 'Bok Kei-Dei khan: “Na Inh gô yua đao gưm, pơngot rơwĕt, jĭ hơbuh, pơmat bơngai noh dĭng mă Inh ăn dêh char noh lăm ti pơtao Nebukatnessar pơrăm.


Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”


Lăm sơnăm mă tơsĭn, chăl Sêđekia pơgơ̆r, lăm năr mơjĭt, khei mơjĭt, Nebukatnessar, pơtao đe Babilôn chông đĭ-đăng lu linh sư năm blah Pơlei Jêrusalem. Lu sư wang tăp dăr kơ pơlei, lu sư bơ̆ teh wă tŏk mơ̆t lăm pơlei.


Kơtơ̆ng jơwa re lu linh hao gre aseh păng lu linh chĕp hră, rim pơlei kơdâu ôn, mơ'nah chă ôn tơ lăm bri kơdrơ̆ng, mơ'nah chă mơ̆t lăm hơgơp tơmo. Rim pơlei achăng đĭ, ưh pă đei bơngai oei.


Inh gô wơh lu linh năm pơrăm ih, lu sư chĕp sung tơgăk; lu sư gô ret lê̆ hơpok tơpơng 'lơ̆ng mă lu ih đei rơih, păng klơ̆m lê̆ lăm ŭnh.


Kră Yang Tih Hloh 'Bok Kei-Dei Isơrael, khan: “Ih 'bôh boih tơdrong răm mă Inh tuh tơ pơlei Jêrusalem păng lu pơlei lăm dêh char Juđa. Lăng to lu pơlei noh dang ei oei jing bri juơ ưh kơ đei bơngai oei,


Lu pơlei gô đei lơ bơngai đe pơlôch pơrăm, na teh đak jing juơ rơhiăng, na lu sư gô băt inh boih Kră Yang.’ ”


Inh gô tuh tơdrong hil mĭl Inh tơ ih; Inh gô soh ŭnh tơdrong Inh blĕk tơ ih păng Inh gô pơjao ih ăn kơ lu bơngai kơnê̆, juăt kơ pơrăm đe.


“Ơ kon bơngai, athei nhơ̆m hmoi kơ Pharaôn pơtao Êyiptơ, khan bĕ kơ sư: ‘Ih nhen thoi dăm-brang lăm lu dêh char, ih kư̆m thoi sem brem kơnê̆ lăm đak dơsĭ, pơm kơ lu đak glung tơprah, ih wơ̆r đak hăm jơ̆ng, pơm kơ lu đak glung jing gơsŏk.


Inh gô pơrăm pơlei tih lu iĕm, ăn anih rơgoh iĕm juơ rơhiăng păng Inh ưh pă hiup rơmă đơ̆ng lu tơmam iĕm pơyơ̆r dơ̆ng.


Inh pơrŭng lu iĕm tơklah tơklang jơ̆p kơ adrĕch adrung bơngai păng Inh gô iŏk đao gưm 'bet lu iĕm; na char lu iĕm gô juơ rơhiăng, pơlei tih lu iĕm hrơ-hrĕng kơkot.


Đơ̆ng tơring Đan, đe kơtơ̆ng aseh hmoi; wă kơtơ̆ng aseh ôr, đĭ-đăng jơ̆p kơ teh đak pơpơ̆; Lu sư truh wă pơrăm teh hăm lu tơmam lăm noh, lu pơlei tih hăm lu bơngai oei lăm pơlei noh.”


Kră Yang khan gah hnam pơtao Juđa: “Mă khan Inh lăng ih thoi char Gileat, kư̆m rŏ krưp thoi kơ̆l kông Liban, Mă-lei Inh pơkă wă pơm kơ ih jing thoi char glă, lu pơlei ưh pă đei bơngai oei.


“Inh arih.” Pơtao, anăn Sư Kră Yang Tih Hloh, khan: “Minh 'nu gô truh thoi Kông Tabôr tŏk-bŏk lu kông nai, thoi Kông Karmel cheng dơsĭ.


Swiv nou:

Piblisite


Piblisite