Je 36:3 - Sơ̆p Hlabơar Nơ̆r 'Bok Kei-Dei

³ Mưh lu bơngai Juđa kơtơ̆ng đĭ-đăng tơdrong răm Inh wă pơm kơ lu sư, rŏ lăng lu sư gô tơbral achăng lê̆ tơdrong kơnê̆ lu sư kơdih, na Inh huay jô̆ yo tơdrong yoch kơnê̆ lu sư.”

Je 36:3 Referans Kwoze

Je 18:8

Mă-lei tơdah adrĕch adrung mă Inh roi noh achăng lê̆ tơdrong yoch lu sư kơdih, lei Inh gô tơplih đon Inh mă wă pơrăm lu sư noh.

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Êsêkiên 12:3

Thoi noh, ơ kon bơngai, ih athei hơmet tơmam chă jăk păng jăk weh yak kơ'năr 'bơ̆t anăp lu sư, ih athei jăk weh đơ̆ng anih ih oei na jăk tơ nai 'bơ̆t anăp lu sư. Lu sư gô 'bôh bưh. Rŏ lăng lu sư hlôh mă khan lu sư kon pơlei juăt kơ iung blah plơ̆.

Je 26:3

Băt lu sư gô mơ̆ng ih, na rim 'nu gô weh đơ̆ng tơdrong kơnê̆ wih tơ Inh, na Inh gô tơplih đon tơdrong Inh wă pơrăm lu sư, yua kơ tơdrong yoch kơnê̆ lu sư pơm.

Both 30:2

Dah kơplah noh iĕm wih brŏk dơ̆ng tơ Kră Yang 'Bok Kei-Dei iĕm, iĕm păng lu kon sâu iĕm athei đĭ jơhngơ̆m klơm klak chu kiơ̆ dôm tơdrong inh bơtho khan kơ iĕm năr 'nâu.

Je 36:7

Rŏ lăng lu sư gô krao apinh Kră Yang păng tơbral păng weh đơ̆ng trong pơm kơnê̆ yua kơ tơdrong hil Kră Yang wă pơm kơ kon pơlei 'nâu tih dêh tơpă.”

II Pet 3:9

Sư ưh kơ wă pơđunh ôh kơ tơdrong Sư pơkă khan wă ăn Yêsu Krist jur, thoi lu bơngai che bơle noh khan. Sư oei mơnat ră kơ kon bơngai bơ̆n, Sư ưh kơ wă kơ minh 'nu bơngai hiong lăm tơdrong Sư phak ră. Thoi noh na Sư oei gô wă kơ đĭ-đăng bơngai tơbral kơdih tơdrong yoch.

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Markôs 4:12

‘Wă kơ sư lăng khŏm khŏm ră, mă-lei ưh kơ 'bôh tơdrong kiơ; wă kơ sư mơ̆ng khŏm khŏm ră mă-lei ưh kơ hlôh. Dah sư hlôh kơnh sư gơh tơchĕng kơdih băt wih tơ 'Bok Kei-Dei, 'Bok Kei-Dei gô pơklaih đĭ dôm tơdrong yoch sư.’ ”

Je 35:15

Inh đei lơ wơ̆t boih wơh đĭch đam Inh, lu bơngai khan lê̆ adrol năm khan kơ lu iĕm: Dang ei ăn đĭ kơ lu iĕm weh bĕ đơ̆ng yoch, tơplih bĕ tơdrong lu iĕm pơm; păng kư̆m 'nĕ kơ kiơ̆ lu yang nai, lei na lu iĕm gơh mơ̆t oei tơ lăm char mă Inh gô ăn kơ lu iĕm păng kơ 'bok lu iĕm. Mă-lei lu iĕm ưh kơ wă pơgling đon mơ̆ng kiơ̆ Inh.

Je 24:7

Inh gô ăn kơ lu sư đei jơhngơ̆m băt kơ Inh boih Kră Yang. Lu sư gô jing kon pơlei Inh, Inh boih Kră Yang 'Bok Kei-Dei lu sư, yua kơ lu sư gô đĭ jơhngơ̆m wih brŏk tơ Inh.’ ”

Je 18:11

Na dang ei, khan bĕ kơ bơngai Juđa păng kon pơlei Jêrusalem, Kră Yang khan: ‘'Nâu, Inh wă iung pơrăm lu iĕm, Inh hơmet wă pơrăm lu iĕm. Rim 'nu athei weh đơ̆ng trong kơnê̆, hơmet ming tơdrong arih sa păng tơdrong pơm kơdih!’

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.

Both 30:8

Iĕm gô chu, mơ̆ng pơm kiơ̆ nơ̆r Kră Yang păng pơm kiơ̆ dôm lu nơ̆r Sư tơtă, mă inh bơtho khan ăn kơ iĕm năr 'nâu.

Jang 28:27

Ih năm bơtho lu sư thoi noh yua kơ đon lu sư jing kơtul dêh; mă-lei lu sư oei wă pơchĭt đon sư kơdih khŏm khŏm 'mơ̆i, păng măt lu sư wă kơ tep ling-lang. Dah lu sư 'nĕ kơ pơm đon thoi noh, lei măt lu sư gơh 'bôh, đon lu sư kơtơ̆ng nhên, lu sư gơh tơchĕng kơdih băt wih tơ Inh 'Bok Kei-Dei, na Inh gô pơklaih đĭ dôm tơdrong yoch sư.’ ”

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

Luka 20:13

Na 'bok tơ'ngla mir hơmu noh khan: ‘Inh wă pơm thoi yơ kih? Inh athei wơh kon tơdăm inh mă 'mêm kơdih, rŏ lăng lu đe noh kư̆m chu yom kơ sư mơ̆n thâu.’

Mathiơ 13:15

Yua kơ đon lu sư kơtul dêh, Mă-lei lu sư oei wă pơchĭt đon sư kơdih khŏm khŏm 'mơ̆i, Păng măt lu sư wă kơ tep ling-lang. Dah lu sư 'nĕ kơ pơm đon thoi noh, lei măt lu sư gơh 'bôh, Đon lu sư gơh kơtơ̆ng nhên, lu sư gơh tơchĕng kơdih băt wih tơ 'Bok Kei-Dei, Na Sư gô pơklaih đĭ dôm tơdrong yoch lu sư.’

Jêphania 2:3

Chơchă bĕ Kră Yang ơ lu bơngai chu yom lăm teh đak, pơm kiơ̆ bĕ nơ̆r Kră Yang tơtă, chơchă tơdrong tơpăt Sư, chơchă bĕ tơdrong gơh găt, dah rŏ lăng đe gô ôn iĕm hlơp lăm năr Kră Yang hil.

Êsêkiên 18:23

Kră Yang khan: Inh 'bôh lu bơngai pơm kơnê̆ lôch Inh hiôk hă? Ưh kơ hiôk ôh wă kơ lu sư tơbral tơdrong kơnê̆ lu sư pơm na đei arih.

Je 23:14

Inh 'bôh lăm lu bơngai khan lê̆ adrol lăm pơlei Jêrusalem pơm tơdrong kơnê̆ dêh; Lu sư pơm pơyô kư̆ kă păng yak kiơ̆ trong hơlĕnh pơdăr; lu sư pơdrŭt bơngai pơm kơnê̆ rai dêh, na lu sư ưh pă đei bu 'maih lê̆ tơdrong kơnê̆. Inh lăng rim kơ lu sư thoi pơlei Sôđôm, păng kon pơlei Jêrusalem nhen thoi pơlei Gômôrơ.”

Êsai 6:10

Pơm bĕ kơ kon pơlei 'nâu jơhngơ̆m lu sư arăng, đon tơngơl, măt lu sư bơbôl, Hli kơ măt lu sư gơh 'bôh đon lu sư kơtơ̆ng jơhngơ̆m lu sư hlôh kơnh lu sư wơ̆t brŏk păng gơh klaih.”

Ne 1:9

Mă-lei tơdah lu iĕm wih brŏk tơ Inh, wei răk pơm kiơ̆ dôm tơdrong Inh tơtă, mă khan lu iĕm tơklah tơklang jrok oei tôch kơ plĕnh teh, Inh kư̆m gô krao akŭm lu sư brŏk păng inh gô chông anhăk lu sư truh tơ anih Inh mă hơmet lê̆ boih wă kơ Anăn Inh kư̆m oei tơ noh mơ̆n.

Both 5:29

Ô tơdah lu kon pơlei âu đei jơhngơ̆m hli yom kơ Inh hăm wei răk dôm lu nơ̆r Inh tơtă ling-lang lu sư păng kon sâu lu sư gơh đei tơdrong pŭn hiôk ling-lang.

Horiso 139:24

Apinh Ih lăng lăng inh hăm đei yoch kơnê̆ kiơ ưh? Apinh Ih chông anhăk inh lăm trong arih ling-lang. Anih jrŭ wă khan lăm tơpu kon.