Je 36:13 - Sơ̆p Hlabơar Nơ̆r 'Bok Kei-Dei

¹³ Mikaia roi ăn kơ lu sư dôm nơ̆r mă sư kơtơ̆ng Baruk đŏk ăn kơ lu kon pơlei mơ̆ng đơ̆ng lăm sơnôm hla bơar noh.

Je 36:13 Referans Kwoze

II Pot 22:10

Saphan bơngai chih hla bơar khan: “Hilkia, 'bok soi tơm, sư ăn kơ inh minh sơ̆p hla bơar.” Đơ̆ng noh Saphan, đŏk tơm măt pơtao.

Jôna 3:6

Tơdrong noh kơtơ̆ng truh tơ pơtao oei lăm pơlei tih Niniwe, sư iung weh đơ̆ng anih pơtao sư, plôh lê̆ ao pơtao sư, na hrŭk ao 'bi hơ-oei lăm 'mui tơnuh.

II Ho 34:24

Kră Yang khan: Inh wă ăn tơdrong răm truh tơ anih 'nâu păng tơ lu kon pơlei mă oei lăm anih âu, đĭ-đăng nơ̆r hiap pơtê̆ mă đei chih boih lăm sơ̆p hla bơar mă đei đŏk boih 'bơ̆t anăp pơtao Juđa.

II Pot 22:19

Yua kơ ih đei jơhngơ̆m tơbral bơih, băt tơjur akâu kơdih 'bơ̆t anăp Kră Yang 'bơ̆t ih kơtơ̆ng Inh pơma hil kơ teh 'nâu hăm kon pơlei lăm noh, dĭng lu sư jing juơ rơhiăng, kon pơlei sư pŭ hiap pơtê̆, mă-lei yua kơ ih hek ao, păng nhơ̆m hơdrĭ 'bơ̆t anăp Inh; yua kơ noh inh kư̆m kơtơ̆ng nơ̆r ih bơih.

Je 36:11

Wă Mikaia kon drŏ-nglo Gêmaria sâu Saphan kơtơ̆ng dôm nơ̆r Kră Yang đei chih lăm sơnôm hla bơar,