Je 35:13 - Sơ̆p Hlabơar Nơ̆r 'Bok Kei-Dei

¹³ 'Nâu Kră Yang Tih Hloh 'Bok Kei-Dei bơngai Isơrael khan: “Năm khan bĕ kơ bơngai Juđa păng kon pơlei Jêrusalem: Kră Yang khan: ‘Lu iĕm ưh kơ wă chu iŏk tơdrong Inh bơtho păng kư̆m kuă kơ mơ̆ng nơ̆r Inh mơ̆n hă?

Je 35:13 Referans Kwoze

Je 32:33

Lu sư ưh kơ hue lăng Inh, tơwih kơ Inh rŏng. Mă khan Inh oei adrin bơtho lu sư, mă-lei lu sư kuă kơ mơ̆ng, kuă kơ chu kiơ̆ nơ̆r Inh bơtho khan.

Je 5:3

Ơ Kră Yang! Hăm trŏ kơ măt Ih chă lăng jơhngơ̆m tơpăt sĭt? Ih teh boih lu sư, lu sư ưh kơ băt jĭ, ih pơrăm lu sư boih, mă-lei lu sư oei kơchu kơ tơdrong Ih teh bơtho noh. Lu sư pơrơ̆ng pơm kơ muh măt lu sư arăng hơrăk thoi tơmo. Lu sư ưh kơ wă tơbral tơdrong yoch.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.

Je 9:12

Bơngai bu gơh hơgei kĕ băt hlôh kơ tơdrong 'nâu? Bơngai bu mă Kră Yang pơhrăm boih wă kơ sư tơblang tơdrong 'nâu? Liơ mă dêh char pơrăm đĭ jing juơ rơhiăng thoi lăm char glă, dĭng mah pă đei bơngai bu yak rok noh?

Êsai 42:23

Bu lăm lu iĕm gô pơđêng đon mơ̆ng tơdrong 'nâu, bu kơchăm mơ̆ng đơ̆ng âu tơ anăp?

Tơdrông Pơđơk 19:20

Mơ̆ng bĕ nơ̆r bơtho athei, wei iŏk bĕ nơ̆r đe tơ'bôh; Wă kơ ih gơh hơgei đei đon hlôh wao đơ̆ng âu tơ anăp.

Tơdrông Pơđơk 8:10

Iŏk bĕ nơ̆r Inh bơtho pơkă hloh kơ jên kăk. Răk bĕ tơdrong gơh hơgei 'nei hloh kơ maih se;

Je 35:12

Klaih kơ noh, đei nơ̆r Kră Yang khan kơ Jêrêmi:

Je 25:2

Na Jêrêmi 'bok khan lê̆ adrol roi tơbăt nơ̆r 'nâu 'bơ̆t anăp adrĕch bơngai Juđa hăm đĭ-đăng kon pơlei Jêrusalem: