Je 34:20 - Sơ̆p Hlabơar Nơ̆r 'Bok Kei-Dei

²⁰ Inh jao lu sư tơ lăm ti lu bơngai ayăt kơ lu sư, lu bơngai 'maih wă pơlôch pơrăm lu sư. Atâu akâu lu sư lôch gô ăn kơ sem grơ̆ păng sem bri sa.

Je 34:20 Referans Kwoze

Je 7:33

Akâu kon pơlei lôch jing tơmam sa kơ lu sem păr păng lu sem bri brah; ưh kơ đei bu puh lu sư.

Je 19:7

Lăm anih âu Inh gô tơhiong lê̆ dôm tơdrong lu bơngai Juđa hăm lu bơngai pơlei Jêrusalem chă đon wă pơm. Inh gô ăn kơ kon pơlei lu sư lôch kơ đao 'bơ̆t anăp lu bơngai ayăt kơ lu sư đơ̆ng ti lu bơngai 'maih pơrăm tơdrong arih lu sư; Inh gô jao ăn kơ kon sem bri sem păr sa akâu lôch lu sư.

Je 16:4

“Lu sư gô lôch hơbuh krưp dêh; ưh kơ đei bu hmoi ưh kơ đei bu 'bŭ lu sư, akâu bơngai lôch jing mơ̆r kơ teh. Lu sư gô lôch kơ đao gưm păng lôch kơ pơngot rơwĕt. Akâu lôch lu sư gô ăn kơ sem păr păng sem bri sa.”

Je 11:21

“Thoi noh Kră Yang khan gah kon pơlei Anathôt lu bơngai chơchă wă pơlôch ih khan: ‘Ih 'nĕ pă khan lê̆ adrol hăm anăn Kră Yang, dah ưh kơ chu ih gô lôch kơ ti nhôn.’

I Pot 16:4

Bơngai bu gah hnam Baasa lôch lăm pơlei, kŏ gô sa păng tơdah lôch tơ bri sem păr gô choh sa.

Je 22:25

Inh gô pơjao lê̆ ih kơ lu bơngai mă 'maih pơrăm tơdrong arih ih tơ lăm ti lu bơngai mă ih hli dêh, lăm ti Nebukatnessar pơtao đe Babilôn păng lăm ti lu bơngai Kalđê.

Je 21:7

Đơ̆ng rŏng kơ noh, Kră Yang khan: Inh gô jao Sêđekia, pơtao đe Juđa păng yŏng pơgơ̆r, hăm lu, kon pơlei sư mă oei arih lăm pơlei tih âu; oei arih huay kơ lôch rŭng, đơ̆ng đao gưm, hăm klaih đơ̆ng lôch kơ pơngot rơwĕt, Inh gô jao lu sư lăm ti Nebukatnessar pơtao Babilôn, lăm ti lu bơngai ayăt chă wă 'maih pơlôch lu sư. Pơtao Babilôn gô koh lu sư hăm đao gưm, pă đei mơnat, pă 'mêm kư̆m pă lăng lu sư boih.”

I Pot 14:11

Bơngai bu lăm hnam dơnŏ Jêrôbôam, dah sư lôch lăm pơlei kŏ gô hek sa, dah sư lôch tơ bri, sem păr gô choh sa, yua kơ Kră Yang khan thoi noh.

I Sam 17:46

Năr 'nâu Kră Yang gô pơjao ih lăm tơpang ti inh, inh gô pơlôch ih, kăt kơ̆l ih păng bơngai Philistin lôch ăn kơ sem păr păng lu sem bri sa sĕch lu linh bơngai Philistin. Jơ̆p-jang kơ teh đak gô băt kơ bơngai Isơrael đei Kră Yang 'Bok Kei-Dei;

I Sam 17:44

Bơngai Philistin hơnganh: Năm tơ âu wăi, inh gô ăn sĕch ih kơ lu sem păr păng lu sem bri sa.

Êsêkiên 32:4

Inh gô klơ̆m hŭt ih tơ teh păng hŭt lê̆ ih tơ bri na Inh gô ăn kơ lu sem păr kôp tơ ih păng lu sem bri gô sa ih phĭ hrăp.

Êsêkiên 29:5

Inh gô klơ̆m hŭt lê̆ ih tơ char glă, Ih hăm lu ka lăm đak glung ih. Ih gô pơ̆k tơ lăm bri; pă đei bu iŏk păng ưh kơ đei bu dônh 'bŭ. Inh gô ăn ih jing tơmam sa ăn kơ sem bri ala teh păng lu sem păr tơ plĕnh.

Je 49:37

Inh gô pơm kơ bơngai Êlam hli tơrơ 'bơ̆t anăp lu ayăt kơ sư, 'bơ̆t anăp lu bơngai wă pơlôch lu sư.” Kră Yang khan: “Inh gô ăn tơdrong răm truh, ăn tơdrong Inh hil mĭl tơtŏ, tuh tơ kơpal lu sư; Inh gô ăn đao gưm druh lu sư, dĭng truh tơ Inh pơlôch pơrăm lu sư.”

Je 44:30

Kră Yang khan: “Inh gô jao Pharaôn Hôphra, pơtao đe Êyiptơ, lăm ti lu bơngai ayăt kơ sư păng lu bơngai chă wă pơlôch sư, thoi Inh đei jao boih Sêđekia, pơtao đe Juđa, lăm ti Nebukatnessar pơtao Babilôn, bơngai mă ayăt kơ sư păng wă pơlôch sư.”

Je 38:16

Mă-lei pơtao Sêđekia pơkă hlơp hơdrô̆ hăm Jêrêmi: “Sĭt tơpă thoi Kră Yang arih, Tơ'ngla pơjing boih tơdrong arih lu bơ̆n, inh pơkă, inh ưh kơ pơlôch ih ôh, inh kư̆m ưh kơ pơjao ih kơ lu bơngai 'maih wă pơlôch ih!”

Je 4:30

Bĭ iĕm, ơ bơngai mă oei wă pơrăm. Iĕm pơm kiơ mă hrŭk ao 'brê hơhĭm, pơguăng hăm maih se, Iŏk 'long chih chhơ̆ gơnur măt, pơguăng wă kơ 'lơ̆ng liĕm, kư̆m đĭ pă yua: Bơngai mă hơyuh kơ iĕm kư̆m achăng lê̆ iĕm, kư̆m wă chă pơlôch ih.

Both 28:26

Akâu lôch lu iĕm gô pơm tơmam sa ăn kơ lu sem păr kơpal plĕnh păng ăn kơ lu sem bri lăm teh sa, ưh kơ đei bơngai bu pơpuh lê̆ lu sư weh.

Horiso 79:2

Lu sư klơ̆m lê̆ akâu lôch lu đĭch đam Ih, Ăn kơ lu sem păr sa, ăn kơ lu sem bri sa lu bơngai 'lơ̆ng rơgoh Ih.

Je 12:9

Kon pơlei Inh hăm trŏ thoi klang, Lu klang nai wang tăp dăr wă pơm kơ kon pơlei Inh hă? Akŭm bĕ đĭ-đăng lu sem bri, ba lu sư sa kon pơlei Inh.

Êsêkiên 23:28

Na 'nâu Kră Yang khan: “Âu, Inh gô pơjao ih lăm ti lu bơngai mă ih areh, lăm ti lu bơngai mă jơhngơ̆m ih ơh klai.

Je 39:6

Pơtao Babilôn pơlôch lu kon drŏ-nglo Sêđekia lăm pơlei Riblah, tơm măt Sêđekia; pơtao Babilôn kư̆m pơlôch đĭ-đăng lu yŏng kơdră adrĕch Juđa kiơ̆ kơ pơtao athei.