Je 34:10 - Sơ̆p Hlabơar Nơ̆r 'Bok Kei-Dei

¹⁰ Na đĭ-đăng lu kră pơgơ̆r păng đĭ-đăng kon pơlei chu drơ̆ng kiơ̆ nơ̆r đei pơgơ̆p noh, ăn lu đĭch drŏ-nglo dah drŏ-kăn klaih rơngei. Ưh pă đei rôp bu pơm đĭch dơ̆ng. Lu sư chu kiơ̆ ăn kơ đĭch đam gơh klaih rơngei.

Je 34:10 Referans Kwoze

Je 26:16

Lu kră pơgơ̆r păng đĭ kon pơlei pơla khan hloi kơ 'bok soi hăm 'bok khan lê̆ adrol: “Ưh kơ gơh pơlôch bơngai âu, yua kơ sư yua anăn Kră Yang, 'Bok Kei-Dei bơ̆n roi tơbăt kơ bơ̆n.”

Je 26:10

Lu kră pơgơ̆r dêh Juđa kơtơ̆ng tơdrong noh, lĕch đơ̆ng hnam pơtao năm tơ hnam Kră Yang păng hơ-oei sek tơlang 'bơ̆t 'Măng Jang 'Nao hnam Kră Yang.

Markôs 6:20

kơlih kơ pơtao Hêrôt hli kơ Yôhan. Hêrôt băt kơ Yôhan bơngai tơpăt păng bơngai đon 'lơ̆ng ling-lang. Thoi noh na sư ưh kơ ăn pơlôch, kơplah sư mơ̆ng Yôhan bơtho jơhngơ̆m sư wơ̆l wang ră mă-lei sư 'maih mơ̆ng mơ̆n.

Je 38:4

Lu yŏng pơgơ̆r khan kơ pơtao: “Pơlôch bĕ bơngai 'nâu, yua kơ sư pơma thoi noh, pơm ăn kơ đon lu linh mă oei oei lăm pơlei âu păng pơm kơ jơhngơ̆m kon pơlei rơdu. Bơngai âu ưh kơ chă trong wă pơklaih kon pơlei ôh, mă-lei chă trong wă pơrăm.”

Je 36:12

sư jur năm tơ hnam pơtao, mơ̆t tơ lăm anih 'bok chih hla bơar; tơ'bơ̆p lu yŏng pơgơ̆r oei ngôi lăm noh, lu sư đei Êlisama; 'bok chih hla bơar, Đêlaia kon drŏ-nglo Sêmaia, Êlnathan kon drŏ-nglo Akbôr, Gêmaria kon Saphan, Sêđekia, kon Hanania păng lu yŏng pơgơ̆r nai.

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Je 34:11

Mă-lei đơ̆ng rŏng lu sư tơplih đon; hơlơ̆k rôp lu đĭch đam drŏ-nglo drŏ-kăn mă đêl lu sư 'nao achăng noh wơ̆t jang pơm đĭch đam dơ̆ng.

Je 34:19

Lu kră pơgơ̆r bơngai Juđa păng Jêrusalem lu bơngai jang lăm hnam pơtao, 'bok soi păng lu kon pơlei năm yak rok sơlam lu 'nhĕm rơmo blah noh.

Le 21:2

Tơdah ih răt đĭch đam bơngai Hêbrơ, sư gô bơ̆jang lăm tơdrâu sơnăm truh sơnăm mă tơpơh gô achăng ăn kơ sư rơngei. Ưh kơ 'mong jên ôh.

Lêwi 25:10

Lu iĕm athei iŏk sơnăm mă pơđăm-jĭt, pơm sơnăm 'lơ̆ng rơgoh păng ră roi tơdrong rơngei kơ đĭ-đăng kon pơlei pơla oei lăm char noh jĭ sơnăm hiôk-hian kơ lu iĕm, bu bu kư̆m wơ̆t iŏk teh jang sa sư kơdih đĭ-đăng gô rơngei wih brŏk tơ hnam dơnŏ sư kơdih.