Je 33:17 - Sơ̆p Hlabơar Nơ̆r 'Bok Kei-Dei

¹⁷ Yua kơ Kră Yang khan: “Adrĕch Đawit ưh kơ đei khăi ôh bơngai drŏ-nglo pơtrơp oei tơ tang-dŏ pơtao adrĕch Isơrael.

Je 33:17 Referans Kwoze

I Pot 2:4

păng wă kơ Kră Yang gô pơsĭt nơ̆r Sư pơkă hăm inh khan: ‘Tơdah lu kon sâu ih kơchăng arih sa, tơdah lu sư wă yak năm 'bơ̆t anăp Inh, pơm kiơ̆ tơdrong juăt Inh hăm đĭ jơhngơ̆m klơm klak, lei ih ưh kơ'bah ôh bơngai hơ-oei kơpal tang-dŏ pơtao Isơrael pơtrơp ih.’

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

I Pot 8:25

“Dang ei, ơ Kră Yang 'Bok Kei-Dei Isơrael! Apinh Ih pơm pơkeh bĕ đơ̆ng nơ̆r Ih pơkă hăm 'bă inh Đawit, đĭch đam Ih. Ih đei pơkă khan: “'Bơ̆t anăp Inh ih ưh kơ đei khăi ôh bơngai gô hơ-oei kơpal tang-dŏ pơtao Isơrael tơdah lu kon sâu ih năm rok trong ih mă năm adrol bơih 'bơ̆t anăp Inh.”

Je 35:19

Thoi noh na Kră Yang 'Bok Kei-Dei bơngai Isơrael khan: ‘Adrĕch adrung Jônađap kon drŏ-nglo Rêkap gô đei ling-lang bơngai jang kơ Inh.’ ”

I Ho 17:27

Ih hiôk ăn tơdrong pŭn hiôk kơ hnam đĭch đam Ih, wă kơ sư gơh oei đei ling-lang khŏm khŏm 'bơ̆t anăp Ih, yua kơ, ơ Kră Yang, tơmam kiơ ih ăn pŭn hiôk, gô đei pŭn hiôk ling-lang khŏm khŏm!”

II Sam 3:29

Thŭ pham Apner noh tuh tơ kơpal kơ̆l Jôap hăm đĭ-đăng adrĕch 'bă sư păng adrĕch sư ưh kơ đei bu huay kơ đei jĭ krơ, jĭ chin, jopo, mơ'nah lôch kơ đao, mơ'nah tơmam sa ưh mah”

Je 17:25

lei na lu pơtao hơ-oei tơ tang-dŏ pơtao Đawit gô hao gre aseh hao aseh hơdai hăm lu yŏng pơgơ̆r, lu bơngai Juđa hăm lu kon pơlei oei lăm Jêrusalem mơ̆t trong 'măng dur pơlei 'nâu; păng pơlei 'nâu oei đei bơngai oei ling-lang.

II Sam 7:12

Lăp jơ 'năr ih đĭ boih, păng ih lôch năm oei hơdai hăm lu 'bok yă ih, na Inh gô pôk minh 'nu đơ̆ng lăm adrĕch adrung ih sư noh đơ̆ng kon ih pơjing wă pơtrơp kơ tang-dŏ pơtao ih, păng Inh gô ăn kơ dêh char pơtao sư kơjăp.

II Sam 7:13

Sư noh kơnh gô pơm hnam kơ anăn Inh oei păng Inh gô ăn kơ tang-dŏ dêh char pơtao sư kơjăp ling-lang.

II Pot 11:2

Mă-lei Jêhôseba kon drŏ-kăn pơtao Jêhôram, sư noh mŏ Ahasia, rôp tơtông Jôas, kon drŏ-nglo Ahasia đơ̆ng lăm lu kon tơdăm pơtao mă yă Athalia wă pơlôch, đơ̆ng noh ôn lê̆ sư lăm anih tep, oei hăm yă mă rong sư păng ôn lê̆ sư wă kơ Athalia chă ưh kơ 'bôh; yua kơ thoi noh na đe huay kơ đei pơlôch sư.

Horiso 132:12

Tơdah lu kon ih wei răk nơ̆r Inh pơgơ̆p. Păng nơ̆r tơtă mă Inh gô bơtho kơ lu sư, Lei kon hơ'lơ̆p lu sư kư̆m gô oei tơ kơpal tang-dŏ pơtao ih ling-lang hlŏng hloi.”