Je 33:13 - Sơ̆p Hlabơar Nơ̆r 'Bok Kei-Dei

¹³ Lăm lu pơlei tơring groi kông păng lu pơlei lăm tơring groi gah bơmơ̆t, lăm lu tơring glă gah gơal, lăm teh đak Bênjamin, tơ lăm rim anih tăp dăr Jêrusalem păng lăm pơlei char Juđa, khŭl triu gô yak rok ala ti đe gô jô̆ lu sư.” Noh Kră Yang khan.

Je 33:13 Referans Kwoze

Lêwi 27:32

Đĭ-đăng minh lăm mơjĭt đơ̆ng rơmo, dah triu, iŏk 'long jra na jô̆ rơmo dah triu ayơ mă yak năm ala 'long jra truh tơ mơjĭt noh tơmam 'lơ̆ng rơgoh, iŏk 'măn pơyơ̆r kơ Kră Yang.

Luka 15:4

“Pơtih gia iĕm đei minh-hrĕng tŏ triu, na hiong minh pôm. Hăm trŏ kơ iĕm lê̆ tơsĭn-jĭt tơsĭn tŏ triu noh oei chă sa tơ tơmăn, na iĕm khŏm năm chă minh pôm hiong noh tơ̆p 'bôh 'mơ̆i?

Je 17:26

Đei bơngai gô truh đơ̆ng lu pơlei Juđa păng truh đơ̆ng jơ̆p-jang pơlei iĕ tăp dăr kơ pơlei Jêrusalem, đơ̆ng lăm char Bênjamin, đơ̆ng tơnăp groi, gah bơmơ̆t, đơ̆ng kông groi, đơ̆ng char glă gah gơal, wă chĕp tơmam soi 'buh, lu tơmam soi thoi phe, 'ba, tơmam 'bâu phu păng tơmam soi bơnê tơ hnam Kră Yang.

Je 31:12

Lu sư gô năm hơri hiôk chơt tơ anih kơjung kơpal kông Siôn; muh măt lu sư chơt hiôk đơ̆ng Kră Yang ăn pŭn hiôk rơkah rơkai: 'Ba mi, sik hơmu, đak rơmă ôliwơ, kon triu, bơbe, sem dơrong, Jơhngơ̆m lu sư thoi pơgar đak hngôm hơiuh, ưh pă đei sơ'ngon kơ kiơ dơ̆ng.

Je 32:15

'Nâu Kră Yang Tih Hloh, 'Bok Kei-Dei bơngai Isơrael khan: Đe gô tĕch răt hnam, mir chŭn, pơgar hơmu lăm char âu.’

Je 32:44

Lu đe gô yua jên hu răt mir na, chih hla bơar tĕch, chơ̆m pơsĭt, chih pơklep chă bơngai kơdranh pơsĭt kơ đơ̆ng lăm char Bênjamin, lăm lu anih tăp dăr kơ pơlei tih Jêrusalem, lăm pơlei Juđa păng lăm lu pơlei tơ kông groi dah lăm tơring lăm thŭng păng lu pơlei gah gơal, yua kơ Inh gô chông anhăk bơnă wih brŏk hiôk-hian jơnap.” Noh Kră Yang khan.”

Êsêkiên 20:37

Inh gô wei lu iĕm chu kiơ̆ ala 'long jra Inh păng Inh gô chông ba lu iĕm mơ̆t lăm tơdrong pơgơ̆p.

Ob 1:20

Dôm lu bơngai Isơrael pơm bơnă oei lăm dêh Kanaan, gô đei bri seh teh choh sư truh tơ Sarephat. Lu bơngai bơnă Jêrusalem oei char Sephahat gô đei iŏk pơlei gah gơal.