Je 32:40 - Sơ̆p Hlabơar Nơ̆r 'Bok Kei-Dei

⁴⁰ Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

Je 32:40 Referans Kwoze

Êsêkiên 36:26

Inh gô ăn kơ lu iĕm jơhngơ̆m 'nao păng ăn yang bơhngol 'nao tơ lăm lu iĕm; Inh gô iŏk hŭt lê̆ đĭ jơhngơ̆m arăng thoi tơmo đơ̆ng akâu lu iĕm păng ăn kơ lu iĕm jơhngơ̆m rơmuăn hăm sĕch wă chu kiơ̆ Inh.

Je 24:7

Inh gô ăn kơ lu sư đei jơhngơ̆m băt kơ Inh boih Kră Yang. Lu sư gô jing kon pơlei Inh, Inh boih Kră Yang 'Bok Kei-Dei lu sư, yua kơ lu sư gô đĭ jơhngơ̆m wih brŏk tơ Inh.’ ”

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

Êsêkiên 39:29

Inh ưh pă ôn muh măt Inh kơ lu sư dơ̆ng, yua kơ Inh gô ăn Yang Bơhngol 'Lơ̆ng Inh kơ adrĕch Isơrael, Kră Yang khan thoi noh.”

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Je 50:5

Lu sư jet chă trong năm tơ pơlei Siôn, Lu sư tơwih anăp tơklă tơ pơlei noh: ‘Bĕ bơ̆n yak, truh tơ noh wă pơkă hăm Kră Yang. Hăm tơdrong pơgơ̆p ling-lang ưh kơ đei layơ hiơt.’ ”

Hêbrơ 13:20

'Bok Kei-Dei oei hăm bơ̆n, ăn kơ bơ̆n hiôk-hian. Sư tơiung arih Yŏng bơ̆n Yêsu Krist, 'Bok mă wei triu 'lơ̆ng rŏ tơpă, yua kơ 'Bok noh soi kơ 'Bok Kei-Dei pham Sư kơdih wă pơgơ̆p bơ̆n hăm 'Bok Kei-Dei ling-lang.

II Sam 23:4

Gô thoi lĕ hơdah pơchrang til pơgê, kơplah măt năr lĕch. Thoi lĕ til pơgê hrôih ưh kơ đei hơmơ̆l, pơchrang hơdah đơ̆ng rŏng kơ 'mi. Pơm ăn kơ 'nhĕt 'long chăt arih đơ̆ng lăm teh.”

Hêbrơ 7:24

Mă gah Yêsu Sư oei pơm ling-lang ưh kơ tôch, yua kơ Sư gơh arih ling-lang.

Hêbrơ 4:1

'Bok Kei-Dei kư̆m pơkă kơ bơ̆n gơh mơ̆t pơdơh tơ dêh char Sư, thoi noh na bơ̆n athei kơchăng tơpă hli kơ bơ̆n lê̆ tơdrong lui, Sư ưh kơ ăn mơ̆t.

Êsai 61:8

Inh bơih Kră Yang Inh lăp kơ tơdrong tơpăt, areh kơ tơdrong tơtông klĕ păng tơdrong pơm ưh kơ tơpăt, kiơ̆ kơ jơhngơ̆m tơpăt Inh. Inh gô apah lu sư, păng pơjing tơdrong pơgơ̆p hăm lu sư ling-lang.

Êsai 24:5

Teh đak âu jing kơnê̆ 'mê̆ mach, đơ̆ng kon pơlei pơm yoch. Ưh kơ kiơ̆ khôi juăt, pơm yoch hăm nơ̆r tơtă, pơm glăi hăm tơdrong pơgơ̆p ling-lang.

Both 31:6

Athei nuih pran kơtang bĕ. 'Nĕ kơ hli tơrơ krưp dêh 'bơ̆t anăp lu kon pơlei noh yua kơ Kră Yang 'Bok Kei-Dei iĕm kư̆m gô năm hơdai hăm iĕm; Sư ưh kơ đei layơ achăng lê̆ iĕm kư̆m ưh kơ weh ataih đơ̆ng iĕm.

Both 31:8

Kră Yang boih gô năm adrol kơ ih, Sư gô oei hơdai hăm ih păng Sư ưh kơ achăng lê̆ ih, kư̆m ưh kơ weh ataih đơ̆ng ih. Ih 'nĕ kơ hli păng 'nĕ kơ rơdu jơhngơ̆m.

Je 31:34

Ưh pă đei pơhrăm băl boih lu rông 'bôt sư; păng lu 'nhŏng oh sư khan: Athei băt kơ Kră Yang! Yua kơ đĭ-đăng lu sư gô băt kơ Inh, bơngai pơm iĕ truh tơ bơngai pơm tih Kră Yang khan: “Inh ưh pă jô̆ yo kơ tơdrong lu sư pơm kơnê̆, păng kư̆m ưh pă 'blŏk kơ yoch glăi đêl lu sư pơm.”

Êsêkiên 37:26

Inh gô pơm tơdrong pơgơ̆p hiôk-hian hăm lu sư, noh pơgơ̆p ling-lang lu sư hăm Inh, Inh gô ăn kơ lu sư jing rai lơ. Inh gô 'măn anih rơgoh Inh tơ lăm lu sư ling-lang hlŏng hloi.

Horiso 80:19

Ơ Kră Yang, 'Bok Kei-Dei Tih Hloh, apinh Ih tơiung lu nhôn dơ̆ng. Păng pơdah bĕ muh măt Ih wă kơ lu nhôn gơh klaih.

Êsêkiên 36:27

Inh gô ăn Yang Bơhngol Inh oei lăm lu iĕm, wă kơ lu iĕm pơm kiơ̆ khôi juăt inh, lu iĕm gô pơ'lơ̆ng pơm kiơ̆ lu nơ̆r Inh tơtă.

Mi 4:5

Rim adrĕch bu bu kư̆m kiơ̆ anăn sư kơdih; păng lu bơ̆n gô yak kiơ̆ anăn Kră Yang 'Bok Kei-Dei lu bơ̆n ling-lang hlŏng hloi.