Je 32:4 - Sơ̆p Hlabơar Nơ̆r 'Bok Kei-Dei

⁴ Gah Sêđekia, pơtao đe Juđa, sư ưh kơ gơh klaih đơ̆ng ti lu bơngai Kalđê, sĭt tơpă pơtao Babilôn gô rôp phak sư, sư gô pơma dơnuh hăm pơtao 'bơ̆t tơm măt sư 'bôh hăm măt sư kơdih.

Je 32:4 Referans Kwoze

Je 38:23

Đĭ lu akăn tơm akăn kơnhŏng lu kon ih đe gô chông anhăk pơjao lu sư tơ bơngai Kalđê. Ih kư̆m ưh kơ gơh klaih đơ̆ng ti lu sư, đe gô jao ih kơ pơtao Babilôn na pơlei tih âu đe gô soh pơrăm.”

Je 38:18

Mă-lei dah ih ưh kơ lĕch yơ̆r ti kơ lu bơngai pơgơ̆r Babilôn, lei pơlei tih âu lu bơngai Kalđê gô soh păng ih kư̆m ưh kơ gơh klaih đơ̆ng ti lu sư.

Je 37:17

Pơtao Sêđekia wơh đe năm krao Jêrêmi ba tơ hnam pơtao, sư jet Jêrêmi hơdrô̆ lăm hnam sư: “Kră Yang hăm đei khan kiơ?” Jêrêmi tơl: “Đei mơ̆n, đe gô jao ih tơ lăm ti pơtao Babilôn.”

Je 34:3

Bĕ ih kư̆m ưh kơ gơh klaih đơ̆ng ti sư; đe gô rôp ih, jao ih lăm ti sư. Ih gô 'bôh tơm măt pơtao Babilôn păng kư̆m gô pơma dơnuh hăm sư, đe gô chông ba ih tơ char Babilôn.

Je 34:21

Sêđekia pơtao đe Juđa păng kră pơgơ̆r sư Inh gô jao ăn tơ lăm ti lu bơngai ayăt kơ sư lu bơngai 'maih wă pơlôch lu sư, lăm ti lu linh pơtao Babilôn 'nao weh đơ̆ng lu iĕm.”

Je 21:7

Đơ̆ng rŏng kơ noh, Kră Yang khan: Inh gô jao Sêđekia, pơtao đe Juđa păng yŏng pơgơ̆r, hăm lu, kon pơlei sư mă oei arih lăm pơlei tih âu; oei arih huay kơ lôch rŭng, đơ̆ng đao gưm, hăm klaih đơ̆ng lôch kơ pơngot rơwĕt, Inh gô jao lu sư lăm ti Nebukatnessar pơtao Babilôn, lăm ti lu bơngai ayăt chă wă 'maih pơlôch lu sư. Pơtao Babilôn gô koh lu sư hăm đao gưm, pă đei mơnat, pă 'mêm kư̆m pă lăng lu sư boih.”

Je 25:35

Lu bơngai wei triu ưh pă đei trong ayơ gơh klĕnh, Lu tơ'ngla triu kư̆m ưh pă đei trong ayơ gơh klaih.