Je 32:20 - Sơ̆p Hlabơar Nơ̆r 'Bok Kei-Dei

²⁰ Ih đei pơm boih tơdrong hlĭch chrơp tơ lăm char Êyiptơ sơ̆ mă khơ̆ dang ei lăm lu bơngai Isơrael păng lăm lu bơngai nai, anăn Ih đei ư-ang boih thoi kư̆m đei ư-ang dang ei.

Je 32:20 Referans Kwoze

Ne 9:10

Pơm boih tơdrong mơsêh hlĭch păng tơdrong hlĭch chrơp wă blah Pharaôn, hăm lu đĭch đam sư păng kon pơlei pơla lăm teh đak sư; yua kơ Ih băt: Lu sư pơgŏ pơjuă pơđep 'bok lu nhôn kơnê̆ dêh, đe oei ang truh tơ dang ei.

Jang 7:36

“Môis anhăk lu đe Isơrael đơ̆ng dêh Êyiptơ. 'Bok Kei-Dei ăn kơ Môis pơm tơdrong mơsêh mơyang tơ dêh Êyiptơ, tơ đak dơsĭ 'brê păng tơ char glă kơplah puăn-jĭt sơnăm.

Da 9:15

Dang ei, ơ Kră Yang jơ̆ Kră Yang 'Bok Kei-Dei lu nhôn, Ih boih yua tơpang ti pran kơtang Ih chông anhăk lu nhôn lĕch hlôi đơ̆ng dêh Êyiptơ, anăn Ih đei ư-ang thoi âu năr âu. Gah lu nhôn pơm yoch pơm tơdrong kơnê̆ boih.

Horiso 135:9

Ơ bơngai Êyiptơ! Sư ăn boih dôm tơdrong hlĭch chrơp tơ iĕm, wă phak pơtao Pharaôn păng lu jang kơ sư;

II Sam 7:23

Tơ jơ̆p lăm teh đak hăm đei adrĕch ayơ nhen thoi adrĕch Isơrael Ih, lăp minh pôm adrĕch đĕch lăm teh âu mă Kră Yang 'Bok Kei-Dei dŏng pơklaih wă pơm kon pơlei pơla Ih. Anăn Ih đei pơyom tih, iŏk đơ̆ng Ih pơm tơdrong tih-tin trŏ kơ hli krưp tơpă, kơ kon pơlei Ih lăm teh đak Ih. Kră Yang đei puh lê̆ dôm lu adrĕch nai, păng rup yang lu sư đơ̆ng lăm teh đak 'bơ̆t anăp kon pơlei pơla Ih mă Ih đei dŏng pơklaih đơ̆ng dêh char Êyiptơ.

Le 10:2

wă kơ ih gô roi kơ kon sâu ih mơsêh tih-tin Inh pơm kơ kon pơlei Êyiptơ, dôm tơdrong mơsêh Inh pơm bơih lăm lu sư, wă kơ lu sư băt kơ Inh Kră Yang.

Le 9:16

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

Êsai 63:12

Tơ'ngla mă pơm kơ kơkŏng ti ư-ang pran kơtang Kră Yang năm gah ti 'ma Môis. Mă pơm kơ đak dơsĭ tơklah 'bơ̆t anăp lu sư? Wă kơ anăn Kră Yang oei đei ling-lang ưh kơ đei tôch.

I Ho 17:21

Hăm đei kon pơlei ayơ lăm teh đak âu nhen thoi lu kon pơlei Ih Isơrael, Ih năm dơ̆ng pơklaih minh kon pơlei pơla kơ Ih kơdih pơm kơ anăn Ih kơdih tih-tin krưp tơpă trŏ kơ đe hli yom, kơplah Ih pơpuh tơweh lu adrĕch adrung nai 'bơ̆t anăp lu kon pơlei Ih, hăm tơdrong mơsêh mơyang kon pơlei Ih mă đei dŏng pơklaih boih đơ̆ng char Êyiptơ?

Both 7:19

Dôm tơdrong pơlong lăng tih dêh măt lu iĕm 'bôh boih, dôm lu tơdrong mơsêh tih hlĭch chrơp, tơpang ti mơsêh, pran kơtang Kră Yang 'Bok Kei-Dei iĕm đei chông tơlĕch iĕm đơ̆ng dêh Êyiptơ boih. Kră Yang 'Bok Kei-Dei iĕm kư̆m gô pơm kơ đĭ-đăng lu adrĕch mă iĕm hli noh.

Both 6:22

Kră Yang đei pơm tơ'bôh boih dôm lu tơdra hlĭch păng mơsêh mơyang krưp dêh tơpă, pơrăm dêh Êyiptơ, Pharaôn păng đĭ lu yŏng mơng sư 'bơ̆t anăp bơ̆n.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

Le 7:3

Inh gô pơm ăn kơ Pharaôn jơhngơ̆m arăng ưh kơ chu păng Inh pơthim lơ tơdra mơsêh hlĭch chrơp Inh tơ lăm dêh Êyiptơ.

Le 3:20

Mă-lei inh gô chro ti pơm kơ dêh Êyiptơ hăm tơdrong mơsêh hlĭch tơ lăm dêh 'noh, đơ̆ng rŏng kơ 'noh sư gô ăn kơ iĕm năm.

Êsai 63:14

Yang Bơhngol 'Lơ̆ng Kră Yang ăn bơih kơ lu sư pơdơh. Nhen thoi khŭl sem dơrong jur tơ anih thŭng Kră Yang dui ba kon pơlei Sư kư̆m thoi noh. Wă pơm kơ anăn Sư ư-ang.

Je 13:11

Pơtih thoi che tơ̆n kơiĕng klep tơ kơiĕng rim 'nu bơngai thoi yơ, Inh gô ăn kơ đĭ-đăng adrĕch adrung bơngai Isơrael, hăm adrĕch Juđa klep tơ Inh thoi noh, wă kơ lu sư jing kon pơlei pơla Inh, wă ư-ang, kơ Inh wă kơkuh bơnê kơ Inh. Mă-lei lu sư kuă kơ mơ̆ng Inh.”

Both 11:3

Dôm tơdrong mơsêh hlĭch păng tơdrong Sư pơm boih kơ dêh Êyiptơ, kơ Pharaôn, pơtao Êyiptơ păng đĭ kon pơlei lăm dêh sư;

Ne 9:11

Ih tơklah lê̆ đak dơsĭ 'bơ̆t anăp lu sư. Lu sư yak tŏk-bŏk đak dơsĭ hlôi thoi nơnăm kơpal teh hrĕng kro, bĕ lu bơngai druh, Ih klơ̆m lê̆ lu sư tơ sơlŭng jrŭ, nhen thoi klơ̆m tơmo lăm đak tih.

Da 6:28

Đaniel đei tơdrong pŭn hiôk đĭ chăl arih sư kơplah oei pơtao Đarius păng pơtao Sirus bơngai Pherơsơ pơm pơtao.