Je 31:5 - Sơ̆p Hlabơar Nơ̆r 'Bok Kei-Dei

⁵ Lu iĕm gô pơtăm tơm hơmu tơ kông groi Samari, thoi sơ̆ lu iĕm pơtăm, gô phĕ sa plei.

Je 31:5 Referans Kwoze

Am 9:14

Inh gô chông lu bơngai Isơrael brŏk đơ̆ng pơm bơnă, lu sư gô pơjing pơdơ̆ng dơ̆ng lu pơlei tih mă đêl đe pơrăm păng oei hloi tơ noh. Lu sư gô choh pơtăm mir hơmu păng huch đak sư, gô choh pơtăm war mir pơgar hla 'nhot, plei 'long păng gô sa plei sư.

Both 28:30

Minh 'nu lăm lu iĕm hơkơ̆t boih hăm minh 'nu bơngai adruh, mă-lei đei bơngai drŏ-nglo nai oei kơ sư. Iĕm pơm hnam, mă-lei ưh kơ đei oei; iĕm pơtăm minh hlak pơgar hơmu, mă-lei ưh kơ đei phĕ sa plei sư.

Mi 4:4

Rim 'nu gô tơoei ala tơm hơmu sư kơdih păng ala tơm 'long hơra sư, ưh pă đei bu wă pơm kơ lu sư hli tơtăm; yua kơ nơ̆r đơ̆ng 'bơ̆r Kră Yang Tih Hloh khan thoi noh boih.

Sa 3:10

Kră Yang khan: “Lăm năr noh, lu iĕm gô krao pơtơm lu bôl buăl rông 'bôt hơ-oei ala tơm hơmu păng tơm 'long hơra.”

Ob 1:19

Lu bơngai oei tơ gah gơal gô blah iŏk đei kông Êsâu, dôm lu bơngai oei tơ teh thŭng dơnă gô tŏk oei tơ teh khŭl bơngai Philistin: Lu sư gô đei iŏk mir chŭn Êphraim păng mir chŭn Samari; lu bơngai Bênjamin gô đei iŏk Gileat.

Êsêkiên 36:8

Na gah ih, ơ kông Isơrael, ih gô bluh dơ̆ng lơ păng đei plei ăn kơ lu kon pơlei Isơrael inh; yua kơ lu sư wă wih brŏk.

I Sam 21:5

Đawit tơl hăm 'bok soi: Kơplah nhôn lĕch năm tơblah, lu nhôn ưh kơ đei jê̆ minh 'nu drŏ-kăn ayơ ôh. Lu buăl inh wei rơgoh 'lơ̆ng; mă hơbĕn ao mă dôm lu tơmam tơblah, na mă loi thoi kơ năr âu wă pơm rơgoh ăn kơ lu sư hăm lu tơmam lu sư mă rơgoh?

Both 20:6

Bơngai bu hlôi pơm pơtăm minh hlak pơgar hơmu păng tam mă phĕ sa plei? Brŏk bĕ tơ hnam sư, kơnh hli kơ lôch lăm năr tơblah, na lê̆ kơ bơngai nai phĕ sa plei noh.

Horiso 107:37

Lu sư pơm mir rei adrĕch păng pơtăm tơm hơmu lăm mir chŭn tơm hơmu đei plei lơ.

Je 32:15

'Nâu Kră Yang Tih Hloh, 'Bok Kei-Dei bơngai Isơrael khan: Đe gô tĕch răt hnam, mir chŭn, pơgar hơmu lăm char âu.’

Êsêkiên 28:26

Lu sư oei tơ noh hiôk-hian, pơm hnam pơtăm hơmu. Lu sư oei tơ noh hiôk-hian kơplah Inh sek tơlang phak lu teh đak jum dăr lu sư, lu bơngai mă areh kơ lu sư. Lu sư gô băt Inh bơih Kră Yang 'Bok Kei-Dei lu sư.

Mi 1:6

Thoi noh Inh gô pơm kơ pơlei Samari thoi hla đuih lăm bri, thoi anih mơ̆r đe pơtăm hơmu păng kư̆m gô pơm kơ lu tơmo đơ̆ng noh grŏl pơđĭ tơ lăm thŭng păng gô pơdră dôm hơnă sư tơ 'nguaih.