Je 31:33 - Sơ̆p Hlabơar Nơ̆r 'Bok Kei-Dei

³³ “'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Je 31:33 Referans Kwoze

II Kor 3:3

Iĕm dang kơthơ Yêsu Krist mă nhôn chih. Mă-lei ưh kơ sĭ chih păng đak mơ̆k ôh. Yang Bơhngol 'Lơ̆ng 'Bok Kei-Dei mă arih ling-lang Sư chih tơgŭm nhôn mă ưh kơ sĭ chih tơ tơmo lat thoi tơdrong 'Bok Kei-Dei pơkă hơdrol sơ̆ ôh, Sư chih tơ'băk tơ lăm jơhngơ̆m đon iĕm.

Hêbrơ 10:16

“Ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm jơhngơ̆m lu sư, Inh wă chih tơ'băk tơdrong juăt Inh tơ lăm đon tơchĕng lu sư. Tơdrong noh boih Kră Yang khan.”

Hêbrơ 8:10

Păng ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm đon tơchĕng lu sư, Inh wă chih tơ'băk tơdrong juăt Inh tơ lăm jơhngơ̆m lu sư, Inh pơm Kră Yang lu sư, lu sư gô jing kon pơlei pơla Inh.

Je 24:7

Inh gô ăn kơ lu sư đei jơhngơ̆m băt kơ Inh boih Kră Yang. Lu sư gô jing kon pơlei Inh, Inh boih Kră Yang 'Bok Kei-Dei lu sư, yua kơ lu sư gô đĭ jơhngơ̆m wih brŏk tơ Inh.’ ”

Je 32:40

Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

Horiso 40:8

Ơ Kră Yang 'Bok Kei-Dei, inh hiôk tơpă pơm kiơ̆ nơ̆r Ih. Khôi juăt Ih oei tơ lăm jơhngơ̆m inh.

Êsêkiên 37:27

Hnam rơgoh Inh gô oei tơ lăm lu sư, Inh jing Kră Yang 'Bok Kei-Dei lu sư, lu sư jing kon pơlei pơla Inh.

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.

Je 32:38

Lu sư gô jing kon pơlei pơla Inh păng Inh boih Kră Yang 'Bok Kei-Dei lu sư.

Both 30:6

Kră Yang 'Bok Kei-Dei gô ăn kơ bơ̆n păng kon sâu lu bơ̆n đei jơhngơ̆m rơmuăn băt chu yom, wă kơ iĕm đĭ jơhngơ̆m klơm klak 'mêm yom kơ Kră Yang 'Bok Kei-Dei, wă kơ gơh arih.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Horiso 37:31

Khôi juăt Kră Yang 'Bok Kei-Dei oei lăm jơhngơ̆m sư; Rim yak sư huay kơ tơpling.

Rom 7:22

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră.

Je 30:22

“Thoi ei, na lu iĕm gô jing kon pơlei pơla Inh, Inh gô pơm Kră Yang 'Bok Kei-Dei lu iĕm.

Êsai 51:7

Ơ kon pơlei băt tơdrong 'lơ̆ng tơpăt. Đei răk tơdrong juăt Inh lăm jơhngơ̆m, mơ̆ng bĕ Inh! 'Nĕ hli kơ đe pơjăm, 'nĕ hli kơ lu sư pơma kơnê̆ chrih pơjăm iĕm.

Je 31:1

Kră Yang khan: “Kơplah noh kơnh, Inh boih Kră Yang 'Bok Kei-Dei kơ đĭ-đăng adrĕch Isơrael; păng lu sư jing kon pơlei pơla Inh.”

Tơdrông Tơ'bôh 21:7

Bu adrin tơblah păng yang kơnê̆ jei sư, sư gô đei tôm tơdrong noh, Inh jing Kră Yang sư, sư jing kon Inh.

Yo 20:17

Thoi noh Yêsu khan: “Ih 'nĕ kơ rôp Inh, yua kơ Inh ưh tam mă tŏk wih tơ 'Bă Inh. Ih năm khan kơ lu 'nhŏng oh Inh wă kơ sư băt kơ Inh wă tŏk wih tơ 'Bă Inh, Sư kư̆m 'Bă lu iĕm mơ̆n; tơ Kră Yang Inh, Sư kư̆m Kră Yang iĕm mơ̆n.”

Rom 11:27

Na Inh gô pơklaih tơdrong yoch lu sư 'blep thoi Inh pơkă kơ lu sư sơ̆.”

I Tes 4:9

Gah tơdrong 'mêm mơnat tơduă bôl bơngai lui nhôn huay kơ kăl chih roi kơ iĕm ôh, yua kơ 'Bok Kei-Dei bơtho iĕm boih tơdrong 'mêm mơnat dih băl 'noh.

I Pot 8:58

Apinh Sư tơgŭm bơ̆n năm jê̆ Sư wă kơ lu bơ̆n năm kiơ̆ trong Sư, wei răk nơ̆r sư tơtă, tơdrong juăt Sư păng nơ̆r Sư bơtho tơtă, mă Sư bơtho kơ lu 'bok bơ̆n sơ̆.

Je 32:39

Inh gô ăn kơ lu sư jing minh đon minh jơhngơ̆m minh trong lei-lăi, wă kơ lu sư hli yom kơ Inh ling-lang, wă kơ lu sư păng kon sâu lu sư đei tơdrong pŭn hiôk.

Hôsia 2:20

Tơpă Inh gô tơ'bôh kơ ih tơdrong tơpăt sĭt, na ih gô băt kơ Kră Yang.

Jêphania 3:13

Lu bơngai Isơrael mă oei đei lu sư ưh pă pơm kơnê̆ boih, ưh pă pơma hơlĕnh, ưh pă đei hơpiĕt hơlĕnh pơdăr lăm 'bơ̆r lu sư boih; yua kơ lu sư gô sŏng sa 'băt păng tep hiôk, ưh pă đei bu tơhli lu sư dơ̆ng.”

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

II Sam 7:24

Ih đei pơjing kơjăp bơngai Isơrael pơm kon pơlei pơla Ih kơdih ling-lang hlŏng hloi. Ơ Kră Yang, Ih boih Kră Yang 'Bok Kei-Dei lu sư.

Horiso 40:9

Lăm năr akŭm tih inh ră roi boih kơ tơdrong 'nao 'lơ̆ng tơpăt Ih; to, inh ưh kơ đei ôn 'bơ̆r, Ơ Kră Yang, inh băt boih tơdrong noh.

Tơdrông Pơđơk 7:3

Chô̆ sư tơ hơnglâu ti ih, chih sư tơ lăm jơhngơ̆m ih.

Êsai 59:21

Kră Yang khan: “Gah Inh 'nâu, noh boih tơdrong Inh pơgơ̆p hăm lu sư. Yang bơhngol Inh oei tơ lăm iĕm păng lu nơ̆r Inh tah bơih lăm 'bơ̆r iĕm, gô ưh kơ weh đơ̆ng 'bơ̆r iĕm păng 'bơ̆r adrĕch adrung kon sâu iĕm đơ̆ng dang ei ling-lang truh kơ ning-mônh,” Kră Yang khan thoi noh.

Je 17:1

Tơdrong yoch bơngai Juđa đe chih răk boih hăm 'long chih bơsei, chhơ̆ hăm pla tơmo jơmŏng, tơ gơ'bang lăm jơhngơ̆m lu sư, Păng chih tơ kơpal hơke tơ mum chơnang soi lu sư.