Je 31:21 - Sơ̆p Hlabơar Nơ̆r 'Bok Kei-Dei

²¹ “Pơdơ̆ng bĕ jrăng tơmo wă kơnăl; pơdơ̆ng bĕ gơ'bang wă tơ'bôh trong: Lăng bĕ kơ trong tih, trong noh boih mă lu iĕm yak kiơ̆. Wih brŏk bĕ, ơ bơngai Isơrael, brŏk hơlơ̆k bĕ tơ lu pơlei iĕm!

Je 31:21 Referans Kwoze

Je 50:5

Lu sư jet chă trong năm tơ pơlei Siôn, Lu sư tơwih anăp tơklă tơ pơlei noh: ‘Bĕ bơ̆n yak, truh tơ noh wă pơkă hăm Kră Yang. Hăm tơdrong pơgơ̆p ling-lang ưh kơ đei layơ hiơt.’ ”

Êsai 62:10

Lĕch năm bĕ, rok trong 'măng dur hơmet bĕ trong ăn kơ kon pơlei Man hơmet bĕ, man ming bĕ trong tih. Bơ'nguơih bĕ tơdrong găn pơdơ̆ng bĕ hla-kơ ăn kơ lu kon pơlei Inh.

Êsai 48:20

Lĕch bĕ đơ̆ng Babilôn! Kơdâu weh bĕ đơ̆ng bơngai Kalđê! Athei jreo ôr hiôk chơt na khan roi tơbăt bĕ tơdrong 'nâu. Ră roi dĭng jơ̆p truh tôch kơ lăm teh đak! Athei khan: “Kră Yang dŏng pơklaih adrĕch Jakôp bơih, đĭch đam Sư.”

Hagai 1:5

Thoi noh dang ei Kră Yang Tih Hloh khan thoi âu: ‘Lăng bĕ trong iĕm năm.

Êsêkiên 40:4

Bơngai noh khan kơ inh: Ơ kon bơngai athei lăng mă hơlen, athei mơ̆ng mă nhen tôm tơdrong mă inh gô tơ'bôh ăn kơ ih yua kơ ih năm tơ âu wă kơ lăng dôm tơdrong âu. Thoi noh tôm tơdrong ih 'bôh athei roi ăn kơ adrĕch Isơrael.

Je 51:50

Lu iĕm klaih boih đơ̆ng đao gưm, kơdâu bĕ, 'nĕ pă dơ̆ng! 'Blŏk bĕ kơ Kră Yang đơ̆ng dêh char ataih, tơchĕng 'blŏk bĕ kơ pơlei Jêrusalem lăm kơ̆l 'ngok.

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Je 3:14

Kră Yang khan: “Wih brŏk bĕ! Ơ lu kon sâu ưh kơ tơpăt, yua kơ Inh boih yŏng lu iĕm. Inh gô rơih iŏk lu iĕm minh 'nu đơ̆ng rim pơlei 'bar 'nu đơ̆ng adrĕch păng Inh gô năm ba lu iĕm brŏk tơ pơlei Siôn!

Êsai 57:14

Sư gô khan: “Man bĕ, pơdơ̆ng bĕ, hơmet bĕ trong! Bơ'nguơih bĕ lu tơdrong găn kon pơlei Inh.”

Horiso 84:5

Pŭn dêh kơ bu mă đei jơhngơ̆m pran lăm Ih, Păng đei jơhngơ̆m 'maih năm truh tơ Siôn!

Sa 10:9

Inh gô săi tơraih lu sư tơ jơ̆p-jang kơ teh đak, lu sư mă đơ̆ng dêh char ataih gô 'blŏk kơ Inh; lu sư gô oei arih hơdai brŏk tơ kon akăn kơdih.

Je 51:6

Kơdâu lĕch bĕ đơ̆ng dêh char Babilôn, rim 'nu athei kơdâu wă pơklaih tơdrong arih kơdih akâu. 'Nĕ kơ lôch răm ôh yua kơ tơdrong yoch lu sư. Yua kơ trŏ boih năr Kră Yang pơm tơwih, Sư gô pơm tơwih trŏ thoi đe noh pơm boih,

Tơdrông Pơđơk 24:32

Inh lăng păng hơlen tơ noh. 'Bôh hŏk iŏk pơhrăm.

Horiso 62:10

'Nĕ gơnang kơ kĕ pơjuă đe. 'Nĕ gơnang hơmĕng kơ tơtông klĕ, Mă đei mŭk tơmam lơ, 'nĕ kơ hơđơ̆ng kơ noh.

II Ho 20:3

Jêhôsaphat hli, na hơmet jơhngơ̆m sư chă Kră Yang, na kư̆m roi tơbăt jơ̆p kơ dêh char athei ơ̆t kơ sŏng sa.

II Ho 11:16

Lăm adrĕch bơngai Isơrael, bu đei jơhngơ̆m chă Kră Yang 'Bok Kei-Dei Isơrael, lu sư kiơ̆ lu bơngai Lêwi, năm tơ Jêrusalem wă pơyơ̆r tơmam soi ăn kơ Kră Yang 'Bok Kei-Dei lu 'bok sư.

I Ho 29:3

Yua kơ đei jơhngơ̆m 'mêm kơ hnam Kră Yang 'Bok Kei-Dei bơ̆n, na 'nguaih kơ dôm tơmam inh ăn wă pơm hnam 'lơ̆ng rơgoh, inh kư̆m pơyơ̆r ăn kơ pơm hnam Kră Yang 'Bok Kei-Dei inh lu tơmam maih hu đơ̆ng hnam tah tơmam inh kơdih.

Both 32:46

na sư khan kơ kon pơlei: Lăm jơhngơ̆m lu iĕm athei wei răk bĕ đĭ dôm nơ̆r inh roi ăn kơ lu iĕm lăm năr 'nâu, wă kơ lu iĕm gơh bơtho ăn kơ lu kon sâu iĕm pơm kiơ̆ dôm nơ̆r lăm khôi juăt noh.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Je 46:11

Ơ adruh hơlai kon adruh Êyiptơ, Năm tŏk bĕ tơ char Gileat iŏk đak pơgang pik; mă ih yua lơ pơgang kư̆m; ưh kơ klaih! Rơka ih hơkar kư̆m ưh kơ tơsir.

Je 3:12

Năm bĕ tơ gah yă-nơ̆m ră roi tơdrong 'nâu: Kră Yang khan: ‘Ơ Isơrael bơngai mă ưh kơ tơpăt, brŏk bĕ! Inh lăng tơ iĕm muh măt Inh huay pă thoi 'maih hil boih, yua kơ Inh băt 'mêm mơnat: Inh ưh pă hil ling-lang dơ̆ng boih,’ Kră Yang khan.