Je 30:7 - Sơ̆p Hlabơar Nơ̆r 'Bok Kei-Dei

⁷ Ô! Năr noh kơnê̆ krưp tih tơpă, mă ning-mônh kư̆m ưh kơ đei năr kơnê̆ dêh thoi noh. Noh boih năr truh răm kơ Jakôp! Mă-lei Inh gô dŏng lu sư klaih đơ̆ng noh.”

Je 30:7 Referans Kwoze

Da 12:1

Lăm chăl noh, Mikael, Linh jang tih, noh boih yŏng wă iung wei kơ kon pơlei ih. Kơplah noh gô đei tơdrong gleh truh, iŏk đơ̆ng đei pơjing dêh char truh tơ dang ei tam mă đei tơdrong truh tih thoi noh. Dang ei lăm lu kon pơlei ih, dôm lu bơngai mă đei chih măt lăm sơ̆p hla bơar noh gô klaih păng arih ling-lang.

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Da 9:12

Ih pơsĭt kơ nơ̆r mă pơm tơwih kơ lu nhôn, kơ lu 'bok sek tơlang, đei sek tơlang boih kơ lu nhôn mă đei hlôi tơdrong răm truh kơ lu nhôn yua kơ jơ̆p teh đak tam mă đei tơdrong phak thoi noh, mă đei phak Jêrusalem.

Jôel 2:11

Kră Yang pơma re thoi grơ̆m glaih 'bơ̆t anăp lu linh Sư; lu linh Sư lơ dêh, ưh kơ gơh jô̆. Lu linh pơm kiơ̆ pơsĭt nơ̆r Sư, tơtă jing pran kơtang. Tơpă năr Kră Yang wă phak tih dêh păng hli krưp, bu kĕ dơ̆ng lăm năr noh?

Rom 11:26

'Noh na đĭ lu bơngai Isơrael băt kơ 'nhĕng lu bơngai khŭl nai lui kơ 'Bok Kei-Dei, na đĭ lu sư wang lui kiơ̆, lu sư klaih đĭ dôm tơdrong yoch. Tơdrong noh kư̆m thoi đe chih roi lăm hla bơar 'Bok Kei-Dei sơ̆ thoi âu: “'Bok Dŏng Pơklaih wă năm đơ̆ng Pơlei Siôn tơ rim pơlei Isơrael, wă pơpuh tơjăk đĭ dôm tơdrong yoch đe Isơrael.

Markôs 13:19

yua kơ kơplah ei kơnh gô đei tơdrong tơblah tih hloh kơ đơ̆ng năr 'Bok Kei-Dei pơjing plĕnh teh sơ̆ khơ̆ dang ei. Mă-lei đơ̆ng rŏng kơ noh kư̆m huay kơ mah dang noh mơ̆n.

Hôsia 1:11

Kon sâu Juđa păng kon sâu Isơrael gô pơgơ̆p băl; păng gô pơjing pôk minh 'nu pơm yŏng pơgơ̆r đĭ-đăng lu sư đơ̆ng noh lu sư gô rai lơ lăm teh đak noh, yua kơ năr Jêsreel noh năr tih tơpă.

Nhom 1:12

Ơ lu bơngai chă yak drong găn, bơ̆n hăm pă tơ'bưh hah? Lăng bĕ hăm tơdrong kiơ ơh sơ'ngon; Hli kơ thoi inh đei ơh sơ'ngon. Mă? Kră Yang đei pơm pơmat inh boih; Lăm năr Sư hil.

Je 30:10

Kră Yang khan: “Ơ Jakôp, ih boih đĭch đam Inh, 'nĕ kơ hli. Ơ Isơrael, 'nĕ pă tơrơ! Inh gô dŏng pơklaih iĕm đơ̆ng dêh ataih, đơ̆ng teh đak iĕm pơm bơnă. Jakôp gô brŏk hiôk-hian, rơnŭk rơnua jang sa, ưh kơ đei hli tơrơ kơ bu dơ̆ng.”

Horiso 34:19

Lu bơngai 'lơ̆ng tơpăt đei lơ tơdrong pơmat-tat truh. Mă-lei Kră Yang dŏng pơklaih đĭ tơdrong noh.

Tơdrông Tơ'bôh 6:17

yua kơ truh năr Sư hil kơ nhôn kơtang kơtĭt na bu kĕ sơ̆n.”

Jang 2:20

Măt 'năr jing măng mu, măt khei wă jing thoi pham, hơdrol kơ năr 'lơ̆ng, năr đe pơư pơang anăn 'Bok Kei-Dei tam mă truh.

Jôel 2:31

Măt 'năr gô măng mu, măt khei gô jing thoi pham, adrol kơ năr krưp tih Kră Yang truh.

Nhom 4:6

Tơdrong yoch kon drŏ-kăn pơlei inh tih hloh kơ tơdrong yoch Sôđôm. Pơlei tih mă pơchah 'bônh lăm minh phŭt, ưh kơ đei bu yơ̆r ti tơgŭm sư.

Nhom 2:13

Liơ inh gơh pơting hăm iĕm, Wă kơ gơh pơlung iĕm; Ơ kon adruh pơlei Siôn? Yua kơ rơka lu iĕm jrŭ thoi đak dơsĭ. Bu wă gơh ming klaih?

Horiso 25:22

Ơ Kră Yang 'Bok Kei-Dei! Apinh Ih dŏng pơklaih bơngai Isơrael. Đơ̆ng đĭ-đăng tơdrong gleh sư.

Bl 32:7

Jakôp hli dêh păng tơtăm dêh, na sư klah asong hloi lu bơngai năm kiơ̆ hơdai lu khŭl triu, rơmo, lu lăk-đa pơm 'bar khŭl na khan:

Êsai 20:6

Lăm năr noh lu bơngai oei jê̆ đak dơsĭ gô khan to, lu adrĕch adrung mă bơ̆n gơnang păng kơdâu tơkan wă kơ gơh dŏng pơklaih đơ̆ng pơtao dêh Asiri, na lu sư đĭ jing thoi noh bơih! Lei liơ bơ̆n gơh klaih?

Je 2:27

Lu sư khan kơ 'long, ‘Ih boih 'bă inh,’ khan kơ tơmo, Ih boih pơjing kơ inh. Lu sư tơwih rŏng kơ Inh, ưh kơ tơwih gah muh măt; Mă-lei kơplah lu sư đei tơdrong rŭng răng, lu sư khan: ‘Iung na pơklaih nhôn bĕ!’

Je 2:28

Thoi noh na tơ yơ yang mă lu iĕm đei pơm kơdih noh? Lê̆ lu yang noh năm pơklaih iĕm bĕ, kơplah iĕm đei tơdrong gleh, yua kơ lu yang iĕm lơ kư̆m dang dôm pơlei iĕm, ơ Juđa.

Je 14:8

Ơ Kră Yang Ih boih tơ'ngla mă lu bơngai Isơrael chang hơmĕng. Tơ'ngla mă dŏng pơklaih kơplah năr đei tơdrong truh, liơ Ih nhen thoi bơngai tơmoi lăm char âu, Thoi bơngai chă yak găn weh 'bĭch kơmăng đĕch.

Jôel 1:2

Ơ lu bơngai kră mơ̆ng bĕ nơ̆r âu! Đĭ-đăng lu iĕm jing kon pơlei pơla lăm teh đak âu, mơ̆ng bĕ! Hăm tam đei tơdrong truh thoi noh lăm chăl lu iĕm, dah lăm chăl 'bok lu iĕm ưh?

Jôel 1:15

Răm-'băm tơpă yua kơ năr noh! Năr Kră Yang wă phak wă jê̆ boih! Năr noh truh hăm tơdrong pơrăm đơ̆ng Kră Yang Mơsêh Mơyang.

Sa 14:7

Noh jing minh năr Kră Yang đĕch băt; ưh kơ sĭ kơ'năr dah kơmăng, mă-lei dah kơsơ̆ truh boih gô đei hơdah.

Mi 4:9

Yua kơ kiơ iĕm krao ôr thoi noh? Lu iĕm ưh kơ đei pơtao hă? Dah mă lu bơngai nuih pran hơgei sư lôch boih, na iĕm mah ôr thoi bơngai drŏ-kăn tơpŭ?

Habakuk 3:16

Inh kơtơ̆ng nơ̆r 'nâu, na akâu jăn inh tơtơ̆, Kơtơ̆ng nơ̆r Sư hơkŭng inh pơpơ̆; Kơting inh thoi bŭk răm, Tơdrong bŭk ôm mơ̆t lăm kơting inh; Păng jơhngơ̆m inh hli tơrơ tơtơ̆ tăr wăr. Yua kơ inh athei ngăn hreh gô năr pơmat truh, Noh jơ̆ năr mă lu đe năm blah teh đak lu nhôn.