Je 29:14 - Sơ̆p Hlabơar Nơ̆r 'Bok Kei-Dei

¹⁴ Kră Yang khan: “Inh gô ăn kơ lu iĕm tơ'bơ̆p Inh păng Inh gô iŏk chông anhăk pơdrâu lu iĕm brŏk đơ̆ng pơm bơnă.” Kră Yang khan: “Inh gô akŭm pơđĭ lu iĕm đơ̆ng jơ̆p kơ dêh char, đơ̆ng rim pơlei pơla mă Inh đei puh lu iĕm tơ noh păng gô iŏk anhăk lu iĕm wih brŏk tơ teh đak mă đêl Inh puh iĕm đơ̆ng noh sơ̆.”

Je 29:14 Referans Kwoze

Je 30:3

Kră Yang khan: “Gô đei năr, Inh gô chông ba kon pơlei Inh bơngai Juđa păng Isơrael wih brŏk đơ̆ng pơm bơnă. Kră Yang khan: “Inh gô ba lu sư brŏk iŏk teh đak mă Inh đei ăn boih kơ lu yă 'bok lu sư.”

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

Rom 10:20

Tơdrong noh Êsai kư̆m chih pơjăm lu bôl sư bơngai Isơrael, mă-lei sư ưh kơ hli, sư chih kiơ̆ kơ nơ̆r 'Bok Kei-Dei thoi âu: “Lu bơngai mă ưh kơ băt chă Inh sơ̆, dang ei lu sư 'bôh Inh boih păng kơnăl kơ Inh, yua kơ Inh wih tơbăt kơ lu sư akâu Inh dơ̆ng.”

Je 30:10

Kră Yang khan: “Ơ Jakôp, ih boih đĭch đam Inh, 'nĕ kơ hli. Ơ Isơrael, 'nĕ pă tơrơ! Inh gô dŏng pơklaih iĕm đơ̆ng dêh ataih, đơ̆ng teh đak iĕm pơm bơnă. Jakôp gô brŏk hiôk-hian, rơnŭk rơnua jang sa, ưh kơ đei hli tơrơ kơ bu dơ̆ng.”

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Horiso 126:4

Ơ Kră Yang, apinh Ih chông bơnă lu nhôn brŏk. Thoi thong đak gah gơal đei đak ro dơ̆ng.

Horiso 126:1

Kơplah Kră Yang chông lu bơngai bơnă brŏk tơ Siôn. Lu nhôn thoi bơngai tep apo.

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Horiso 32:6

Thoi noh lu bơngai tơpătc băt chu yom krao khan kơ Ih. Lăm jơ mă oei gơh tơ'bơ̆p hăm Ih, Mă khan đei đak lơ̆p rai tih, kư̆m ưh kơ đei lơ̆p truh tơ sư.

Both 30:3

Na Kră Yang 'Bok Kei-Dei iĕm gô dŏng pơklaih iĕm đơ̆ng pơm đĭch păng gô chông ba iĕm brŏk. Kră Yang gô mơnat păng akŭm pơpôi lu iĕm đơ̆ng rim anih mă Sư pơm kơ iĕm tơklah tơklang.

Both 4:7

Ưh kơ đei adrĕch tih ayơ mă đei yang jê̆ lu sư thoi Kră Yang 'Bok Kei-Dei oei jê̆ lu bơ̆n ling-lang na mơ̆ng rim nơ̆r krao khan thoi bơ̆n:

Jêphania 3:20

Kơplah noh, Inh gô anhăk iĕm brŏk, kơplah lăm năr noh Inh akŭm pơpôi iĕm hơdai, yua kơ Inh gô ăn kơ iĕm đei đe pơư pơang păng đei đe pơyom bơnê tơ lăm rim adrĕch adrung kon bơngai kơpal teh âu, kơplah Inh tơbrŏk lu bơnă 'bơ̆t anăp lu iĕm,” Kră Yang đei khan thoi noh.

Mi 4:12

Mă-lei lu sư ưh kơ băt kơ tơdrong 'Bok Kei-Dei wă lăp đon, ưh kơ băt hlôh kơ Kră Yang tơchĕng; yua kơ Kră Yang đei akŭm pơpôi lu sư thoi hơchô̆ 'ba tơ anih đe pơjuă 'ba.

Je 51:10

Kră Yang pơm tơwih ăn boih kơ bơ̆n. Năm bĕ bơ̆n athei ră roi tơ lăm Siôn, Tơdrong Kră Yang 'Bok Kei-Dei bơ̆n pơm!

Êsai 55:6

Chă bĕ Kră Yang kơplah bơ̆n oei gơh tơ'bơ̆p; krao khan bĕ kơplah Sư oei jê̆!

Am 9:14

Inh gô chông lu bơngai Isơrael brŏk đơ̆ng pơm bơnă, lu sư gô pơjing pơdơ̆ng dơ̆ng lu pơlei tih mă đêl đe pơrăm păng oei hloi tơ noh. Lu sư gô choh pơtăm mir hơmu păng huch đak sư, gô choh pơtăm war mir pơgar hla 'nhot, plei 'long păng gô sa plei sư.

Both 30:1

Layơ dôm tơdrong 'nâu đei truh kơ iĕm, pŭn hiôk dah pơmat-tat, mă inh đei roi pơdah truh tơ iĕm, kơplah oei lăm lu teh đak, mă Kră Yang 'Bok Kei-Dei iĕm puh iĕm năm, lu iĕm gô 'blŏk dơ̆ng kơ dôm tơdrong inh bơtho khan.

Both 30:5

Kră Yang 'Bok Kei-Dei iĕm gô chông ba iĕm brŏk tơ dêh 'bok, 'bă iĕm iŏk boih: Sư gô ăn kơ iĕm chek lar hrôh ngôh mơdrŏng hloh kơ 'bok iĕm.

Êsai 43:5

'Nĕ kơ hli ôh, yua kơ Inh oei hơdai iĕm. Inh gô chông adrĕch adrung iĕm đơ̆ng gah hơlĕch păng akŭm lu iĕm đơ̆ng gah bơmơ̆t.

Êsai 43:6

Inh gô khan kơ gah yă-nơ̆m: ‘Achăng lu sư bĕ’ păng khan kơ gah gơal: ‘Lê̆ pă rôp pơkơ̆ng lu sư.’ Chông ba bĕ lu kon drŏ-nglo Inh brŏk đơ̆ng dêh ataih, chông ba lu kon drŏ-kăn Inh brŏk đơ̆ng tôch kơ teh.

Je 3:14

Kră Yang khan: “Wih brŏk bĕ! Ơ lu kon sâu ưh kơ tơpăt, yua kơ Inh boih yŏng lu iĕm. Inh gô rơih iŏk lu iĕm minh 'nu đơ̆ng rim pơlei 'bar 'nu đơ̆ng adrĕch păng Inh gô năm ba lu iĕm brŏk tơ pơlei Siôn!

Je 8:3

Đĭ-đăng lu bơngai mă oei đei đơ̆ng adrĕch adrung bơngai kơnê̆ âu, lăm đĭ-đăng anih mă Inh đei pơpuh lê̆ boih lu sư 'maih chă lôch hloh kơ 'maih wă arih,” noh Kră Yang Tih Hloh khan.

Je 12:15

Mă-lei đơ̆ng rŏng kơ Inh buch lê̆ lu sư boih, Inh gô mơnat kơ lu sư dơ̆ng. Inh gô anhăk ba lu sư wih tơ char lu sư kơdih păng iŏk teh jang sa.

Êsêkiên 37:21

păng khan bĕ kơ lu sư: Kră Yang khan thoi âu: Inh gô chông ba adrĕch adrung Isơrael đơ̆ng lu char mă lu sư oei, Inh gô akŭm lu sư đơ̆ng jơ̆p kơ dêh char chông ba lu sư wih brŏk tơ char lu sư kơdih.

Êsai 14:1

Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Je 30:18

'Nâu Kră Yang khan: “Inh gô iŏk tơwih bơsŭn anih hnam Jakôp đơ̆ng lu sư pơm bơnă, Inh gô mơnat ăn kơ sơnăm dơnŏ lu sư; pơlei tơm tih đe gô pơdơ̆ng tơ đêl teh so sơ̆, hnam pơtao đe gô pơdơ̆ng trŏ 'bơ̆t anih so sơ̆.

Je 31:16

Kră Yang khan: “'Nĕ pă nhơ̆m dơ̆ng, lê̆ pă lĕch đak măt, yua kơ tơdrong jang iĕm gô đei apah;” Kră Yang khan: “Lu iĕm gô wih brŏk đơ̆ng char lu bơngai ayăt,”

Je 31:17

Kră Yang khan: “Gô đei hơmĕng kơ kon sâu đơ̆ng rŏng, kon sâu lu iĕm gô brŏk tơ char kơdih.

Je 31:23

Kră Yang Tih Hloh 'Bok Kei-Dei bơngai Isơrael khan: “Kơplah Inh chông tơwih bơngai bơnă brŏk, lăm char Juđa păng tơ rim pơlei gô khan: ‘Ơ lu anih mă 'lơ̆ng tơpăt Kră Yang, kông rơgoh, apinh Kră Yang ăn kơ anih âu pŭn hiôk!’

Êsêkiên 39:25

Na, Kră Yang khan thoi âu: Âu Inh gô ăn kơ lu adrĕch Jakôp wih brŏk; hiôk-hian păng 'mêm mơnat kơ đĭ-đăng lu adrĕch Isơrael, păng gô gar anăn 'lơ̆ng rơgoh Inh.