Je 28:15 - Sơ̆p Hlabơar Nơ̆r 'Bok Kei-Dei

¹⁵ Đơ̆ng noh Jêrêmi 'bok khan lê̆ adrol khan kơ Hanania 'bok khan lê̆ adrol: “Ơ Hanania, mơ̆ng bĕ, Kră Yang ưh kơ đei wơh ih ôh, mă-lei ih pơm kơ kon pơlei 'nâu gơnang kơ nơ̆r ih hơlĕnh.

Je 28:15 Referans Kwoze

Je 27:15

Kră Yang khan: “Inh ưh kơ đei wơh lu sư, lu sư yua anăn Inh khan lê̆ adrol hơlĕnh. Tơdah lui kơ lu sư Inh gô pơpuh tơweh lu iĕm păng pơlôch pơđĭ lu iĕm păng lu bơngai khan lê̆ adrol noh.”

Je 23:21

Inh ưh kơ đei wơh lu bơngai khan lê̆ adrol noh, mă-lei lu sư oei năm chă roi nơ̆r Sư kơdih. Inh ưh kơ đei athei lu sư mă-lei lu sư oei khan lê̆ adrol.

Êsêkiên 22:28

Lu 'bok khan lê̆ adrol lu sư ôn tơdrong pơm kơ đe pik kơ lu sư chŭr; 'bôh tơdrong 'bôh hơlĕnh păng hlang lăng hơlĕnh, lu sư khan: Kră Yang khan thoi noh. Mă-lei Kră Yang ưh kơ khan ôh.

Nhom 2:14

Lu bơngai khan lê̆ adrol iĕm 'bôh boih tơdrong hơlĕnh păng chă pơhlŭ iĕm. Lu sư ưh kơ đei tơ'bôh tơdrong yoch iĕm ôh, wă kơ lu iĕm huay kơ pơm bơnă. Tơ'bôh ăn kơ lu iĕm khan lê̆ adrol hơlĕnh păng chă pơhlŭ wă pơrăm iĕm.

Je 29:23

yua kơ lu sư đei pơm yoch bơlŭk kơnê̆ boih lăm lu bơngai Isơrael, pơm yoch ngôi pơyô kư̆ kă hăm akăn lu bơngai rông 'bôt sư kơdih păng pơma hơlĕnh mă Inh ưh kơ đei athei lu sư. Inh băt păng pơm kơdranh kơ tơdrong noh. Noh Kră Yang khan.

Êsêkiên 13:22

Yua kơ lu iĕm iŏk tơdrong hơlĕnh pơm kơ lu bơngai tơpăt rơdu sơ'ngon mă Inh tam pơm kơ lu sư rơdu sơ'ngon ôh, păng yua kơ lu iĕm pơhlŭ lu bơngai kơnê̆ wă kơ lu sư ưh kơ tơbral lê̆ trong kơnê̆, na gơh đei arih,

I Pot 22:23

Thoi noh na Kră Yang đei ăn minh 'nu yang pơma hơlĕnh lăm 'bơ̆r lu bơngai khan lê̆ adrol mă jang kơ ih. Kră Yang wă pơm kơnê̆ truh tơ ih.”

Je 20:6

Ơ Phashur, ih kơdih hăm lu bơngai mă oei lăm hnam ih, đĭ-đăng gô pơm bơnă. Ih gô năm tơ Babilôn gô lôch păng 'bŭ hloi tơ noh, hơdai hăm lu bôl buăl ih, wă khan lu bơngai mă ih đei pơma khan lê̆ adrol hơlĕnh kơ lu sư.

Sa 13:3

Đơ̆ng âu tơ anăp tơdah bu mă oei khan lê̆ adrol, na mĕ 'bă lu sư bơngai tơpŭ kơ lu sư, gô khan kơ lu sư thoi âu: ‘E ưh pă arih boih yua kơ e yua anăn Kră Yang pơma hơlĕnh.’ Mĕ 'bă lu sư gô 'bet sư tơdah sư khan lê̆ adrol.

Je 28:11

Đơ̆ng noh, Hanania tơbăt 'bơ̆t anăp đĭ kon pơlei: “Kră Yang khan: 'Blep lăm 'bar sơnăm Inh gô gơ̆ lê̆ 'long ăt Nebukatnessar pơtao đe Babilôn đơ̆ng ako rim kơ adrĕch adrung.’ ” Jêrêmi 'bok khan lê̆ adrol yak brŏk.

Je 7:8

Mă-lei, lu iĕm oei lui gơnang kơ nơ̆r hơlĕnh ưh kơ đei yua ôh.

Je 29:8

Kră Yang Tih Hloh, 'Bok Kei-Dei bơngai Isơrael khan: “'Nĕ pă lê̆ lu 'bok khan lê̆ adrol păng lu pơjâu oei hơdai iĕm chă hơlĕnh kơ iĕm; păng kư̆m 'nĕ pă hlŭ mơ̆ng kiơ̆ nơ̆r lu sư apo,

Êsêkiên 13:6

Lu sư 'bôh tơdrong tơ'bôh hơlĕnh păng pơm pơjâu tơwir ưh kơ trŏ; lu sư khan Kră Yang khan thoi âu, mă-lei Kră Yang ưh kơ đei wơh lu sư; na lu sư hơpơi wă kơ nơ̆r lu sư khan noh gô đei sĭt.

Êsêkiên 13:9

Ti Inh gô tơblah plơ̆ kơ lu bơngai khan lê̆ adrol 'bôh tơdrong tơ'bôh hơlĕnh, pơm pơjâu ưh kơ trŏ. Lu sư ưh pă oei lăm kon pơlei Inh dơ̆ng, lu sư ưh pă đei anăn lăm sơ̆p hla bơar adrĕch Isơrael; păng ưh kơ gơh mơ̆t tơ lăm teh đak Isơrael; lu sư gô băt Inh boih Kră Yang tih hloh.

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Both 18:20

Tơdah đei bơngai khan lê̆ adrol đei jơhngơ̆m pơang yua anăn Inh pơma dôm tơdrong kiơ mă Inh ưh kơ athei sư pơma, dah yua anăn lu yang nai, na lu bơngai thoi noh trŏ kơ pơlôch.

Je 23:31

Kră Yang khan: “'Nâu Inh gô blah lu bơngai khan lê̆ adrol, mă yua hơpiĕt lu sư kơdih khan: ‘'Nâu nơ̆r Kră Yang khan!’