Je 28:14 - Sơ̆p Hlabơar Nơ̆r 'Bok Kei-Dei

¹⁴ 'Nâu Kră Yang Tih Hloh, 'Bok Kei-Dei bơngai Isơrael khan: Inh gô tơ'băk 'long ăt păng bơsei tơ ako rim adrĕch adrung âu, wă kơ lu sư pơm đĭch kơ Nebukatnessar pơtao Babilôn păng chu jang kơ sư, mă lu sem bri Inh kư̆m đei jao boih kơ sư.”

Je 28:14 Referans Kwoze

Both 28:48

Lu iĕm gô bơ̆jang kơ lu bơngai ayăt, mă Kră Yang wơh năm blah iĕm. Iĕm gô pơngot rơwĕt hoh-hoy păng kơ'bah kơ'bôch lăm tôm tơdrong, Sư gô tơ'băk 'long ăt bơsei tơ hơko iĕm dĭng truh iĕm lôch răm đĭ.

Da 2:38

Kră Yang 'Bok Kei-Dei đei ăn boih tơ lăm ti pơtao dôm lu adrĕch kon bơngai, lu kon sem brem, lu sem păr, tơ jơ̆p-jang anih mă khan lu sư oei tơ yơ, Sư kư̆m đei ăn pơtao pơgơ̆r đĭ-đăng; thoi noh kơ̆l pơm hăm maih noh ih boih.

Je 40:4

Dang ei inh plôh lê̆ glang đơ̆ng ti ih, tơdah ih wă năm hơdai nhôn tơ char Babilôn, năm bĕ inh gô wei-lăng ih. Tơdah ih ưh kơ wă năm tơ char Babilôn ưh kơ đei tơdrong kiơ lei lê̆. Ih lăng tơ dêh char âu oei 'bơ̆t anăp ih. Ih rơngei boih wă năm tơ yơ mơ̆ng kơ Ih wă.”

Je 27:4

Pơkă athei lu sư năm roi kơ yŏng lu sư khan: “Kră Yang Tih Hloh, 'Bok Kei-Dei Isơrael, khan: Lu iĕm athei khan kơ yŏng iĕm:

Both 4:20

Mă-lei lu iĕm, Kră Yang rơih păng iŏk lu iĕm lĕch đơ̆ng dêh Êyiptơ, thoi ŭnh đei 'buh bơsei ngur lăm ŭnh wă kơ lu iĕm jing kon pơlei pơla Sư kơdih, thoi iĕm năr âu.

Je 15:12

Hăm đei bu kĕ gơ̆ bơsei dah kong đơ̆ng gah yă-nơ̆m?

Je 27:8

“Tơdah khŭl bơngai ayơ, dêh char ayơ ưh kơ chu bơ̆jang kơ Nebukatnessar, pơtao Babilôn păng ưh kơ wă 'băk 'long ăt pơtao Babilôn tơ ako sư,” Kră Yang 'Bok Kei-Dei khan: “Na Inh gô yua đao gưm, pơngot rơwĕt, jĭ hơbuh, pơmat bơngai noh dĭng mă Inh ăn dêh char noh lăm ti pơtao Nebukatnessar pơrăm.

Nhom 1:14

'Long ăt tơdrong yoch Sư chô̆ ti inh. Sư dan đĭ hơchô̆ trăp dêh, Sư pơm ăn tơdrong pran kơtang inh hiong đĭ. Kră Yang jao lăm ti lu sư boih, na inh pă kĕ blah dơ̆ng.

Hôsia 10:11

Êphraim thoi minh pôm kon rơmo adruh đĭ pơjuăt boih, wă pơjuă 'ba; mă-lei Inh gô dan 'long ăt tơ kơpal hơko bek 'lơ̆ng sư. Inh gô ăn kơ đe hao kơpal hơko Êphraim; na Juđa gô rơuơ păng Jakôp gô preh pơhĕch teh kơ sư kơdih.