Je 27:7 - Sơ̆p Hlabơar Nơ̆r 'Bok Kei-Dei

⁷ Đĭ-đăng bơngai lăm dêh char gô chu yom kơ sư, kơ kon, kơ sâu sư dĭng truh kơ năr lu dêh char păng lu pơtao tih mơng gô rôp sư pơm đĭch.’ ”

Je 27:7 Referans Kwoze

Je 52:31

Đơ̆ng rŏng kơ pêng-jĭt tơpơh sơnăm Jêhôiachin pơtao Juđa pơm bơnă, lăm năr 'bar-jĭt pơđăm, khei mơjĭt-'bar Êwil Mêrôđak pơtao Babilôn lăm sơnăm sư 'nao pơgơ̆r, plôh tơlĕch Jêhôiachin pơtao đe Juđa đơ̆ng hnam bơnă.

Tơdrông Tơ'bôh 16:19

Pơlei Babilôn pơlei tih dêh đei tơdrong truh kơ lu sư hơling hơlơ̆m pêng pah kueng pơgăn. Păng jơ̆p-jang kơ teh đak kon pơlei pơla nai kư̆m pơchah răm lei-lăi. Pơlei Babilôn 'Bok Kei-Dei hil kơ lu sư ưh kơ chu, na Sư ăn kơ lu sư et sik pơhrăp tơdrong Sư hil.

Tơdrông Tơ'bôh 14:8

Đơ̆ng noh đei linh jang 'lơ̆ng nai mă 'bar kiơ̆ đơ̆ng rŏng sư khan: “Pơlei Babilôn tih krưp tŏ noh ră, mă-lei pơchah pơchek đĭ boih, yua kơ tơdrong yoch lu sư pơm tơ'bôh kơ đe jơ̆p kơ teh đak.”

Habakuk 2:7

Ưh kơ đei bu wă kăp plơ̆ ih hă? Lu bơngai druh rôp ih ưh kơ hơđơ̆r hă? Ih đe gô tơgar iŏk.

Êsai 21:9

To lu linh hao gre aseh lu sư năm hơgrop 'bar 'bar, sư tơl khan: ‘Pơlei Babilôn pơchah răm bơih! Dôm lu rup yang sư pơchah hĕch đĭ tơ teh bơih!’ ”

Êsai 13:1

Nơ̆r khan lê̆ adrol gah dêh char Babilôn mă Êsai kon Amôt 'bôh.

Horiso 37:13

Kră Yang gô hiĕk kơ lu sư, Yua kơ 'bôh khei 'năr wă phak lu sư wă jê̆ boih.b

Je 27:22

‘Gô iŏk ba tơ char Babilôn păng 'măn lê̆ tơ noh dĭng truh năr Inh athei lu sư 'ba pơdrâu tơ anih 'nâu.” Noh Kră Yang khan!

Je 34:1

'Nâu nơ̆r Kră Yang khan kơ Jêrêmi, kơplah Nebukatnessar pơtao Babilôn, hăm đĭ-đăng lu linh sư, đĭ-đăng kơ lu teh đak chu kơ nơ̆r sư oei wang blah pơlei tih Jêrusalem păng lu pơlei nai tăp dăr.

Je 44:30

Kră Yang khan: “Inh gô jao Pharaôn Hôphra, pơtao đe Êyiptơ, lăm ti lu bơngai ayăt kơ sư păng lu bơngai chă wă pơlôch sư, thoi Inh đei jao boih Sêđekia, pơtao đe Juđa, lăm ti Nebukatnessar pơtao Babilôn, bơngai mă ayăt kơ sư păng wă pơlôch sư.”

Je 46:13

'Nâu nơ̆r Kră Yang khan kơ Jêrêmi bơngai khan lê̆ adrol kơ tơdrong Nebukatnessar pơtao Babilôn wă năm blah dêh char Êyiptơ:

Da 2:37

Ơ pơtao, pơtao kơ lu pơtao, yua kơ Kră Yang 'Bok Kei-Dei kơpal plĕnh đei ăn boih teh đak, gơh kĕ pran kơtang păng tơdrong ư-ang kơ pơtao.

Da 4:22

Ơ pơtao, noh jơ̆ ih boih, ih pran kơtang tơdrong ih pơgơ̆r rai kơjung truh tơ plĕnh, tơdrong kĕ ih gom tơ jơ̆p lăm teh đak.

Habakuk 2:8

Yua kơ ih đei blah iŏk lơ dêh char nai, na lu kon pơlei mă oei oei gô plah tơgar iŏk đơ̆ng ih dơ̆ng, yua kơ pham lu sư, yua kơ tơdrong kơnê̆ ih pơrăm teh đak, pơrăm pơlei tih păng đĭ-đăng kon pơlei lu sư.

Êsêkiên 30:24

Inh gô ăn kơ ti pơtao Babilôn pran păng ăn đao Inh lăm ti sư; Inh gô gơ̆ lê̆ ti Pharaôn, pơtao Êyiptơ na sư gô hmoi ôr 'bơ̆t anăp pơtao Babilôn thoi minh 'nu bơngai rơka ôr wă jê̆ lôch.