Je 26:9 - Sơ̆p Hlabơar Nơ̆r 'Bok Kei-Dei

⁹ “Liơ ih pơ̆n yua anăn Kră Yang pơma lê̆ adrol khan: Hnam akŭm âu gô thoi Silô, pơlei âu gô juơ ưh kơ đei bơngai oei?” Na đĭ-đăng kon pơlei akŭm wang Jêrêmi lăm hnam Kră Yang.

Je 26:9 Referans Kwoze

Jang 22:22

Lu bơngai Juđê chu mơ̆ng Pôl pơma kơ lu sư tôch 'bơ̆t Yêsu wơh sư năm bơtho pơlei tơmoi. Lu sư kơtơ̆ng tơdrong noh na lu sư ơh, pơma re khan: “Pơlôch Pôl bĕ. Sư bơngai kơnê̆, ưh kơ trŏ ăn kơ sư arih ôh.”

Jang 21:30

Đĭ-đăng Pơlei Jêrusalem đơđơu đơđao mao. Lu kon pơlei kơdâu năm tơ ei na rôp dui anhăk Pôl tơ 'ngoaih hnam akŭm 'Bok Kei-Dei tơm, na đe tang 'măng hnam ei hloi.

Jang 13:50

Lăm Pơlei Antiôs ei đei lu bơngai drŏ-kăn, sư kư̆m lui kơ 'Bok Kei-Dei, đe ư-ang tơdrong jang sư păng tơdrong sư mơdrŏng. Na lu bơngai Juđê pơhlŭ lu drŏ-kăn ei păng lu kră pơlei sư, yua kơ lu sư areh tơpă kơ bre Pôl păng 'Barna'ba. Na lu sư pơpuh bre sư đơ̆ng tơring ei.

Jang 6:14

Nhôn kơtơ̆ng sư khan Yêsu gô pơrăm hnam akŭm 'Bok Kei-Dei tơm âu păng tơplih tơdrong juăt mă đêl Môis ată kơ bơ̆n sơ̆.”

Jang 5:28

“Nhôn khă iĕm bơtho tơdrong Yêsu boih, mă-lei iĕm oei bơtho tơdrong Sư jơ̆p kơ Pơlei Jêrusalem păng iĕm bơtho jâu nhôn pơlôch Yêsu mơ̆n.”

Yo 8:59

'Bơ̆t ei lu sư iŏk hloi tơmo wă klơ̆m Sư ră; mă-lei Sư ôn akâu Sư kơdih hloi lĕch đơ̆ng hnam akŭm 'Bok Kei-Dei tơm ei.

Yo 8:20

Yêsu bơtho tơdrong âu, Sư bơtho lăm hnam akŭm 'Bok Kei-Dei tơm, 'bơ̆t anih đe tah jên pơyơ̆r kơ Kră Yang. Mă-lei ưh kơ đei ti bu chro rôp Sư ôh, yua kơ tam trŏ 'Bok Kei-Dei ăn.

Markôs 15:11

Mă-lei lu 'bok soi tih pơchŭt lu kon pơlei pơla athei Pilat tơlĕch kơ lu sư pôm 'Barra'ba đĕch.

Mathiơ 27:20

Mă-lei lu đe 'bok soi tih păng lu đe kră sek tơlang pơtrŭt lu kon pơlei pơla athei Pilat tơlĕch kơ lu sư pôm 'Barra'ba na pơlôch Yêsu.

Mathiơ 21:23

Yêsu năm dơ̆ng tơ hnam akŭm 'Bok Kei-Dei tơm wă bơtho đe tơ noh. Kơplah Sư oei bơtho đei lu 'bok soi tih păng lu đe kră sek tơlang năm jet Yêsu thoi âu: “Bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Mi 2:6

“'Nĕ pă bơtho dơ̆ng,” lu sư bơtho. Lu sư ưh kơ bơtho tơdrong noh, Tơdrong mơlâu ưh kơ weh đơ̆ng lu sư.

Am 5:10

Lu sư areh kơ lu bơngai ngăl chrih kơ lu sư tơ 'măng jang pơlei păng ưh kơ iă kơ lu bơngai pơma tơpăt.

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Êsai 29:21

Lu bơngai chă yua 'bơ̆r pơma sơlam hơlĕnh pơm kơ đe yoch, chă pơma sơlam hơlĕnh kơ lu kră sek tơlang. Chă roi pơma sơlam hơlĕnh kơ lu bơngai 'lơ̆ng tơpăt mă ưh kơ đei yoch gô lôch đĭ.

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

Jang 3:11

Bơngai hơwen hơwo ei rôp ti bre Pêtrôs păng Yôhan. Lu sư oei 'bơ̆t pra hnam akŭm 'Bok Kei-Dei tơm, anăn Pra Sôlômôn. Na đĭ-đăng bơngai tơ ei sơleng kơ đon năm tơ lu sư.

Jang 5:12

Lu bơngai jơ̆ng 'bang Yêsu pơm lơ tơdrong mơsêh mơyang đơ̆ng Kră Yang ăn. Lu bơngai lui pôm jơhngơ̆m akŭm tơ pra hnam 'Bok Kei-Dei tơm mă đe anăn Pra Sôlômôn.

Jôsuê 18:1

Đĭ-đăng kon pơlei Isơrael, đei akŭm tơ pơlei Silô, pơm pơdơ̆ng Bơsŭn anih akŭm blŭng-a tơ noh: Lu sư pơgơ̆r jơ̆p teh đak.

Je 32:3

Sêđekia, pơtao đe Juđa, rôp chĭt Jêrêmi, pơtao jet: “Liơ ih khan lê̆ adrol khan:” Kră Yang khan: “Inh gô jao pơlei tih 'nâu lăm ti pơtao Babilôn, sư gô blah iŏk.

Je 33:10

'Nâu Kră Yang khan: “Ih khan gah anih 'nâu: ‘Anih noh juơ ưh kơ đei bơngai oei, kư̆m ưh kơ đei kon sem bri.’ Lăm đĭ-đăng pơlei tih char Juđa păng trong tih pơlei Jêrusalem, dang ei jing anih rơ̆m rĕk, ưh kơ đei bơngai oei păng kư̆m ưh kơ đei sem brem trŏ tơpă.

Je 36:29

Kŭm roi ăn kơ Jêhôiakim pơtao đe Juđa, 'nâu Kră Yang khan: ‘Ih soh boih sơnôm hla bơar âu păng jet: Liơ ih pơ̆n chih khan pơtao Babilôn gô truh, pơrăm dêh char âu păng pơlôch kon bơngai hăm sem dơrong.’

Nhom 4:13

Noh đơ̆ng tơdrong yoch lu bơngai khan lê̆ adrol sư păng tơdrong kơnê̆ lu 'bok soi sư. Lu sư tŭk boih pham lu bơngai tơpăt.