Je 26:5 - Sơ̆p Hlabơar Nơ̆r 'Bok Kei-Dei

⁵ păng tơdah lu iĕm ưh kơ wă mơ̆ng dôm nơ̆r đơ̆ng lu đĭch đam Inh, mă lu bơngai khan lê̆ adrol, Inh ling-lang wơh lu sư năm truh tơ iĕm, mă-lei lu iĕm kư̆m kuă kơ mơ̆ng lu sư,’ ”

Je 26:5 Referans Kwoze

Je 11:7

Inh đei bơtho tơtă boih ăn kơ lu 'bok yă lu iĕm kơplah Inh chông tơlĕch lu sư đơ̆ng char Êyiptơ sơ̆ dĭng truh năr 'nâu, Inh ling-lang tơbăt kơ lu sư: “Chu kiơ̆ bĕ nơ̆r Inh.”

Je 7:25

Iŏk đơ̆ng năr 'bok yă iĕm lĕch đơ̆ng dêh Êyiptơ truh tơ dang ei, Inh oei chơ̆n wơh đĭch đam Inh, lu bơngai khan lê̆ adrol năm tơ lu sư.

Je 7:13

Kră Yang khan: Yua kơ lu iĕm đei pơm boih tôm tơdrong noh mă Inh lơ wơ̆t khan kơ lu iĕm, mă-lei lu iĕm ưh kơ wă mơ̆ng; Inh krao lu iĕm mă-lei lu iĕm kuă kơ tơl nơ̆r Inh.

Esơra 9:11

Ih đei tơtă kơ lu 'bok khan lê̆ adrol, đĭch đam Ih, khan kơ lu nhôn: Dêh char mă lu iĕm wă mơ̆t iŏk noh, jơ̆ minh pôm dêh 'mê̆-'mach, yua kơ đơ̆ng kon pơlei oei tơ noh pơm yoch boih păng đơ̆ng tơdrong lu sư kơkuh kơ yang mă Inh areh tơ jơ̆p-jang kơ dêh noh đơ̆ng pah âu truh tơ pah to.

II Pot 9:7

Ih gô blah pơlôch adrĕch Ahap yŏng tơ'ngla ih păng Inh gô pơm 'mong pơrăm yă Jêsebel đêl pham bơngai mă sư pơlôch, lu bơngai khan lê̆ adrol, đĭch đam ĭnh, hăm pham đĭ-đăng đĭch đam Kră Yang.

Tơdrông Tơ'bôh 11:18

Lu bơngai ala teh mă ưh kơ lui hil areh kơ Ih, mă-lei dang ei kư̆m truh boih tơdrong Ih hil areh kơ lu sư wă phak lu sư păng wă sek tơlang lu bơngai lôch. Gah lu đĭch đam mă pơtruh nơ̆r Ih, lu kon Ih, lu băt lui yom hli kơ Ih, Ih gô apah lu sư mă sư pơm tih pơm iĕ. Gah lu bơngai mă ưh kơ lui chă pơrăm đe tơ ala teh, Ih gô pơrăm lu sư mơ̆n.”

Tơdrông Tơ'bôh 10:7

Lăp năr linh jang 'lơ̆ng mă tơpơh hlôm keng, na dôm tơdrong 'Bok Kei-Dei wơh lu jơ̆ng 'bang sư roi tơbăt ăn kơ bơ̆n mă sơ̆, mă dang ei, dôm tơdrong noh gô 'blep đei thoi noh tơpă.”

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”

Am 3:7

Kŭm thoi noh Kră Yang ưh kơ đei pơm minh tơdrong kiơ, tơdah sư ưh tam mă tơbăt lê̆ adrol tơdrong hlơp kơ lu đĭch đam sư, lu bơngai khan lê̆ adrol.

Êsêkiên 38:17

Kră Yang khan thoi âu: Hăm trŏ kơ ih bơngai mă Inh đei roi đunh đơ̆ng sơ̆ boih Inh đei yua lu đĭch đam Inh lu 'bok khan lê̆ adrol bơngai Isơrael, kơplah lăm năr noh sơ̆, đunh sơnăm bơih, lu sư đei khan lê̆ adrol thoi âu. Inh gô chông ih năm blah lu sư.

II Pot 24:2

Kră Yang ăn lu khŭl linh đe Kalđê, khŭl linh đe Asiri, păng khŭl linh đe Môap năm blah pơrăm char Juđa, wă khŭl linh đe Ammôn pơrăm lê̆ lu sư, kiơ̆ thoi nơ̆r Kră Yang yua nơ̆r lu bơngai khan lê̆ adrol, noh jơ̆ lu đĭch đam sư,

II Pot 17:23

dĭng mah Kră Yang puh tơweh lê̆ lu sư đơ̆ng anăp Kră Yang thoi Sư hlôi yua 'bơ̆r lu đĭch đam Sư bơngai khan lê̆ adrol đei khan lê̆ bơih. Thoi noh na lu đe Isơrael, Kră Yang puh tơweh lu sư đơ̆ng dêh sư kơdih, phak lu sư tơ dêh Asiri dĭng truh tơ dang ei.

II Pot 17:13

Mă-lei Kră Yang yua 'bơ̆r lu bơngai khan lê̆ adrol păng băt lê̆ adrol na lu sư bơtho khan kơ lu bơngai Isơrael păng lu bơngai Juđa băt: “Weh bĕ đơ̆ng trong kơnê̆ lu iĕm, athei wei răk nơ̆r Inh tơtă, păng wei răk tơdrong juăt Inh, kiơ̆ thoi dôm tơdrong juăt Inh tơtă mă Inh yua bơih 'bơ̆r lu bơngai khan lê̆ adrol bơngai đĭch đam Inh na bơtho kơ lu yă 'bok lu iĕm.”

Je 29:19

Kră Yang khan: “Noh yua kơ lu sư kuă kơ mơ̆ng nơ̆r Inh, Inh chơ̆n oei wơh lu bơngai khan lê̆ adrol, lu đĭch đam Inh năm tơbăt ăn kơ lu sư nơ̆r Inh; mă-lei lu iĕm kư̆m kuă kơ mơ̆ng lei-lăi.

Je 32:33

Lu sư ưh kơ hue lăng Inh, tơwih kơ Inh rŏng. Mă khan Inh oei adrin bơtho lu sư, mă-lei lu sư kuă kơ mơ̆ng, kuă kơ chu kiơ̆ nơ̆r Inh bơtho khan.

Je 35:15

Inh đei lơ wơ̆t boih wơh đĭch đam Inh, lu bơngai khan lê̆ adrol năm khan kơ lu iĕm: Dang ei ăn đĭ kơ lu iĕm weh bĕ đơ̆ng yoch, tơplih bĕ tơdrong lu iĕm pơm; păng kư̆m 'nĕ kơ kiơ̆ lu yang nai, lei na lu iĕm gơh mơ̆t oei tơ lăm char mă Inh gô ăn kơ lu iĕm păng kơ 'bok lu iĕm. Mă-lei lu iĕm ưh kơ wă pơgling đon mơ̆ng kiơ̆ Inh.

Je 35:17

Thoi noh na Kră Yang mơsêh mơyang Tih Hloh. 'Bok Kei-Dei bơngai Isơrael khan: ‘'Nâu, Inh gô ăn đĭ lu tơdrong răm truh kơ Juđa păng lu kon pơlei Jêrusalem mă Inh khan lê̆ adrol, Inh đei bơtho tơ'bôh boih kơ lu sư; mă-lei lu sư ưh kơ wă mơ̆ng, Inh krao lu sư boih mă-lei lu sư kuă kơ tơl.’ ”

Je 44:4

Mă khan lei, Inh kư̆m oei wơh lu đĭch đam Inh, lu bơngai khan lê̆ adrol, năm tơbăt kơ lu sư: ‘'Nĕ kơ pơm tơdrong kơnê̆ mă Inh areh 'nâu.’