Je 26:3 - Sơ̆p Hlabơar Nơ̆r 'Bok Kei-Dei

³ Băt lu sư gô mơ̆ng ih, na rim 'nu gô weh đơ̆ng tơdrong kơnê̆ wih tơ Inh, na Inh gô tơplih đon tơdrong Inh wă pơrăm lu sư, yua kơ tơdrong yoch kơnê̆ lu sư pơm.

Je 26:3 Referans Kwoze

Je 36:3

Mưh lu bơngai Juđa kơtơ̆ng đĭ-đăng tơdrong răm Inh wă pơm kơ lu sư, rŏ lăng lu sư gô tơbral achăng lê̆ tơdrong kơnê̆ lu sư kơdih, na Inh huay jô̆ yo tơdrong yoch kơnê̆ lu sư.”

Jôna 4:2

Sư krao khan kơ Kră Yang thoi âu: Ơ Kră Yang, noh hăm trŏ inh đei băt boih kơplah inh oei lăm dêh char nhôn sơ̆? Yua kơ noh na inh hăt hot kơdâu klĕnh tơ pơlei Tarisi. Yua kơ inh băt boih Ih jơ̆ Kră Yang 'Bok Kei-Dei iơ̆m dim, băt mơnat, hiơ̆ kơ hil, 'bĕnh hăm tơdrong 'mêm mơnat, ưh kơ wă pơrăm.

Je 36:7

Rŏ lăng lu sư gô krao apinh Kră Yang păng tơbral păng weh đơ̆ng trong pơm kơnê̆ yua kơ tơdrong hil Kră Yang wă pơm kơ kon pơlei 'nâu tih dêh tơpă.”

I Pot 21:29

“Ih hăm 'bôh Ahap tơjur akâu iŏk đon ala 'bơ̆t anăp Inh ưh? Yua kơ sư tơjur akâu iŏk đon ala 'bơ̆t anăp Inh, na Inh ưh kơ ăn tơdrong pơmat truh, 'bơ̆t chăl sư 'nâu ôh; mă-lei lăm chăl kon drŏ-nglo sư Inh gô ăn tơdrong gleh truh kơ hnam sư.”

I Pot 21:27

Lăp Ahap kơtơ̆ng nơ̆r pơma noh, sư hek ao sư kơdih. Sư iŏk hrŭk ao 'bi păng ơ̆t kơ sŏng sa; sư 'bĭch kơpal 'bi păng chu iŏk đon ala.

Je 26:13

Na dang ei iĕm athei tơplih tơdrong arih iĕm păng tơdrong jang iĕm, mơ̆ng kiơ̆ bĕ nơ̆r Kră Yang 'Bok Kei-Dei lu iĕm, na Kră Yang gô tơplih đon tơdrong wă pơm kơ lu iĕm. Sư đei khan lê̆ adrol kơ lu iĕm băt.

Êsêkiên 12:3

Thoi noh, ơ kon bơngai, ih athei hơmet tơmam chă jăk păng jăk weh yak kơ'năr 'bơ̆t anăp lu sư, ih athei jăk weh đơ̆ng anih ih oei na jăk tơ nai 'bơ̆t anăp lu sư. Lu sư gô 'bôh bưh. Rŏ lăng lu sư hlôh mă khan lu sư kon pơlei juăt kơ iung blah plơ̆.

Hôsia 11:9

Inh pơgơ̆t jơhngơ̆m tơtŏ Inh, păng Inh ưh kơ wă pơlôch pơrăm boih Êphraim, Yua kơ Inh jơ̆ Kră Yang 'Bok Kei-Dei, ưh kơ trŏ kon bơngai ôh. Inh Tơ'ngla rơgoh 'lơ̆ng 'bơ̆t anăp lu iĕm, ưh kơ wă hil pơrăm lu iĕm ôh.

Jôel 2:14

Bu băt lê̆ adrol, rŏ lăng sư gô tơplih tơdrong tơchĕng, oei lê̆ pŭn hiôk kơ bơ̆n, wă khan ăn kơ bơ̆n oei gơh soi pơyơ̆r phe 'ba păng pơyơ̆r tơmam soi huch sa ăn kơ Kră Yang 'Bok Kei-Dei lu bơ̆n.

Je 26:19

‘Hesekia, pơtao đe Juđa păng đĭ kon pơlei Juđa wă pơlôch Mika mơ̆n hă? Ưh kơ trŏ yua kơ pơtao hli yom kơ Kră Yang, na krao apinh Kră Yang mơnat ăn; na Kră Yang tơplih đon huay kơ pơrăm lu sư thoi Kră Yang pơkă wă pơrăm lu sư. Bĕ lu bơ̆n 'nâu pă 'biơ̆ wă pŭ iŏk tơdrong pơrăm kơ lu bơ̆n kơdih.’ ”

Êsêkiên 18:21

Tơdah lu bơngai pơm kơnê̆ băt tơbral đĭ-đăng tơdrong yoch sư hlôi pơm, na wei răk dôm khôi juăt Inh păng pơm tơdrong 'lơ̆ng tơpăt, tơpă sư gô đei tơdrong arih, ưh kơ lôch ôh.