Je 25:1 - Sơ̆p Hlabơar Nơ̆r 'Bok Kei-Dei

¹ Kră Yang khan kơ Jêrêmi gah tơdrong wă truh kơ adrĕch adrung Juđa lăm sơnăm mă puăn chăl Jêhôiakim, kon drŏ-nglo Jôsia, pơtao đe Juđa, noh lăm sơnăm blŭng-a chăl Nebukatnessar pơm pơtao dêh char Babilôn.

Je 25:1 Referans Kwoze

Je 36:1

Lăm sơnăm mă puăn chăl Jêhôiakim kon drŏ-nglo Jôsia pơtao Juđa Kră Yang khan kơ Jêrêmi:

Da 1:1

Sơnăm mă pêng lăm chăl Jêhôiakim, pơtao đe Juđa, na Nebukatnessar, pơtao Babilôn, năm truh tơ pơlei tih Jêrusalem wang wă blah iŏk.

Je 46:2

Gah dêh Êyiptơ: Nơ̆r roi gah lu linh Pharaôn Nekô pơtao dêh Êyiptơ, oei cheng Krong Ơphrat tơ pơlei Karchêmis; lu linh mă đơ̆ng tơblah thuơ kơ Nebukatnessar, pơtao Babilôn, lăm sơnăm mă puăn chăl Jêhôiakim, kon drŏ-nglo Jôsia, pơm pơtao đe Juđa.

II Ho 36:4

Pơtao Êyiptơ pôk Jêhôahas, oh Êliakim pơm pơtao đe Juđa tơ Jêrusalem păng krao tơplih anăn sư jing Jêhôiakim. Pơtao Nêkô rôp Êliakim 'nhŏng Jêhôahas, chông ba tơ dêh char Êyiptơ.

II Ho 36:6

Nebukatnessar pơtao char Babilôn tŏk blah sư, rôp chô̆ sư hăm glang kong chông ba sư tơ dêh char Babilôn.

Je 1:3

Kră Yang đei khan kơ sư dơ̆ng lăm chăl Jêhôiakim kon drŏ-nglo Jôsia pơm pơtao đe Juđa, dĭng truh tơ khei pơđăm sơnăm mơjĭt-mônh chăl pơtao Sêđekia kon drŏ-nglo Jôsia pơm pơtao đe Juđa, kơplah noh mă đe rôp kon pơlei Jêrusalem pơm bơnă.

Je 32:1

Lăm sơnăm mă mơjĭt chăl Sêđekia pơm pơtao đe Juđa, đei nơ̆r Kră Yang khan kơ Jêrêmi. Noh jơ̆ sơnăm mă mơjĭt-tơhngam lăm chăl pơtao Nebukatnessar pơgơ̆r.

Je 45:1

Jêrêmi bơngai khan lê̆ adrol roi ăn kơ Baruk, kon Nêrêa, lăm sơnôm hla bơar dôm nơ̆r Jêrêmi đŏk; dơ̆ng rŏng kơ Baruk chih pơtao Juđa lăm sơnăm mă puăn chăl Jêhôiakim kon drŏ-nglo Jôsia pơtao Juđa:

Da 1:2

Kră Yang 'Bok Kei-Dei jao Jêhôiakim, pơtao đe Juđa păng đei tơmam đơ̆ng hnam Kră Yang 'Bok Kei-Dei lăm ti Nebukatnessar. Sư anhăk ba tơmam noh brŏk tơ dêh Babilôn, tơmơ̆t lăm rông yang sư păng 'măn lê̆ tơ lăm hnam mong tơmam ăn kơ yang sư kơdih.

Je 7:1

Kră Yang khan kơ Jêrêmi:

Je 35:1

Nơ̆r Kră Yang khan kơ Jêrêmi lăm chăl Jêhôiakim kon drŏ-nglo Jôsia pơtao đe Juđa.

Da 2:1

Lăm sơnăm mă 'bar lăm chăl pơtao Nebukatnessar, pơtao đei apo 'bôh, na lăm jơhngơ̆m ưh kơsŭk dĭng mah pă đei tep.