Je 24:7 - Sơ̆p Hlabơar Nơ̆r 'Bok Kei-Dei

⁷ Inh gô ăn kơ lu sư đei jơhngơ̆m băt kơ Inh boih Kră Yang. Lu sư gô jing kon pơlei Inh, Inh boih Kră Yang 'Bok Kei-Dei lu sư, yua kơ lu sư gô đĭ jơhngơ̆m wih brŏk tơ Inh.’ ”

Je 24:7 Referans Kwoze

Hêbrơ 8:10

Păng ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm đon tơchĕng lu sư, Inh wă chih tơ'băk tơdrong juăt Inh tơ lăm jơhngơ̆m lu sư, Inh pơm Kră Yang lu sư, lu sư gô jing kon pơlei pơla Inh.

Je 30:22

“Thoi ei, na lu iĕm gô jing kon pơlei pơla Inh, Inh gô pơm Kră Yang 'Bok Kei-Dei lu iĕm.

Êsêkiên 37:23

Lu sư ưh pă pơm 'mê̆ akâu kơkuh kơ rup yang, lu tơdrong kơnê̆ krưp păng dôm tơdrong yoch glăi. Inh gô dŏng pơklaih lu sư đơ̆ng tơdrong pơ̆k huŏng, mă lu sư hlôi pơm. Inh gô ôp hơrao lu sư, lu sư jing kon pơlei pơla Inh, Inh jing Kră Yang 'Bok Kei-Dei lu sư.

Sa 8:8

păng ba lu sư brŏk, lu sư gô oei tơ lăm Jêrusalem, jing kon pơlei Inh, gah Inh jing Kră Yang 'Bok Kei-Dei lu sư lăm tơdrong sĭt păng tơpăt.”

Rom 6:17

Sơ̆ iĕm đĭch gah tơdrong yoch ră, mă-lei bơnê kơ 'Bok Kei-Dei pơklaih iĕm rơngei boih yua kơ iĕm lui kơ tơdrong đe bơtho hăm đĭ jơhngơ̆m klơm klak.

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.

Êsêkiên 37:27

Hnam rơgoh Inh gô oei tơ lăm lu sư, Inh jing Kră Yang 'Bok Kei-Dei lu sư, lu sư jing kon pơlei pơla Inh.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Je 3:10

Mă-lei, đơ̆ng tơdrong noh, oh sư bơngai Juđa pơm kơnê̆, sư kư̆m ưh kơ wih brŏk tơ Inh đĭ jơhngơ̆m, chă hơlĕnh đĕch, Kră Yang khan.

Êsai 51:16

Inh dan bơih nơ̆r pơma Inh lăm 'bơ̆r iĕm, ôn iĕm lăm yơ̆p tơpang ti Inh. Inh bơlang lu tăl plĕnh păng pơjing plei teh, păng pơma hăm Siôn khan: Iĕm jơ̆ kon pơlei Inh!”

II Ho 6:38

tơdah lăm char mă lu sư pơm bơnă, lu sư đĭ jơhngơ̆m đĭ đon wih brŏk tơ Ih, krao khan apinh Ih păng 'blŏk kơ dêh char mă Ih đei ăn boih kơ 'bok yă lu sư, pơlei tih mă Ih đei rơih, păng hnam mă inh đei pơm hăm anăn Ih 'nâu,

Hêbrơ 11:16

Mă-lei lu sư ưh ôh, lu sư wă chă minh pôm teh đak hiôk hloh kơ noh dơ̆ng, teh đak ei tơ plĕnh ti. Thoi noh na lu sư krao kơ 'Bok Kei-Dei Kră Yang, 'Bok Kei-Dei lăp đon kơ lu sư, ăn hloi kơ lu sư minh pôm teh đak tơ plĕnh ti wă pơjing pơlei lu sư.

Horiso 119:2

Pŭn dêh kơ bu wei răk dôm nơ̆r Sư tơtă. Păng đĭ jơhngơ̆m krao chă Sư.

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Je 11:4

Inh đei tơtă boih hăm lu 'bok yă iĕm kơplah Inh chông tơlĕch lu sư đơ̆ng char Êyiptơ, lĕch đơ̆ng tơnuh kơdơ̆r đe rơ̆ mam.’ Inh khan: ‘Mơ̆ng bĕ nơ̆r Inh tơtă kơ lu iĕm păng pơm kiơ̆ bĕ dôm nơ̆r Inh đei bơtho tơtă, lei na lu iĕm jing kon pơlei pơla Inh, na Inh jing Kră Yang 'Bok Kei-Dei lu iĕm.

Je 29:10

Kră Yang khan: “Layơ tôm tơpơh-jĭt sơnăm ăn kơ Babilôn pơgơ̆r, Inh gô năm hơpong tơ lu iĕm, Inh gô pơm trŏ thoi nơ̆r pơkă 'lơ̆ng rŏ Inh, gô chông ba lu iĕm brŏk tơ teh đak âu.”

Êsêkiên 14:11

Thoi noh adrĕch Isơrael huay pă jrok weh ataih đơ̆ng Inh păng huay pă pơm kơnê̆ 'mê̆-'mach kơdih hăm lơ tơdrong glăi nai dơ̆ng, na lu sư jing kon pơlei pơla Inh, păng Inh jing Kră Yang 'Bok Kei-Dei lu sư, Kră Yang Tih Hloh khan thoi noh.’”

Êsêkiên 16:62

Inh gô pơjing tơdrong pơgơ̆p Inh hăm ih, na ih gô băt inh boih Kră Yang;

Êsêkiên 39:22

Đơ̆ng âu tơ anăp, adrĕch Isơrael gô băt Inh boih Kră Yang 'Bok Kei-Dei lu sư.

Êsêkiên 11:17

Thoi noh khan bĕ: ‘'Nâu nơ̆r Kră Yang Tih Hloh khan: Inh gô akŭm lu iĕm đơ̆ng lu pơlei tơmoi, păng Inh gô iŏk lu iĕm đơ̆ng lu teh đak mă lu iĕm oei tơklah tơklang păng gô ăn teh đak Isơrael kơ lu iĕm dơ̆ng.’

Hôsia 2:22

Teh gô tơl tơwih kơ 'ba mi, kơ sik 'nao, kơ đak rơmă, ăn đak 'mi păng lu tơmam âu gô tơl tơwih kơ Jêsreel.b