Je 2:36 - Sơ̆p Hlabơar Nơ̆r 'Bok Kei-Dei

³⁶ Liơ lu iĕm tơplih trong lu iĕm 'bônh dêh? Lu bơngai Êyiptơ pơm kơ iĕm mơlâu kư̆m thoi lu bơngai Asiri pơm kơ iĕm sơ̆.

Je 2:36 Referans Kwoze

Je 31:22

Oei pă dang yơ dơ̆ng lu iĕm oei thông mang. Ơ kon adruh ưh kơ 'blep? Kră Yang đei pơjing boih minh tơdrong 'nao plơ̆ng lăm teh đak: Bơngai drŏ-kăn wei wêr bơngai drŏ-nglo.”

Hôsia 5:13

Lăp lu bơngai Êphraim 'bôh tơdrong jĭ lu sư, păng Juđa kư̆m 'bôh boih rơka lu sư, kơplah noh Êphraim năm tơ char Asiri, păng năm apinh pơtao tơm Jarep tơgŭm. Mă-lei sư ưh kơ gơh pơklaih lu iĕm ôh, păng kư̆m ưh kơ gơh ming hơmet rơka lu iĕm mơ̆n.

Hôsia 12:1

Êphraim 'me sư kơdih hăm kial, kơdâu kiơ̆ kial đơ̆ng gah hơlĕch rim năr, lu sư pơma hơlĕnh roi dêh păng pơm rai lơ tơdrong kơnê̆; lu sư pơgơ̆p hăm char Asiri păng chĕp ba đak rơmă ôliwơ tơ char Êyiptơ.

Je 2:23

“Liơ ih gơh khan: ‘Nhôn ưh kơ đei 'mê̆-'mach. Inh ưh kơlah kiơ̆ yang Baal ôh?’ Lăng lăng bĕ trong gơlong iĕm pơm lăm thŭng; ăn kơ iĕm băt iĕm đei pơm kiơ boih, iĕm thoi lăk-đa thông đai kư̆ kă tơ âu tơ to,

II Ho 28:16

Kơplah noh pơtao Ahas wơh bơngai năm apinh pơtao Asiri dŏng tơgŭm

Hôsia 14:3

Lu bơngai Asiri ưh kơ gơh pơklaih lu nhôn ôh; lu nhôn ưh pă hao aseh tơblah dơ̆ng, ưh pă khan dơ̆ng yang lu nhôn! Mă man hăm ti lu nhôn noh, yua kơ Ih đĕch mơnat kơ lu kon mơti.

Hôsia 10:6

Sĭt tơpă đe gô tung ba rup 'noh tơ char Asiri pơm tơmam thuê̆ pơyơ̆r ăn kơ pơtao tơm Jarep. Lu bơngai Êphraim kơdơ̆, lu bơngai Isơrael gô mơlâu kơdih akâu.

Hôsia 7:11

Êphraim thoi sem kơtơp kơwao, ưh kơ đei đon băt hlôh, lu sư krao apinh char Êyiptơ, năm tơ char Asiri.

Êsêkiên 29:7

Lăp lu sư rôp ih hăm ti, na ih pơchah tơgơ̆ đĭ, hiĕt hơngiĕng lu sư; lu sư gơning 'bơ̆t ih, na ih tơgơ̆ pơm kơ lu sư pơ̆k tơgơ̆ kơiĕng.

Nhom 5:6

Lu nhôn chro ti tơ lu bơngai Êyiptơ, păng bơngai Asiri, wă kơ đei tơmam sŏng sa phĭ mah.

Nhom 4:17

Măt lu bơ̆n gô rơgah đĕch gô tơdrong pơklaih ưh kơ đei yua kiơ. Lu bơ̆n chang gô lu kon pơlei mă ưh kơ đei dŏng pơklaih bơ̆n.

Je 37:7

“'Nâu Kră Yang 'Bok Kei-Dei bơngai Isơrael, khan: Iĕm khan kơ pơtao Juđa, tơ'ngla mă wơh iĕm năm apinh Inh, khan: ‘Lu linh Pharaôn năm wă dŏng iĕm wih brŏk tơ char sư Êyiptơ boih.’

Je 2:33

Liơ lu iĕm hrăn chă trong wă chă lu bơngai iĕm hưch! Dĭng mah lu iĕm bơtho lu bơngai drŏ-kăn kơnê̆ kiơ̆ trong iĕm.

Je 2:18

Dang ei liơ iĕm jur tơ dêh Êyiptơ nhă đak Krong Nil. Iĕm năm tơ dêh Asiri nhă đak Krong Ơphrat, đei yua kiơ?

Êsai 20:5

Kơplah noh lu bơngai gơnang kơ teh đak Kus păng hơmĕng kơ teh đak Êyiptơ gô hli păng mơlâu.

Je 46:12

Đĭ-đăng dêh char nai gô kơtơ̆ng ang lu iĕm đei tơdrong mơlâu. Tơ lăm jơ̆p-jang kơ teh đak gô kơtơ̆ng ang tơdrong lu iĕm ôr krao dŏng; linh âu kơtơih kơ linh nai. Bre sư gô pơ̆k pơđĭ.”

Êsêkiên 16:28

Ih đei pơm pơyô kư̆ kă hăm lu bơngai Asiri, yua kơ ih ưh kơ hrăp. Tơpă ih đei pơm pơyô kư̆ kă hăm lu sư boih, mă-lei tam mă hrăp.

Je 22:20

Tŏk năm bĕ tơ char Liban păng krao ôr, nhơ̆m hmoi ôr mă re tơ groi Basan krao ôr mă re kơtang dơ̆ng kông Abarim. Yua kơ đĭ-đăng bơngai mă pơgơ̆p hăm ih lôch đĭ boih.

Je 22:22

Kial gô puh pơđông lê̆ đĭ-đăng lu bơngai wei triu ih, păng lu bơngai mă pơgơ̆p hăm ih gô jing bơnă, kơplah noh ih gô mơlâu păng hlơ̆l lĕm, yua kơ tơdrong kơnê̆ đêl ih pơm boih.