Je 19:15 - Sơ̆p Hlabơar Nơ̆r 'Bok Kei-Dei

¹⁵ “Kră Yang Tih Hloh, 'Bok Kei-Dei lu bơngai Isơrael khan: ‘'Nâu, Inh gô ăn tơdrong răm truh kơ pơlei 'nâu hăm lu pơlei jum dăr thoi Inh khan lê̆, yua kơ lu sư arăng kơ̆l, kuă kơ mơ̆ng nơ̆r Inh.”

Je 19:15 Referans Kwoze

Je 7:26

Mă-lei lu sư arăng kơ̆l ưh kơ wă mơ̆ng Inh, kư̆m ưh kơ wă pơgling đon mơ̆n, lu sư rai pơm kơnê̆ hloh kơ lu 'bok yă sư.

Je 17:23

Mă-lei, lu sư ưh kơ wă mơ̆ng; ưh kơ wă pơgling đon; arăng kơ̆l ưh kơ wă mơ̆ng păng kư̆m ưh kơ wă chu Inh bơtho.”

Ne 9:29

Ih pơma chrih kơ lu sư, wă kơ chông lu sư wih brŏk dơ̆ng tơ khôi juăt Ih lei ră lu sư kư̆ pơang kuă kơ mơ̆ng dôm lu khôi juăt Ih, pơm glăi kơ tơdrong juăt Ih. Tơdrong juăt mă tơdah bơngai bu chu pơm kiơ̆ gơh đei tơdrong arih; lu sư arăng kơ̆l wih rŏng ưh kơ wă pơm kiơ̆.

Ne 9:17

Lu sư ưh kơ chu kiơ̆ păng ưh kơ 'blŏk dôm tơdrong mơsêh mơyang Ih đei pơm boih tŏk-bŏk lu sư; mă-lei lu sư arăng kơ̆l, lăm tơdrong lu sư pơm kơchu rơih chă minh 'nu bơngai pơm yŏng wă chông hơlơ̆k brŏk tơ dêh char Êyiptơ dơ̆ng mă đêl lu sư pơm đĭch. Mă-lei Ih boih Kră Yang 'Bok Kei-Dei huay kơ jô̆ yo băt kơ 'mêm mơnat, hiơ̆ kơ hil păng 'bĕnh hăm tơdrong 'mêm mơnat, Ih ưh kơ achăng lê̆ lu sư ôh.

Je 5:3

Ơ Kră Yang! Hăm trŏ kơ măt Ih chă lăng jơhngơ̆m tơpăt sĭt? Ih teh boih lu sư, lu sư ưh kơ băt jĭ, ih pơrăm lu sư boih, mă-lei lu sư oei kơchu kơ tơdrong Ih teh bơtho noh. Lu sư pơrơ̆ng pơm kơ muh măt lu sư arăng hơrăk thoi tơmo. Lu sư ưh kơ wă tơbral tơdrong yoch.

Je 6:19

Mơ̆ng bĕ ơ đĭ-đăng teh đak. Âu Inh ba tơdrong răm truh kơ lu kon pơlei pơla âu, noh boih lĕch đơ̆ng tơdrong lu sư đei pơm boih, Yua kơ lu sư ưh kơ wă pơgling đon mơ̆ng nơ̆r Inh, păng sơngah boih kơ khôi juăt Inh.

Je 11:17

Kră Yang Tih Hloh boih Tơ'ngla mă pơtăm iĕm, na sư kư̆m đei khan wă pơrăm lu iĕm, yua kơ tơdrong kơnê̆ adrĕch Isơrael păng adrĕch Juđa pơm, bơhle tơblĕk Inh soh 'long 'bâu phu kơ yang Baal.

Je 19:3

Ih athei khan: ‘Ơ lu pơtao Juđa păng đĭ-đăng kon pơlei oei lăm pơlei Jêrusalem, mơ̆ng bĕ nơ̆r Kră Yang. Kră Yang Tih Hloh 'Bok Kei-Dei lu bơngai Isơrael khan thoi âu: Âu, Inh gô ăn tơdrong răm pơmat truh kơ anih 'nâu, dah bơngai bu kơtơ̆ng nơ̆r 'nâu kư̆m jĭ đon.

Je 22:21

Inh đei bơtho khan boih kơ ih kơplah ih hiôk jơnap, mă-lei ih khan Inh ưh kơ wă mơ̆ng ôh. 'Nâu tơdrong ih đei pơm boih đơ̆ng ih oei 'lơ̆p sơ̆, ih oei ưh kơ wă mơ̆ng nơ̆r Inh.

Je 36:31

Inh gô phak sư, phak lu kon sâu sư păng lu yŏng pơgơ̆r yua kơ tơdrong yoch lu sư. Inh gô ăn tơdrong truh kơ lu sư, lu kon pơlei Jêrusalem păng bơngai Juđa, tơdrong phak pơrăm Inh đei khan tơbăt lê̆ kơ lu sư adrol boih, mă-lei lu sư ưh kơ wă mơ̆ng.”

Je 11:11

Thoi noh Kră Yang khan thoi âu: Inh gô ăn tơdrong gleh răm truh, lu sư ưh kơ gơh klaih ôh, mă lu sư krao ôr apinh Inh, Inh ưh kơ wă mơ̆ng lu sư ôh.

Je 13:11

Pơtih thoi che tơ̆n kơiĕng klep tơ kơiĕng rim 'nu bơngai thoi yơ, Inh gô ăn kơ đĭ-đăng adrĕch adrung bơngai Isơrael, hăm adrĕch Juđa klep tơ Inh thoi noh, wă kơ lu sư jing kon pơlei pơla Inh, wă ư-ang, kơ Inh wă kơkuh bơnê kơ Inh. Mă-lei lu sư kuă kơ mơ̆ng Inh.”

Je 18:11

Na dang ei, khan bĕ kơ bơngai Juđa păng kon pơlei Jêrusalem, Kră Yang khan: ‘'Nâu, Inh wă iung pơrăm lu iĕm, Inh hơmet wă pơrăm lu iĕm. Rim 'nu athei weh đơ̆ng trong kơnê̆, hơmet ming tơdrong arih sa păng tơdrong pơm kơdih!’

Je 25:3

“Đơ̆ng sơnăm mă mơjĭt-pêng lăm chăl Jôsia, kon drŏ-nglo Ammôn, pơtao đe Juđa dĭng truh dang ei đei 'bar-jĭt pêng sơnăm, nơ̆r Kră Yang pơma hăm inh. Đơ̆ng năr noh, inh iung đơ̆ng hrôih ling-lang roi tơbăt kơ iĕm, mă-lei iĕm ưh kơ wă mơ̆ng.

Je 25:4

Kră Yang oei gô wơh đĭch đam sư, lu bơngai khan lê̆ adrol, năm roi tơbăt ăn kơ lu iĕm, mă-lei iĕm kuă kơ mơ̆ng, kư̆m ưh kơ 'maih wă pơgling đon mơ̆ng.

Je 25:7

Kră Yang khan: ‘Mă-lei lu iĕm ưh kơ wă mơ̆ng nơ̆r Inh, rai tơblĕk Inh hăm tơmam đơ̆ng ti lu iĕm pơm na pŭ iŏk tơdrong pơrăm iĕm kơdih.’

Je 25:8

Thoi noh na, Kră Yang Tih Hloh khan: ‘Yua kơ lu iĕm kuă kơ mơ̆ng nơ̆r Inh,

Nhom 2:2

Kră Yang pơrăm boih, ưh pă đei mơnat, đĭ-đăng anih Jakôp oei. Đơ̆ng tơdrong Sư hil teh pơchah kơđông kơjăp kon adruh Juđa; Sư teh tơjruh tơ teh, pơm kơ lu teh đak sư hăm lu kră pơgơ̆r lăm char sư mơlâu.