Je 17:18 - Sơ̆p Hlabơar Nơ̆r 'Bok Kei-Dei

¹⁸ Apinh Ih pơm kơ lu bơngai rôp pơmat inh mơlâu, mă-lei 'nĕ ăn kơ inh mơlâu; ăn kơ lu sư hli tơrơ, mă-lei 'nĕ ăn kơ inh hli tơrơ! Ăn kơ năr gleh pơmat truh kơ lu sư; apinh Ih pơrăm lu sư hloh kơ 'bar wơ̆t.”

Je 17:18 Referans Kwoze

Horiso 35:4

Ăn kơ lu bơngai chă pơlôch tơ rŏng arih inh gô mơlâu păng hlơ̆l lĕm. Rŏ kơ pơm ăn kơ lu bơngai chă pơrăm inh kơdŭn tơ rŏng păng mơlâu.

Je 20:11

Mă-lei Kră Yang oei hơdai inh, thoi minh 'nu bơngai linh nuih kơtang; Na lu bơngai pơm kơnê̆ kơ inh gô pơ̆k huŏng, ưh kĕ kơ jei lu sư, yua kơ lu sư oei arih sa ưh kơ 'lơ̆ng, gô pŭ iŏk tơdrong mơlâu tih, mơlâu ling-lang hlŏng hloi ưh kơ đei layơ hiơt.

Je 11:20

Ơ Kră Yang Tih Hloh, Tơ'ngla sek tơlang tơpăt, Tơ'ngla mă băt, lăm jơhngơ̆m păng lăm kơ̆l 'ngok tơchĕng, Ăn kơ inh 'bôh tơdrong Ih iung kơting kơ lu sư. Yua kơ inh jao boih tơdrong inh kơ Ih.

Horiso 40:14

Dôm lu bơngai mă wă pơlôch tơdrong arih inh. Ăn kơ lu sư kơdơ̆ mơlâu păng rŭng răng đĭ-đăng bĕ. Dôm kơ lu bơngai mă wă kơ pơrăm inh Ăn kơ lu sư kơdŭn tơ rŏng mơlâu rŭng răng,

Horiso 35:8

Ăn tơdrong răm truh kơ lu sư ưh kơ tam băt. Rŏ kơ hơnhuăl lu sư dăng 'leh lu sư kơdih. Ăn kơ lu sư huŏng tơ sơlŭng noh păng lôch đĭ.

Tơdrông Tơ'bôh 18:6

Mă sư pơm kơnê̆ dang yơ, gô pơm 'mong kơ sư phak sư dang noh, athei pơm tơwih kơ sư 'bar wơ̆t hloh. Sư pơgŏ iĕm et sik kơnê̆, minh tuh 'mong kơ sư, thim 'bar pơnhan hloh kơ sư tuh kơ iĕm.

Je 17:16

Inh ưh kơ sơngah păng kơdâu đơ̆ng tơdrong jang wei-lăng kon triu Ih. Inh ưh kơ wă Ih tuh ăn tơdrong pơmat, Ih băt boih dôm nơ̆r đơ̆ng 'bơ̆r inh pơma 'bơ̆t anăp Ih ngăl.

Je 16:18

Inh gô pơm 'mong kơ lu sư 'bar wơ̆t hloh, tơdrong yoch kơnê̆ lu sư pơm, yua kơ lu sư pơm 'mê̆-'mach kơ teh đak păng tơdrong jang Inh 'bĕnh hăm akâu lôch lu tơmam Inh areh,

Horiso 71:1

Ơ Kră Yang! Inh kơ'nơp lăm Ih; 'Nĕ ăn kơ inh kơdơ̆ mơlâu.

Horiso 70:2

Ăn kơ lu bơngai wă pơrăm tơdrong arih inh, Đĭ-đăng gô kơdơ̆ mơlâu. Ăn kơ lu bơngai 'maih pơmat inh. Kơdŭn tơ rŏng păng mơlâu.

Jop 16:14

Sư teh inh rơka lơ 'bôt, Bruh teh inh thoi linh tơblah.

Je 14:17

Apinh ih khan kơ lu sư nơ̆r 'nâu: Ăn kơ măt inh lĕch đak măt ling-lang, Măng năr ưh kơ pơdơh, yua kơ kon adruh inh, kơ kon pơlei inh, răm-'băm jĭ rơka hơbur dêh, đe pơm jĭ pơmat dêh kơ lu sư.

Je 1:17

Gah ih, tơ̆n bĕ tơlei tơ̆n, iung bĕ păng khan tơbăt ăn kơ lu sư dôm tơdrong mă Inh đei tơbăt ăn kơ ih boih. 'Nĕ kơ hli kơ lu sư, kơnh hli kơ Inh pơm kơ ih hli 'bơ̆t anăp lu sư.

Je 12:3

Mă-lei, ơ Kră Yang, Ih băt boih kơ inh, Ih 'bôh inh, Ih pơlong lăng păng băt jơhngơ̆m inh hăm Ih, Apinh Ih dui lu sư tơ 'nguaih thoi đe dui triu wă 'bet pơlôch, Apinh Ih lê̆ lu sư pha 'măn kơ năr wă 'bet pơlôch!

Je 17:13

Ơ Kră Yang, Ih boih anih hơmĕng tơm kơ bơngai Isơrael, lu bơngai bu achăng lê̆ Ih gô mơlâu! Bơngai bu weh đơ̆ng Inh, chih jô̆ anăn lu sư gah anih lôch, yua kơ lu sư achăng lê̆ Kră Yang mă tu đak glung arih ling-lang.

Je 17:19

Kră Yang khan kơ inh thoi âu: “Năm bĕ, dơ̆ng tơ 'măng jang kon pơlei, 'măng jang lu pơtao Juđa ngăl mơ̆t lĕch păng tơ rim 'măng jang pơlei Jêrusalem.

Both 33:11

Ơ Kră Yang! Apinh Ih ăn kơ lu sư đei jơhngơ̆m pran 'nao. Ăn pŭn kơ tơdrong jang đơ̆ng tơpang ti lu sư pơm. Apinh Ih teh tơgơ̆ lê̆ rơhiĕo lu bơngai ayăt, păng pơrăm lu bơngai areh kơ lu sư, wă kơ lu sư huay pă iung blah dơ̆ng!