Je 17:12 - Sơ̆p Hlabơar Nơ̆r 'Bok Kei-Dei

¹² Tang-dŏ Pơtao mă đe ư-ang đei pơjing boih đơ̆ng blŭng-a, noh anih rơgoh mă lu bơ̆n kơkuh pơyom.

Je 17:12 Referans Kwoze

Horiso 96:6

Tơdrong 'lơ̆ng rŏ păng tơdrong rŏ krưp oei 'bơ̆t anăp Sư. Tơdrong mơsêh păng tơdrong 'lơ̆ng rŏ oei tơ anih rơgoh Sư.

Êsêkiên 43:7

Sư pơma hăm inh khan: “Ơ kon bơngai, âu jing anih mă Inh dan tang-dŏ Inh, anih mă Inh dan jơ̆ng tơ âu Inh gô oei hơdai ling-lang hăm adrĕch adrung Isơrael. Adrĕch Isơrael ưh pă pơm kơnê̆ 'mê̆-'mach kơ anăn 'lơ̆ng rơgoh Inh dơ̆ng, lu sư dah pơtao lu sư lăm tơdrong pơm pơyô kư̆ kă lu sư păng đơ̆ng lu akâu pơtao lôch tơ anih kơjung;

Je 3:17

Kơplah lăm năr noh đe gô krao pơlei Jêrusalem jơ̆ tăng dŏ pơtao Kră Yang păng rim kơ adrĕch adrung gô akŭm tơ pơlei Jêrusalem, lăm anăn Kră Yang. Ưh pă đei bu arăng kơ̆l kiơ̆ kơ jơhngơ̆m kơnê̆ lu sư dơ̆ng.

Êsêkiên 1:26

Kơpal gơwang tơ rơwơ̆ng kơpal kơ̆l lu kon sem arih đei rup kiơ noh nhen thoi tang-dŏ pơtao pơm păng tơmo rang; kơpal tang-dŏ noh đei rup hơbŏ thoi bơngai.

Je 14:21

'Nĕ kơ achăng lê̆ lu nhôn; yua kơ anăn Ih, 'nĕ pơm kơ anih pơtao ư-ang Ih đe pơjăm, Apinh Ih 'blŏk bĕ nơ̆r Ih đei pơgơ̆p hăm lu nhôn păng 'nĕ kơ tŭk.

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.

Hêbrơ 4:16

Thoi noh na bĕ bơ̆n năm jê̆ tơ anăp Sư. Huay kơ hli ôh, Sư mơnat kơ bơ̆n tơpă, Sư wă tơgŭm bơ̆n lơ̆m dôm tơdrong bơ̆n kăl yua.

Êsai 6:1

Sơnăm pơtao Usia lôch, inh 'bôh Kră Yang tơoei kơpal tang-dŏ pơtao kơjung hloh kơ đĭ-đăng păng pơyom ao tai sư 'bĕnh kơ lăm hnam akŭm.

Mathiơ 25:31

“Năr ei kơnh Inh Kon Bơngai mơsêh tih-tin 'lơ̆ng rŏ jur tơ teh âu hơdai păng lu linh jang 'lơ̆ng, Inh gô oei kơpal tang-dŏ pơtao 'lơ̆ng rŏ.

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Horiso 103:19

Kră Yang pơjing boih anih pơtao Sư tơ plĕnh. Dêh char Sư pơgơ̆r kơ đĭ-đăng tôm tơmam.