Je 16:20 - Sơ̆p Hlabơar Nơ̆r 'Bok Kei-Dei

²⁰ Kon bơngai hăm gơh pơm yang kơdih sư? Noh rup đĕch, ưh kơ yang ôh.”

Je 16:20 Referans Kwoze

Êsai 37:19

Klơ̆m lê̆ rup yang lăm ŭnh. Noh ưh kơ yang tơpă ôh, noh đơ̆ng ti kon bơngai pơm păng 'long păng tơmo, na lu sư gơh pơrăm lu yang noh.

Galati 4:8

Sơ̆ iĕm ưh kơ băt chă Kră Yang 'Bok Kei-Dei ôh, na mă iĕm jing đĭch yang nai, mă-lei yang noh ưh kơ yang tơpă ôh.

Je 2:11

Hăm đei teh đak ayơ tơplih boih yang lu sư, mă khan yang noh ưh kơ trŏ kơ yang tơpă? Mă-lei kon pơlei Inh tơplih boih tơdrong ư-ang Inh hăm tơdrong ưh kơ yua kiơ!

Galati 1:8

Sơ̆ nhôn bơtho ăn kơ iĕm tơdrong 'nao 'lơ̆ng trŏ tơpă, na dang ei mă bu bu, tơdah nhôn kơdih, dah linh jang 'lơ̆ng đơ̆ng plĕnh ti, bơtho ăn kơ iĕm tơdrong phara pơm wă pơhloh kơ nhôn bơtho iĕm sơ̆, ning-mônh 'Bok Kei-Dei gô phak sư tơpă.

Jang 19:26

Mă-lei iĕm 'bôh păng kơtơ̆ng tơdrong Pôl pơm. Sư pơgŏ đe lui ưh kơ trŏ, sư khan lu yang bơngai pơm ưh kơ sĭ yang tơpă ôh, yang pơm đĕch. Na đei lơ bơngai tơpă lui kơ sư bơtho tơ Pơlei Êphêsô păng wă jê̆ jơ̆p tơ dêh char Asi mơ̆n.

Êsai 36:19

Tơ yơ yang pơlei Hamat păng yang pơlei Arpat? Tơ yơ yang pơlei Sepharwaim? Lu yang noh tam đei dŏng pơklaih pơlei Samari klaih đơ̆ng ti inh ưh?

Je 5:7

Liơ Inh gơh mơnat lĕ? Kon sâu iĕm achăng lê̆ Inh boih, Lu sư pao anăn lu yang nai, na pơkă mă ưh kơ trŏ kơ yang tơpă. Mă khan Inh 'me rong lu sư phĭ jơnap, mă lu sư rai pơm pơyô kư̆ ka, akŭm băl 'bĕnh lăm hnam bơngai đi.

Da 3:1

Pơtao Nebukatnessar man minh pôm rup hăm maih, kơjung tơdrâu-jĭt hơgăt păng tih sư tơdrâu hơgăt; man pơdơ̆ng tơ lăm thŭng glă Dura, lăm char Babilôn.

II Pot 19:18

Klơ̆m lê̆ yang lu sư lăm ŭnh yua kơ ưh kơ trŏ kơ yang ôh, noh jơ̆ tơdrong jang đêl ti kon bơngai pơm hăm 'long, păng pơm hăm tơmo; yua kơ thoi noh na pơrăm đĭ bơih lu sư.