Je 16:18 - Sơ̆p Hlabơar Nơ̆r 'Bok Kei-Dei

¹⁸ Inh gô pơm 'mong kơ lu sư 'bar wơ̆t hloh, tơdrong yoch kơnê̆ lu sư pơm, yua kơ lu sư pơm 'mê̆-'mach kơ teh đak păng tơdrong jang Inh 'bĕnh hăm akâu lôch lu tơmam Inh areh,

Je 16:18 Referans Kwoze

Êsai 40:2

Pơma bĕ kơ pơlei Jêrusalem mă hiôk păng roi khan tơdrong lu sư pơm đĭch tôch đĭ bơih, tơdrong yoch lu sư mơnat ăn bơih, lu sư chu iŏk bơih đơ̆ng ti Kră Yang mơnat 'bar wơ̆t hloh kơ tơdrong yoch lu sư.

Tơdrông Tơ'bôh 18:6

Mă sư pơm kơnê̆ dang yơ, gô pơm 'mong kơ sư phak sư dang noh, athei pơm tơwih kơ sư 'bar wơ̆t hloh. Sư pơgŏ iĕm et sik kơnê̆, minh tuh 'mong kơ sư, thim 'bar pơnhan hloh kơ sư tuh kơ iĕm.

Êsêkiên 11:21

Mă-lei, lu mơ'nah đei jơhngơ̆m 'maih kiơ̆ tơdrong Inh areh păng tơdrong kơnê̆ krưp, Inh gô pơm tơwih tơdrong lu sư pơm tuh tơ kơ̆l lu sư, Kră Yang Tih Hloh khan thoi noh.”

Je 17:18

Apinh Ih pơm kơ lu bơngai rôp pơmat inh mơlâu, mă-lei 'nĕ ăn kơ inh mơlâu; ăn kơ lu sư hli tơrơ, mă-lei 'nĕ ăn kơ inh hli tơrơ! Ăn kơ năr gleh pơmat truh kơ lu sư; apinh Ih pơrăm lu sư hloh kơ 'bar wơ̆t.”

Je 2:7

Inh chông ba iĕm mơ̆t lăm teh đak mơ̆r 'lơ̆ng, ăn kơ iĕm yua sa plei 'long păng yua iŏk lu tơmam sa 'lơ̆ng. Mă-lei lăp 'nao truh lu iĕm pơm pơ'mê̆ hloi kơ teh đak Inh, pơm kơ dôm tơdrong Inh pơjing đe lăng krưp.

Êsêkiên 11:18

Lu sư gô brŏk truh tơ teh đak lu sư păng hŭt lê̆ dôm tơdrong mă Inh areh păng dôm tơdrong kơnê̆ 'mê̆-'mach krưp đơ̆ng anih noh.

Je 3:9

Yua kơ lu sư tơchĕng khan pơm pơyô kư̆ kă huay kơ yoch kơnê̆, na pơm ăn kơ dêh char jing 'mê̆-'mach, ngôi kư̆ kă hăm tơmo hăm 'long.

Êsai 61:7

Tơplih đơ̆ng mơlâu. Kon pơlei Inh gô đei iŏk tơmam hloh 'bar wơ̆t tơplih đơ̆ng đe pơjăm. Lu sư gô chơt hiôk đơ̆ng tơmam đe asong bơih, na lu sư gô đei iŏk mŭk tơmam 'bar wơ̆t lơ hloh lăm dêh char lu sư păng đei tơdrong hiôk chơt ling-lang.

Mi 2:10

Lu iĕm iung bĕ! Weh bĕ! Yua kơ 'nâu ưh kơ sĭ ăn kơ iĕm pơdơh hiôk ôh, yua kơ tơdrong kơnê̆ 'mê̆-'mach pơrăm boih, tơnat pat dêh tơpă.

Êsai 24:5

Teh đak âu jing kơnê̆ 'mê̆ mach, đơ̆ng kon pơlei pơm yoch. Ưh kơ kiơ̆ khôi juăt, pơm yoch hăm nơ̆r tơtă, pơm glăi hăm tơdrong pơgơ̆p ling-lang.

Horiso 106:38

Tuh pham tơdrong ưh kơ đei. Pham lu kon drŏ-nglo drŏ-kăn sư kơdih. Lu sư pơm tơmam soi ăn kơ rup yang char Kanaan; Na, char noh jing 'mê̆ kơnê̆ yua kơ pham noh.

Lêwi 26:30

Inh gô pơrăm đĭ lu chơnang soh tơmam 'bâu phu tơ anih kơjung iĕm, teh pơchah lê̆ rup măt 'năr iĕm păng dan akâu lôch iĕm kơpal lu rup yang iĕm man păng Inh gô hil areh krưp kơ iĕm.

Êsai 65:6

'Nâu tơdrong mă đei chih bơih 'bơ̆t anăp Inh, Inh gô ưh pă đei lê̆ bơih, mă-lei gô pơm tơwih trŏ, Inh gô pơm tơwih kiơ̆ kơ tơdrong yoch lăm jơhngơ̆m sư.

Je 7:30

Kră Yang khan: “Bơngai Juđa pơm boih tơdrong kơnê̆ 'bơ̆t anăp Inh, lu sư pơm boih rup yang mă Inh lăng krưp lăm hnam Anăn Inh, pơm kơ hnam noh 'mê̆-'mach.

Je 44:4

Mă khan lei, Inh kư̆m oei wơh lu đĭch đam Inh, lu bơngai khan lê̆ adrol, năm tơbăt kơ lu sư: ‘'Nĕ kơ pơm tơdrong kơnê̆ mă Inh areh 'nâu.’

Êsêkiên 5:11

Lei na Kră Yang Tih Hloh khan: Tơpă thoi Inh oei arih, yua kơ ih pơm kơnê̆ 'mê̆-'mach lăm anih rơgoh Inh hăm pơm kơnê̆ krưp, mă Inh areh dêh. Thoi noh na Inh pơrăm ih, măt Inh ưh kơ wă lăng păng ưh pă mơnat.

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Êsai 65:7

Tơdrong yoch kơnê̆ lu sư hăm tơdrong kơnê̆ yă 'bok lu sư.” Kră Yang khan: “Yua kơ lu sư soh bơih 'long 'bâu phu kơpal lu kông, păng pơma kơnê̆, blei hiap Inh kơpal lu groi na Inh gô phak jô̆ akŭm đĭ dôm tơdrong yoch đêl lu sư pơm bơih đơ̆ng adrol sơ̆.

Êsêkiên 36:18

Na Inh tuh tơdrong hil mĭl tơ lu sư, yua kơ lu sư pơm tuh pham pơlôch đe păng yua kơ đơ̆ng lu sư kơkuh kơ rup yang pơm pơ'mê̆ kơ teh đak.