Je 16:16 - Sơ̆p Hlabơar Nơ̆r 'Bok Kei-Dei

¹⁶ Kră Yang khan: “'Nâu, Inh gô wơh lơ bơngai traih ka, wă kơ chă traih rôp lu sư, đơ̆ng noh Inh gô wơh lơ bơngai lua wă kơ chă lua lu sư đơ̆ng jơ̆p kơ kông groi dah lăm hơgơp tơmo.

Je 16:16 Referans Kwoze

Am 4:2

Kră Yang mă 'lơ̆ng rơgoh sư pơkă pơsĭt boih khan: 'Nâu, lu năr wă truh kơ lu iĕm, đe gô wŏk lê̆ lu iĕm, truh tơ kon pơlei iĕm mă oei klaih đe gô wah iŏk.

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.

I Sam 26:20

Ô! Hơpơi rŏ kơ pham inh 'nĕ ăn ro kơpal teh ataih đơ̆ng muh măt Kră Yang; yua kơ kiơ pơtao lu bơngai Isơrael năm chă wă rôp inh, thoi minh pơm siso, nhen thoi đe druh sem trăk-tra? Lăm kông.

Bl 10:9

Sư âu bơngai chă lua nuih tơpă. Yua kơ noh đei nơ̆r pơđơ̆k khan: Nhen Nimrôt, minh 'nu bơngai lua nuih.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Am 5:19

Thoi minh 'nu bơngai kơdâu đơ̆ng dăm-brang mă-lei oei tơ'bơ̆p chơgơu dơ̆ng; dah thoi lu đe mơ̆t tơ lăm hnam, hơgơn ti tơ tơnăr, na 'bih choh ti sư.

I Sam 24:11

Ơ 'bă! Lăng bĕ tơdrơi ao ih mă inh oei chĕp lăm tơpang ti inh; ih 'bôh inh lăp kăt iŏk tơdrơi ao ih mă-lei inh ưh kơ pơlôch ih, băt boih inh ưh kơ đei pơm tơdrong yoch kiơ hăm ih. Mă-lei gah ih, chă wă pơlôch inh.

Êsai 2:21

Sư gô mơ̆t ôn tơ lăm trôm tơmo păng hơgơp tơmo, wă kơ weh đơ̆ng anăp tơdrong hli krưp păng tơdrong mơsêh mơyang Kră Yang. Kơplah Sư iung pơm kơ teh tơdrŏ pơpơ̆.

Êsai 7:19

Sut păng roi gô truh kôp tơ lăm chhom kông, tơ lăm trôm tơmo, tơ tơm 'long jơla, tơ đak dơnâu.

Je 4:29

Kơtơ̆ng jơwa re lu linh hao gre aseh păng lu linh chĕp hră, rim pơlei kơdâu ôn, mơ'nah chă ôn tơ lăm bri kơdrơ̆ng, mơ'nah chă mơ̆t lăm hơgơp tơmo. Rim pơlei achăng đĭ, ưh pă đei bơngai oei.

Je 6:9

Kră Yang Tih Hloh khan: “Đe gô dônh pơpôi đĭ lu kon pơlei Isơrael mă oei oei thoi đe dônh plei hơmu. Chro ti 'mơn phĕ hơlơ̆k dơ̆ng bĕ, thoi đe phĕ plei hơmu.”

Je 49:5

Kră Yang Tih Hloh khan: “Inh gô tuh ăn tơdrong kơnê̆ hli krưp truh tơ lu iĕm, đơ̆ng rim dêh char mă oei tăp dăr, lu iĕm gô kơdâu tơklah tơklang, ưh kơ đei bu gô akŭm lu bơngai mă kơdâu ôn,

Nhom 4:18

Lu sư lăng pơglăn tơ jơ̆ng lu bơ̆n. Dĭng mă lu bơ̆n pă gơh năm rok trong pơlei. Tơdrong jang lu bơ̆n wă jê̆ tôch boih! Năr lu bơ̆n trŏ boih! Tơpă, tơdrong năr tôch lu bơ̆n truh boih!

Hôsia 10:10

Layơ Inh wă, Inh gô phak pơjĭ lu sư; păng lu dêh đe gô iung blah phak lu sư, yua kơ lu sư đei pơm yoch 'bar hơtăl.

Jêphania 1:12

Lăm kơplah noh, Inh gô iŏk ŭnh kơđeng păng ŭnh hơchô̆ nhơk chơchă lăng Jêrusalem, Inh gô phak lu bơngai pơgŏk et tơdrô lăm anih noh, lu sư khan lăm jơhngơ̆m lu sư thoi âu: ‘Kră Yang ưh pă đei tơjur ăn tơdrong pŭn hiôk, kư̆m ưh pă đei wă tuh tơdrong gleh truh.’

Nhom 4:19

Lu bơngai druh lu bơ̆n hrĕnh hloh kơ sem kring păr tơ plĕnh. Druh lu bơ̆n tơ jơ̆p rim kông, wă rôp lu bơ̆n tơ char 'blach,